Isaiah 21 - Ohiatonhseratokénti

Naʼteriwanhoʼtátshera Ne Aotirihwàke Ne Babylon, Edom, Tánon Arabia

¹ Nateriwanhotáhtshera ne kaienáhon, ne aoriwàke ne iahonwenhtsiaʼthenháke ne kaniatarakhekowáne. Tsi natekaweratáses ne Negeb nón꞉we watohétstha, iaʼhonwenhtsiaʼthenháke nón꞉we niʼtewétha, thóh nitewé꞉tha ne kwáh í꞉ken tionhontsiák꞉sen.

² Né꞉ne kwáh ioriwaní꞉ron tsi ní꞉ioht tsi wahontʼró꞉ri; tánon ne ranikonrátha, sakotenhnínons, tánon ne sakotónhtha ratóntha. Thóh iaháse, Ó Elam, tetswának, Ó Media; akwékon tsi niʼtsiakahonníserens ahónha iorihonhníhon kwáh kí èntsake.

³ Ne káti wahón꞉ni ne tionhʼhontáke ne ionánon ne iatetsokétoʼte ahiakoiatíshonʼkwe; kanon waʼhetʼkéntshera tewatwánen, kwáh tsi ní꞉ioht ne tsiotonwísen iowiraientásere; shó꞉tsi wakeronhiáken iáh tatkwé꞉ni nahonkatʼtónhteke, shó꞉tsi wakateronhienténhni iáh tatkwéni nakatkátho.

⁴ Tewakanitonhniénhni nakenikónra, katerónhtshera wakonhniénhnis nahontsatítshonʼkwe; tsi niʼkaskánekskwe niaʼkarákwenhne né꞉ne hiatkakaraténi nahontsatíshonʼkwe.

⁵ Waʼhontekhwaratsheraʼserónhni, wathatiʼtakwáhrihte nokénha ietskarónkwah, watʼthotskáhon, wahatinekíra. Tesewátat, ne sewentsiokwakweʼní꞉ios, wahonhnehienárhoh ne teioniatátstha.

⁶ Asèken nónenh ne Roiá꞉ner sahakénhase: “Wáhs, tsíteron rón꞉kwe ahathenhnikonrá꞉ren, tierí꞉hon naharihó꞉wanat tsi nahó꞉ten ratkáthos.

⁷ Nó꞉nen enshakóken kosáhtens tahotishátenhtie, tsoianátʼtions, tewahóntes tahotishátentse, ioʼtiniakwáher tahotishá꞉tenʼtse, tseríhon kwáh hátʼta tsi raʼtenhnikonráhren, kwáh raʼtenhnikonráhren.”

⁸ Eʼthó꞉ne ne raʼnikonrá꞉re kwáh ne ne kenraks iaʼthohohénrete: “Thóh í꞉kete ne tsi roʼteniká꞉tote Natiá꞉ner ne ieiontkeʼtótha, iehiokhontákwen thóh í꞉kete kwáh niaʼtewenhniseráke, tánon tsi nón꞉we natehiontʼtáston thóh kí nón꞉we ní꞉kete thóh kashonʼtíiats.

⁹ Satkátho, kén tahón꞉ne, tahotishátenʼtse, kosáhtens tahotishá꞉tenʼtse tsioianátʼtions!” Eʼthó꞉ne ó꞉nen waharihó꞉wanate, “Tsoiathènʼen, tsoiathènʼen ne Babylon; tánon akwékon ne kahiatonhnisónhas ne aoniʼiohókons ohontsàke kakérons tehiotʼtókwen.”

¹⁰ Ó ne wákʼwahe tánon ne wakáshewen, tsi nahó꞉ten wakatonhtéhon tsi nitsawénon rahonhàke ne Sakoiá꞉ner ne ronterí꞉ios ratiʼronhiakeró꞉nons, ne Sakoní꞉io NÍsraerʼronónke, Waʼkonrihowanáthen.

¹¹ Ne tekawenhnathéton ne aorihwàke ne Dumah. Onhkát tsionhnekatónhnions Seir nón꞉we nitewé꞉tha, “Ne tesatasonhtanón꞉ne, thóh nió꞉re ienhiórenhne? Tesatasonhtanón꞉ne, thóh nió꞉re ienhiórenhne?”

¹² Né tehatasonhtanónhne rá꞉ton: “Ióhrens, tánon ó꞉ni ietsokáras. Tó꞉ka kwáh enseriwísake, serihwísak; shé꞉kon kí tonhtàse.”

¹³ Naʼteriwanhotáhtshera ne aorihwàke ne Arabia tsi ionhontsakwénhtare. Tsi iotkwirón꞉ni ne Arabia nón꞉we nenhshaʼthatíteron, Ó ne sewanenhrínes ne Dedanites.

¹⁴ Taʼietsinekenhawíten ne iakoniatátʼtens, tesewatát꞉ken ne rotinathenháwis ieʼtsinataránont, Ó ne sewanákere ne tsi watonhontsáien ne Tema.

¹⁵ Asèken konwatékwenhni nasarekówa, ne washarhótion, ne tehiotʼtsáton ahénhna, tánon tsi naʼtehionikonhkáriat nateriʼiósera.

¹⁶ Asèken nó꞉nenh ne Roiá꞉ner sahakénhase: ohénton ne tsósera, né entsioianénhaʼwe tsi niʼioseráke ronhwanáhon ne rohióthens, akwékon nahohiataneraʼkwéhtshera ne Kedar kwáh kí enwatók꞉then;

¹⁷ tánon ne iothaténrons raoʼnahénhnas ne Kedar ronterí꞉ios kwáh kí kénk nenhskónhake; ne Roiá꞉ner, Sakoní꞉io NʼIsraerʼró꞉nons, rotatíhon.