Isaiah 66 - Ohiatonhseratokénti

Tsi Nahiotón꞉hake Naterénhnaient Né Rawenni꞉io Tsi Nihariwanón꞉tons

¹ Né aoríwa rá꞉ton ne Roiá꞉ner: Né tsi Karonhiáte né nakanitskwáhra í꞉ken tánon né tsi ionwenhtsáte né꞉ne tsi tekarashiʼtarákwah í꞉ken; nakanonshó꞉ten ní꞉se askenonsón꞉nien, tánon nakanatʼtóten tsi nón꞉we nakatorisenhtá꞉kwahke?

² Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

³ Ónhka akénhake nahononwarhiá꞉kon né tionhnónskwahron teonákares tsi ní꞉ioht náh né nón꞉kak wahonthatenonwarhiá꞉kon ónkwe; ónhka akénhake nahionteskónthen né teiotiʼnakaronhtónha owí꞉ra, tsi ní꞉ioht náh nónkak watonwaniá꞉rhiake éʼrhar; ónhka akénhake nahontahiéhaʼwe onátsa ahontahiéiesʼte, kwáh né꞉ne ónhkak tahiéiesʼte kwésʼkwés onekwénhsa; ónhka akénhake né arónhniaʼte né iontatehiarastákwah tsi ahontahá꞉ieste né kanetanó꞉ron, akwáh thóh ní꞉ioht né nónkak kaiatónhni akonwaiataʼtérisʼte. Né kí꞉ken né akahónha iakotaterakwénhni tsi nihieweienhnó꞉tens, tánon thóh raonatehenserákon ronatonhnáhere;

⁴ Kwáh ó꞉ni né enkeráko nakheréwaʼte, tánon né entekhehawíthen tsi nahó꞉ten nahothiʼterónhkwen; tsioríhwa, nó꞉nenh shiaʼkhenáton, iáh ónhka thaʼteiakorihwaserákwen, nó꞉nen sakatáti, iáh teonathahonsatáton; ók né wahonterihwaténtsiate tsi nahó꞉ten né karihwahét꞉ken í꞉ken nakʼkhénton, tánon né wahatiʼráko tsi nahó꞉ten né iáh tewakerientí꞉ios.

Né Roiá꞉ner Sahahiatotaríhsi Zion

⁵ Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

⁶ Satahónsatat, tsi nitiorístare né kanatowanénhke! Tkaʼwenhninékens nononsatokentikówaʼne! Né꞉ne raowénhna Roiá꞉ner, né roterihwatsʼteríston karewatátshera tsi nòkwah né ronwáswenhs!

⁷ Nohénton iakáhewe nakaronhiáke waowiraiéntaʼne; nohénton naoronhiakénsera aioiatórenhne raksá꞉a waonakératsʼte.

⁸ Ónhka kén iakorihwarónhken né thóh ní꞉ioht? Ónka iakotʼkáton né thóh ní꞉ioht? Ahónton kén nonwénhtsa ahonná꞉kerate né sewenhniserákok akénhake? Ahónton kén né iakahontsaʼkeró꞉nons ahonsahiontateniákente né kénk nakariwésonhke? Eʼthohʼsàne né kwáh tsi niʼiosnó꞉re né Zion wakaroniáken wahakonákeratsʼte nakoiohʼokónha.

⁹ Ahónton kén nakenotónhko né watewihrará꞉kwah tánon iáh tahiakowiraiénhtaʼne? rá꞉ton ne Roiá꞉ner; atkwé꞉ni kén, tsi í꞉i kenakerátsta, akenó꞉ton ne watewirará꞉kwah? rá꞉ton Sewaní꞉io.

¹⁰ Sewatonnháren skát꞉ne ne Jerusalem, tánon sewatʼtsenhnónhnias nahónha, sewakwé꞉kon né sewanorónhkwah; sewatonnháren skát꞉ne nahónha atsenhnonhniatsherákon, sewakwé꞉kon né sewatʼtiónhnion nahonháke—

¹¹ nètho ní꞉se ahónhton asewanón꞉kera tánon nahiʼsewenhrienhtí꞉io tsi nénhtewe né iawerientí꞉iot kanontáke; né ní꞉se ahónton nasnekíra né kwáh í꞉ken nawerientiʼióshera tsi nénhtewe né ionerákwat wenskwenhá꞉ke.

¹² Asèken né aoríhwa rá꞉ton né Roiá꞉ner: Kwáh ienhkóhetsʼte naoiataterí꞉tshera nahonháke tsi ní꞉ioht né kaniataratátie, tánon né raotiʼkwahséhtsheras né rononhontsakeró꞉nons thóh nenhiotonháke tsi ní꞉ioht né teiotnekaré꞉nion kahionhatátie; tánon níse kwáh kí ensewanón꞉kera tánon ensewahiatenhawí꞉shon kanenhtsáke, tánon iensewashiʼnaiénthaʼke kakwitsáke.

¹³ Tsi ní꞉ioht né kanisténsera teiakohró꞉ton nakoiénha, kwáh káti thenkonhiaró꞉ton nonʼní꞉i; kwáh kí thenhiesaró꞉ton né Jerusalem nón꞉we.

¹⁴ Kwáh kí ensatʼkátho, tánon né serhiá꞉ne enwatonhnháren; né tsi tiónnhe kwáh kí enkaiánerasthe tsi ní꞉ioht nóhonte; tánon kí kwáh enhiakoteriénhtaraʼne né ratsanáke né Roiá꞉ner tsi ratikwé꞉kon né raonhá꞉tsheras, tánon thóh raoteriahtitkhontsherákon tsi sakókʼkonte né ronwáswenhs.

¹⁵ Asèken né Roiá꞉ner kwáh otsirá꞉ke nón꞉we néntre, tánon né raósere notsiónkwah kwáh né꞉ne iotsiskahionhnihátie teioweratáse, né nahonsahaʼkárhiakʼte né raonhakwáhtshera tsi nihonhakwénhen, tánon né raoʼtewenhnaienhtónhtshera taiotonkótatse ótsire.

¹⁶ Asèken né nó꞉tsire énraste né Roiá꞉ner tsi ensakorihwénhtakwe, tánon né꞉ne raosarekó꞉wa, ensakótsthen nonkwetaʼkwékon; tánon tsi niʼiákon né sakotónhton né Roiá꞉ner enhonatiokowanénhke.

¹⁷ Tsi nihá꞉ti né shonatsatatokentíston tánon shoʼnatonhnakanonníhon niaʼtehatiʼiáti thóh niehónhne kahétakons, ronwá꞉ser tsi nikáien nasénhnonh nón꞉we níh꞉re, né rónhneks kwésʼkwés owáron, otsinonwashónhas, tánon né kén nikarhiotásas, kwáh kí ienhonatókʼtase skát꞉ne, rá꞉ton né Roiá꞉ner.

¹⁸ Asèken khehiothenseraʼientérih tánon né raonanonhtonniónhtsheras, tánon taʼiákwe skát꞉ne ratiʼkwé꞉kon né ronhnonhontsakeró꞉nons tánon tsi niaʼtewenhnásakes; tánon kwáh entʼthónhne tánon kwáh enhontkátho naʼtiatanerakwáhtshera,

¹⁹ tánon kwáh éntien naʼtenienténhtshera né tsi rónhnes. Thóh enkheiathó꞉tion iekheiaténiente né niaʼtehonathaténron ohontsakwékons, Tarshish nienhónhne, Put, tánon Lud—ronónha né tonhenhnatiʼhéntʼthos—ienhónhne ó꞉ni né Tubal tánon Javan, ó꞉ni né tsi kawenótons ionhontsaiéntons nahinónhson ít꞉ken né꞉ne iáh teonaronhká꞉onh tsi nitsenhnowánen khès nahonatʼkátonhke natiaʼtanerakwáhtshera; tánon kwáh enhatirihó꞉wahnaʼte natiaʼtanerakwáhtshera né tsi ienakeré꞉nion nonkweshón꞉has.

²⁰ Kwáh enthonwatiʼiaténhaʼwe ratikwéʼkon né sewatátenons ohontsaʼkwékon nón꞉we nenhtʼthónhne tsi enthonwaiésthen né Roiá꞉ner, enhotishá꞉thentse kosáhtens, tánon enhotihonwísere notsiónkwahs, tánon né kanorokwáhere né iokakwenhtón꞉tons, enhotisháthenʼtse tewahóntes, tánon né teiotíkas kontitshénens, akenontatokentíke né Jerusalem nienhónhne, rá꞉ton né Roiá꞉ner, kwáh kí tsi ní꞉ioht né Israerʼró꞉nons tsi tatíhas nonátsas nahontahatí꞉ieste thóh kará꞉tse né iotkwéniens kátʼtshe niaʼhatíhaʼwe raoʼnónskon né Roiá꞉ner.

²¹ Tánon kwáh ó꞉ni toʼkára nihá꞉ti ienkheiaténhaʼwe nahontsihenstón꞉ni tánon tsi ní꞉ioht né Levites enkénhake, rá꞉ton né Roiá꞉ner.

²² Asèken né á꞉se enskarónhiaʼte ó꞉ni nʼá꞉se tsi entionhontsátete, né꞉ne kwáh í꞉ih enkónhni, kwáh kí akʼkhénton enkaiéntake, rá꞉ton né Roiá꞉ner; né kí nonʼnéʼe né tsiswaswatsiratátie tánon né sasénhna enhiotaténronhʼke.

²³ Tsi nenskarakwahrá꞉seke, tánon tsi nientsahontatokéntis, niaʼtehionkwétake éntien nahionterénhnaien nakʼkhénhton, rá꞉ton né Roiá꞉ner.

²⁴ Tánon kwáh ienhatiʼiákenhne tánon enhotkátho né ronenhehiónkwen raotiʼieronhtashónhas né nonkweshón꞉has né iáh tehionkewenhnará꞉kwen; asèken né raotiʼtsinonwanhétas kwáh iáh tahkonhníheie, né raotiʼtsíres kwáh iah tahonswát꞉tonhke, tánon kwáh tsi niaʼtehionkwétake tsi enhonwatíswenh.