Habakkuk 1 - Ohiatonhseratokénti

¹ Ne ne raotrorhiátshera ne rotokénhse Habakkuk tsi nihotkáton.

Ne Rotokénhse Raoriwakathéntshera

² O Saiá꞉ner, tonakariwésonke ne kwáh tahkasénhtho ne kaienawaséhtshera aorihwà꞉ke, tánon ní꞉se kwáh iáh tasatahonsáthate? Khehs takasénhtho shón꞉hake “Ne kaniakatsténhsera aoioténhsera!” ók ní꞉se kwáh iáh tasatewenhnaro?

³ Onhniiohtié꞉ren ní꞉se tsi ne takonhnién꞉nis nakatkátho ne kariwahétken í꞉ken tánon ne takatkáneren ne teionikónrahrak? Atkaronhniátshera tánon kaniakatsténhsera atkénton í꞉ken; aterihiósera tánon ateriotarokʼtshera otʼkétsko.

⁴ Káti ne kaianerénhsera saiosarehshá꞉ne tánon ne kaianérenh iáh nonhwén꞉ton tewatkwénies. Ne ronhnonkweʼtahétkens tesakotihonwarón꞉ni ne iakoiá꞉nereh— neh sewahón꞉ni ne kariwenhthátshera teiononwetsawehronhtàhon.

⁵ Sehiatkátho ne ronhnonwenhtsakeró꞉nons, tánon satkátho! Kwáh kíʼ ensahrihwanerá꞉ko! Asè꞉ken watiotáhtie tsi nisatenhniseraténions né꞉tho ní꞉se tsi iáh tahontashé꞉takwe tó꞉ka shí꞉ken aiesahró꞉ri.

⁶ Asè꞉ken satkátho kheketskóhe ne Chaldeans, né꞉tho iotonhkwetát꞉terons ó꞉ni ratiniakátstes kentióhkwa, ronón꞉ha ne tsikʼnónwe nienhatinenrahserón꞉ni tsi ionwenhtsá꞉te enhontié꞉nawatste tsi kanonshó꞉tons ne iáh ronónha tehonáwenk.

⁷ Katerontserowá꞉nen tánon teiotenonhianí꞉ton tsi nihatiiató꞉ten; ne tsi nihonthatón꞉ni né꞉tho tsi nihonhnontónhnions kwáh tsi nenhón꞉tsereh akwé꞉kon tseioiá꞉nereh.

⁸ Ne raothitsenenhó꞉kons koshá꞉tens sénha ne tehotí꞉kas tsi ní꞉ioht ne tá꞉kos iorahkwahrónhnions, sénha sakotiteronkwénhnis tsi ní꞉ioht ne okwáho tsi iationsontaienenhátie; ne raothitshenenhó꞉kons ákta ionetonhátie. Ne rothisáten ahinónhson nón꞉we nithonéhnon; kwáh thóh niiót tsi ratítse kwáh ne ne ak꞉kwes iostó꞉reh tsi teiakotahsénhtha nahorió꞉ta.

⁹ Ratikwé꞉kon nahonkwetashohas ne ronteriios ne aorì꞉wa tonhnhétha ne ne kaniakatsʼténhsera aorihwà꞉ke, tsi niahonenonhátie; sakotiienenhátie tsi nihonatiokowá꞉nen kwáh thóh ní꞉ioht kwáh ne ne onesarónhkwah.

¹⁰ Thihonwatiiéron ne rotinontí꞉ios, tánon ne ratikoráhsons ronwanatswáhtakwa nenh né꞉eh. Neh watenhenraké꞉rons iáh thakakwé꞉ni ne tahiakotáste, tánon okén꞉ra rathitonhiótʼtas nasontatʼtas tsi enhatiié꞉na.

¹¹ Ethò꞉ne wahontohétsthakwe tsi ní꞉ioht nowé꞉rah; wahatiriwané꞉rake tánon wahotínike; ne ne kwáh ronón꞉ha raotishatsténhsera neh raotiní꞉io í꞉ken!

¹² Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.

¹³ Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

¹⁴ Ní꞉se ne sehionhniáton nónkwe tsi ní꞉ioht ne kéntions ne kaniatarakeʼkowáhne kónhnes, tsi ní꞉ioht ne kontésehres né꞉tho iáh teiotí꞉ien nasakokkóraste.

¹⁵ Ne sakósons tashakoiatakaráthate ohnió꞉kwa wá꞉raste; washakoiatí꞉sere raohá꞉reh wá꞉ratste, washakoiataró꞉roke thóh raoharáhkon; káti tsi nahatonhnáren tánon wathohénrehte.

¹⁶ Kwáh ó꞉ni iekaní꞉hareh wakonwasenhná꞉ien ne raonáhare tánon wahontsienkwahrón꞉niate; asè꞉ken thóh nitsawé꞉non tsi natehokháson kwen ne iawetowá꞉nen í꞉ken, tánon ne raókwas tsi niiókwats.

¹⁷ Ne raónha kwáh káti ken ienhokontáhkwen enhatahkwahniónko ne raohará꞉kon, tánon ensakotón꞉te ne iakahontsakeró꞉nons neh kwáh iáh othé꞉non teká꞉ien ne kenténron.