John 1 - Ohiatonhseratokénti

Raoriȣiiotsera, ne Sonkȣaianer Iesos Keristos tsini hoiaton ne Roiatatokenti San.

¹ Tsi tiotasaȣe Ranakerekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.

² Ok Niio sinikȣekon tsi tiotasaȣe.

³ Oriȣakȣekon Raonha roson, iah othenon tekason nʼiah raonha tahoson.

⁴ Raonhake kaientakȣe nʼatonnhest, nok nʼatonnhest neh akosȣathetsera kenhne nonkȣeokon.

⁵ Asatakon ȣatiosȣathene nok nasatakonronon iah tohonȣanikonraientaon.

⁶ Saiatat tahotori ne Niio Saȣatis ronȣaiastskȣe.

⁷ Neh raniente nahatkatto nok ahatrori tsinonkati ne kasȣathetsera eh naontaȣe akȣekon aontaiaketakȣe Raonhake.

⁸ Iah raonha tehken ne kasȣathetsera, ne ok tanon tsi thonȣatoriaton nahatrori tsinonkati ne Kasȣathetsera.

⁹ Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.

¹⁰ Ranakerekȣe tsi ionȣentsiate raonha roson tsi ionȣentsiate, nok ki iah tehonȣathontati ne iakonȣentsiakeronon.

¹¹ Rokȣathon tsi rotonȣentsiate, nok iah tatehonȣarhoton ne ronhionȣentsiakeronon.

¹² Nok tsiniiakon tehonȣarhoton, sakoȣi ne Niio sakoienhokonha aionton. Nehne tsiniiakon tiakaȣetakon ne raosennakon.

¹³ Nehne iah Onekȣensake tetiakoientakon, iah oni onkȣe tehotennikonra; akȣa tanon Niione tiakoientakon.

¹⁴ Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

¹⁵ Neh ratroriathakȣe ne Saȣatis, satehohenreta tsi ratonhakȣe: neh ȣahi ne ritonhakȣe sikaton: rihentestonhatie ne raknonteratie aseken onen sihanakere, nii sakehnakerenne.

¹⁶ Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

¹⁷ Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

¹⁸ Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

¹⁹ Kenh niiot tsi roriȣakȣarision ne Saȣatis: sahonȣariȣanontonse ne ratitsihenstatsi okon iesakohnatorionne, ȣahonniron: oh nasiatoten?

²⁰ Aseken akȣa tahariȣaierite, iah oni tehotonnhiien tsi ȣahenron: Iah ii teken ne Keristos.

²¹ Nese ȣaonni tontahonȣariȣanontonse: Onka kati nise? I꞉se ken nʼElie? tahenron iah ii teken. Satokense kati ken? Tontasakoȣennaȣeron, nok ȣahenron: iah.

²² Sekon tontahonniron: takȣarori niha oh nasiatoten aontiesenhake iaonsaiakhirori ne tionkhiiatorion? ohnahoten satatenatonkȣa?

²³ Ȣahenron: ii ne karhakonson raȣennotaties, raton: Seȣahahakȣarisi ne Roianer raohaha, tsini haȣen ne Rotokensehakȣe Esaï.

²⁴ Pharisian are neneh ne iesakonatorionne.

²⁵ Sekon sahonȣariȣanontonse, ȣahonniron oh kati nontieren tsi senekȣahesta; iah se ise tehken ne Keristos, iah oni ne Elie, iah oni tesatokense?

²⁶ Tontahenron ne Saȣatis: neok nii naȣenke khenekȣahesta nok tanon saiatat seȣentiokȣakon renteron nehne iah tetsiseȣaienteri.

²⁷ Neh tenhiatiatasonterako, takhenteston, oni; neh oni noiah teȣakerionte neok oni nahiiennikatsenanerensi.

²⁸ Bethani nonȣe kehiken nahaȣenseron ihsi nakaihionhati ne Jourdain tsinonȣe nisakohnekȣahestakȣe ne Saȣatis.

²⁹ Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

³⁰ Nehne ritonhon tsi ȣaken: saiatat tenhiatiatasonterako neh ne takhenteston aseken ohenton sihanakere tsi nii niiot.

³¹ Iah sane nii tehiienterine: nok ki ne ȣene akenhake tsinonkȣati nʼIsraerronon neh ȣahonni aȣenke tekhenekȣahestanon.

³² Ethone oni nihatrori ne Saȣatis tsi raton: ȣahiken ne Rotkon Roiatatokenti Orite kenraken rotiatontakȣenhatie tsi ȣahotienhase.

³³ Iah ki oni tethiienterine: rahonhaki ne iehakatorion akhenekȣahestana naȣenke raȣen: neh nenstsken enhotienhase ne Rotkon Roiatatokenti neh onsakohnekȣaheste nonikonratokentike.

³⁴ Nok riken, eh oni niiot tsi ȣakatrori tsi nehne Niio Roienha.

³⁵ Tsi are saiorhenne, ȣathatane ne Saȣatis teniiase ronnene ne raotiokȣa.

³⁶ Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.

³⁷ Nok ne teniiase ne raotiokȣa, oni ne ronȣathonte tsiniiot tsi tahatati, oksaok Iesos sahonȣateranentakton.

³⁸ Nok ne Iesos tontahatkarhateni, ȣahonikonraientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?

³⁹ Tontahenron: kasene nok tsiatkatto. Eh niiahane nok ȣaiatkatto tsinonȣe nihenterontakȣe; etho oni ne rononha ȣahiatien nehneh ȣenniserate, aseken onen oieri siioȣistahehatie tsini ȣatenniserine.

⁴⁰ André, Simon Tier iatatekenha nekenhon saiatat ne teniiase ronȣaȣennaronken ne Saȣatis, neh oni ne roseron ne Iesos.

⁴¹ Raonha oni tahatierente iahoken ne iatatekenha Simon, ȣahaȣenhase: ȣasakeniken nii ne Keristos.

⁴² Nok eh niiahoiatenhaȣe tsi ihtres ne Iesos: ȣahenron ne Iesos nonen sahoken: Ise ne Simon Jonas iahienha; Cephas entsiesanatonkȣake (neh sakat naiahiron oststenra).

⁴³ Tsi ȣahorhenne Galile niionsare ne Iesos, eh ȣahoken ne Philip, ȣahaȣenhase oni neneh: takser.

⁴⁴ Betsahida oni neneh thanakerekȣe ne Philip tsinonȣe tninakerekȣe ne André tanon ne Tier.

⁴⁵ Nok ne Philip Nathanael ionsahokon nok ȣahenron: Onen nii sakȣaken neh rotonhon tsi roiaton ne Moïs, oni ne Rotitokensehakȣe ronȣatroriaton: nehne Iesos Nazaretronon Sose Roienha,

⁴⁶ Tontahenron ne Nathanael: kah nekenh naontaȣe naontaionkȣetaierike Nazaretke ahontahaiakenne. Tontahenron ne Philip: kastski nok hetsiatkatto.

⁴⁷ Iesos iahoken Nathanael eh nontahaȣenonhatie, ȣahaȣenhase tsi ȣahenron: neh kehiken ne tokenske onȣe Israerhaka niah tekaien naienikonrhate.

⁴⁸ Nathanael tahenron: katke sistienteri? Iesos tontahoȣennaȣeron nok ȣahenron ohenton siiaiennonke ne Philip okȣirokon tesiterontakȣe satekonkanerakȣe.

⁴⁹ Nathanael tontahoȣennaȣeron, nok ȣahenron: Saianer! ise ne Niio Iaienha, ise iesanontiio nʼIsraerhaka.

⁵⁰ Tontahenron ne Iesos: neh tsi ȣakonrori tsi tekonkanerakȣe nʼokȣirokon sitesiterontakȣe neh ahoriȣa tasetakȣe; ensatkatoseron ne senha kariȣanorons tsiniiot ne kehiken.

⁵¹ Ȣahaȣenhase oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshonenonhatie ne Niio Raoronhiakeronon enthonastsnentonhatie oni tsinonȣe nenhenterontake nʼonkȣe Roienha.