Hosea 3 - Ohiatonhseratokénti

Sénha í꞉si nón꞉we Nikarihwaní꞉rats Ne Rawenni꞉io Tsi Tsakoiatákwas Ne Raonoronhkwáhtshera

¹ Ne Roiá꞉ner shé꞉kon sahakénhase, “Wás, iashenó꞉ronht tiontonwí꞉sen nahónha ó꞉nen ioskaraien tánon kí watenakwahiesátha, kwáh thóh ní꞉ioht tsi senóront tsi kí nisakonorónhkwa ne Roiá꞉ner nonkweshón꞉as Nisraeró꞉nonke, iawerohátien tsi thóh nokwáh niehoné꞉non ne tikaniioserá꞉tes tánon roné꞉kas ne tkanenhára watenatáronhte.”

² Káti watsata꞉ní꞉non wísk iawén꞉re nikahwístake kawistará꞉kens tánon tsáta nikawinotserá꞉ke tehiotikonstónhres.

³ Tánon waʼkénhase, “Ní꞉se ó꞉nenk tsi thenthenihiaséhake ne kwáh wé꞉so wenhniserá꞉ke; iáh ó꞉nen tahonshasatenakwahiesáte, iáh ó꞉nen tahonsheseninawine ne rónhkwe, iáh ó꞉ni ní꞉i.”

⁴ Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim.

⁵ Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.