Job Tánon ne Raoronhiakensera 25 - Ohiatonhseratokénti

Bildad, Sohtare: Onhniot tsi Ahiekweni ne Onkwe Naʼiakoianereke Rahonhà꞉ke ne Rawenni꞉io

¹ Ethò꞉ne Bildad né꞉ne Shuhró꞉non watharihwaʼserá꞉ko:

² “Kaʼshatsténhsera tánon kateronkwáhtshera tehatíneren ne Rawenni꞉io; ne rón꞉nis ne é꞉neken tiótes ne skén꞉non akénhake.

³ Tsi niwé꞉so rahonkwè꞉taien ne ronterí꞉ios iáh ónhka taiekwé꞉ni nahonwanashé꞉te? Iáh ohkanéka tewatená꞉taien ne raoswathétshera ne iáh tsiatakaswaʼthéte?

⁴ Onhní꞉ioht nón꞉kwe ahiekwé꞉ni naiakoiá꞉nereʼke raohénton ne Rawenni꞉io? Ónhka ahiekwé꞉ni ne tsotonwí꞉sen iakawennakerátston nahiakoʼkwenienstónhake?

⁵ Iekaní꞉hare nasonʼthenhné꞉kha karáhkwa iáh thataioswáteke tánon notsistokwaʼshón꞉as ne iáh tahiotkwenienstónhake ne raohénton,

⁶ thóh ní꞉ioht tsi sénha nón꞉kwe, ohtsinonwanhétha kók thahehiatóthen, tánon nón꞉kwe roiénha, raónha notsinonhwanhéta í꞉ken?”