Jeremiah 34 - Ohiatonhseratokénti

Iahonwahteriwahniéthaʼse Ne Zedekiah

¹ Noríhwa wahohiató꞉renʼne ne Jeremiah ne ne Roiá꞉ner roʼteriwahniethonhátie, nónenh ne Ronnonhtí꞉io Nebuchadnezzar kanenhrahkwékon ne rahonkwetaʼshón꞉a ne ronterí꞉ios ó꞉ni tsewahkwékon ne tsi kanonhtiʼiotsheraʼkérons ne rahónʼa shaʼkhotʼkoráston ne tsi ionwenhtsiáte ó꞉ni onhkwetaʼkwékon iashaʼkonahtiatónti ne Jerusalem ó꞉ni akwékon tsi nonhwéson niʼkanahthaiéntons.

² Ne Roiá꞉ner, ne shakoʼNí꞉io ne Israel, wahakró꞉ri ne iáke tánon nahiʼiénhaʼse ne Ronnonhtí꞉io Zedekiah ne Judah nónhwe, “Í꞉i, ne Watiá꞉ner, enhítatʼtse kí꞉ken kanatowáhnen ne Ronnonhtí꞉io ne Babylonia, tánon enhatenahténthaʼwe.

³ Iáh thasehniékenʼne; kwáh enhieshaʼiéna tánon enieshaʼtiakwahrísi rahonháke. Énsken tentiaʼtatkonhshaʼkánerak tánon kwáh rahónʼa tensehnitháren; ethóne Babylonia nienhénse.

⁴ Zedekiah, shaʼtahónsahtat tsi nahó꞉ten enkíron tsi nòkwah níse. Iáh tahieshaʼrí꞉io ne tsi wahterí꞉io.

⁵ Kwáh skénnonhk tsi enshíheʼie, tánon nonhkweshón꞉a tsi wahontsáhaʼte ne wenhnekeráhkon nónenh sahonwahtiʼhiatáta ne sehsotʼthonkonhkénʼen, né thontinonhtí꞉ioʼkwe nonénhton níse, kwáh thóh ní꞉ioht tsi enhóntsaʼhate ne wenhnekeráhkon ne shariwáhke. Enhiesatʼtiónnionʼse tánon enhonníron, ‘Nonhwahnonhtí꞉io rawenhéion!’ Í꞉i, ne Watiá꞉ner, wakatáti.”

⁶ Ethóhʼne tahíhion kí꞉ken noríwah ne Ronnonhtí꞉io Zedekiah ne Jerusalem nónhwe

⁷ Tohʼnáhe ne ronterí꞉ios ne Ronnonhtí꞉io rahonkwethashón꞉a ne Babylonia rahtiʼnahthakáhrhiasʼkwe. Ne ronterí꞉ios iehonwahnahtsatóntion nònhne ne Lachish tánon ne Azekah, kwáh nék khók énskat iaʼtetiothaténronʼkwe ne tekahnhathanátʼthon ne Judah nónhwe.

Kahnikonhráhthon Tsi Nihonwahtiʼiérahse Ne Ratináskwah

⁸ Nowénhna ne roienáhon ne Jeremiah ne ne Roiá꞉ner nónhwe nitsawénhnon, nónenh ne Ronnonhtí꞉io Zedekiah ronahteriwahsehrónni nonhkweshón꞉a ne Jerusalem nónhwe nahontsanerensehrónni nahonsahonwahnátʼkahwe,

⁹ ne rahtináskwah ne ne Hebrew nahatihiathó꞉ten, tetsarónkwen roskenrahkéte tánon ne tiothonwísen, ne káti ne tó꞉sa ónhka ne ahonwahnaʼtenaskónhniaʼthe ne Israerʼró꞉nons.

¹⁰ Onhkwetahkwékon tánon ne sahkotiʼhéntenʼse wahathiriwahnónhwe nahonsahonwahnátkaʼwe ne rahtináskwas tánon tó꞉sa nonhwénhton ne shé꞉kon ahonsahonwahtiʼnaskónni. Sahonwahnátkaʼwe kíʼ,

¹¹ ók kíʼ ishinonhwéha thonsahonahteriwahténien, ionsahonwahtiʼhiaténhaʼwe, tánon wahonwenhniónnien shé꞉kon sahonwahtiʼnaskónni.

¹² Ethóhʼne ne Roiá꞉ner,

¹³ ne sahkoʼNí꞉io ne Israel, wahatró꞉ri natkheró꞉ri nonhkweshón꞉ʼa: “Ionkwahteriwahsehrónni ne sahsótʼtshera ne sonsahkhehiatháko ne Egypt nónhwe tánon sahonthatewenhní꞉ione tsi rathináskwah kénʼne. Wakheró꞉ri nètho

¹⁴ tiókonhte ne tsáta nihiosehráhke sonwahnátkaf ónhka ne Hebrew akénhake ne ne iáhiak nihiosehráhke ashakohiótenʼse. Ók kíʼ ne sehwahsótʼtshera iáh thènenh karíhwah tehionkónhni iáh ó꞉ni tehonathahonsahtháton tsi niwáhken.

¹⁵ Kwáh tó꞉karah nónhta tsi náhe thonsehʼsewaʼtheriwahthénien tánon thóh nesehwáhiereh nahó꞉ten nahonkerientí꞉io. Sehwahkwékon iaʼthisehwahriwahiénthaʼse kwáh ratikwékon ne Israerʼró꞉non tsi ahonsahietʼtsihiákhaʼwe, tánon akkénton tsi wesehwahtheriwahsehrónni, thóh Ononhsatokentiʼkowáhnen tsi nónhwe nihionkʼsennaientákwah.

¹⁶ Ók ki shékon thonʼsehsewahtheriwahthénien tánon waʼskwahsennáksahthe. Kwáh sehwahkwékon ionsahietʼtsihiaténhaʼwe ne rahtináskwas tsi nikáien ne tsi tsiʼiatkáwenh ne tsi nihonaskahnékon, tánon shé꞉kon thonʼthaietʼtsihianónhthonʼse ratináskwah sahónton.

¹⁷ Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

^18-19 Ne ronahterihóntons ne Judah nónhwe ó꞉ni ne Jerusalem nónhwe, skátke ne kanonhtiʼiotsherákon ronahterihóntons, ne rotikháres, ó꞉ni ratiʼkwékon ne sakothihéntenʼse, ionkwahteriwahsehrónni tsi thóh nónhwe nenhonténti tsi nahtetsiátereh ne tehonwahiatsákhon ne tionʼnónhskwahron rátsinn. Ók kíʼ tehothihiákon nètho ateriwahsehronniátshera tánon iáh tehonatsenawáston tsi nikahriwahnónhtons. Káti thóh nenhkheiérahse kí꞉ken onhkweshón꞉a tsi nihonwahiérahse nètho tionʼniónhskwahron rátsinn.

²⁰ Ienkheʼhiatiakwahríshi tsi nòkwah ne tehontáttions, tsi nikáien ronnére nahonwahtiʼnonhwahrhiákon, tánon ne rahotiʼierontahsónhas otsitenhokónhas tánon ne kontírhios enhónneke.

²¹ Enhihiatiakwahríshi nònhne ne Ronhnonnonhtí꞉io Zedekiah ne Judah nónhwe ó꞉ni ne rahonkwetahshón꞉a ne nónhka ronnére ahonwahtinonhwahrhiákon. Ne ienkhehiatiakwahríshionʼse ne Babyloniaró꞉non ronterí꞉ios, ne tsi tehothitáon tsi ieietʼtsihiatsiatónties.

²² Í꞉i enkaténnhaʼne, tánon tentʼthónʼne ne kénʼen kanatowáhnenh. Ienkonhwahtiatónti, enkonhwahiéna, tánon enhontenonhkwéntahwe. Ne enkónhniaʼthe ne tsi kanathaiéntons ne Judah tsi ní꞉ioht ne iahonwenhtsatʼténhhake tsi nónhwe ne iáh ónhka teienáhkere. Í꞉ih, ne Watiá꞉ner, wakatáti.”