Isaiah 15 - Ohiatonhseratokénti

Ne Tsi Nihotaʼtíhon Tsi Niʼtsawénon Rahonháke Moab

¹ Ne tsi nihotatíhon tsi nitsawénon rahonháke ne Moab. Tsiorí꞉wa ne Ar thóh káien watseshá꞉ton ne tsi niwasónhtes, Né Moab tetkaʼríshion; tsiʼrí꞉wa ne Kir thóh káien watseshá꞉ton ne tsi niwasónhtes, Né Moab tetkaʼríshion.

² Dibon ononsatokentiʼkówaʼne né niehawénon, né èhʼneken tiót꞉te nón꞉we iatahaséntʼtho; ne raoʼrihwáke ne Nebo tánon ne Medeba Moab waʼtiohénrete tsi nahonikonrátsen. Kwáh tsi niaʼtehiakonontsístake tsi iáh othènen tetsakononhkwíseró꞉te, kwáh tsi niaʼtekakonstónrahʼke tsi ronhwatiʼkonsthonrhiá꞉kon;

³ né tsi tekanatokénserons né ronatʼtseronhniátons káiare; ne kahnonsakenhiátshons tánon ne kwáh satekanatíhens kwáh onkwetaʼkwékon teiakohenrétha tánon tehiakokaseranáwenhs.

⁴ Heshbon tánon Elealeh nón꞉we watsiaʼkohénreʼte, iaʼtehatiʼwenhnaniháras kwáh tsi nió꞉re ne Jahaz; né káti aoríhwa ne ronterí꞉ios ne raotsió꞉kwa ne Moab wahotiʼhiatíshonkwe; ne raotónnhets wationwíshonkwe.

⁵ Nakwéri tehoséntʼthoʼse Moab; ne rotiʼnathénhawis wahontèko Zoar niaʼhónhne, tánon Eglath Shelishiyah. Asèken tsi tsionontakàrenhre ne Luhith iahatinonhtarane tehonsentos; ne tsi niehiothahínon ne Horonaim wahatiʼtsitakétsko ne atkaronhniátshera;

⁶ nahonèkanos ne Nimrim iostéhon; nohonteʼshónhas iostatʼthénseron, ne tetsohonthánio wakonhníheie, ne kaienthóhtshera kwáh iotónhon.

⁷ Ne káti aoríhwa ne iawethatsáni teonahténtsion tánon tsi nahó꞉ten ne ronatateroʼróki iahatíhawe kí thóh nahonrákwahkon tsi ioterontónhnis ne óhse.

⁸ Asèken notsí꞉tha iaʼteiokwáhthase ne tsi ionhontsáien ne Moab; tsi niʼiotsitʼtókwen iewas ne Eglaim, tsi niʼiotsitʼtókwen iéwas ne Beer-elim.

⁹ Asèken nahonekahshón꞉ʼahs ne Dibon kwáh kanáhnons onekwénhsa; nek kík sáka kwáh sénha wé꞉so entekhawìten ne Dibon— né꞉ne kénreks né꞉ne tsi niʼiákon ne tsakotékwen, né꞉ne iatehiakothaténron ne tsi ionhontsàte.