Ezra 5 - Ohiatonhseratokénti

¹ Thóh shikahá꞉wi tenihiá꞉se ne rotitokénhse, né꞉ne Haggai tánon ne Zechariah ne roʼní꞉ha né꞉ne Iddo, tahiatháhsawen wahiatháti rahoshén꞉nakon ne Sakowenní꞉io Nisraerró꞉nonke rahotihén꞉ton ne Sitaeró꞉nons ne Judah nón꞉we nihatinákere tánon ne Jerusalem.

² Nó꞉nen ne Zerubbabel ne roʼní꞉ha né꞉ne Shealtiel tánon ne Joshua ne roʼní꞉ha ne nénhne ne Jehozadak wahonathón꞉teʼne ne rahonateriwanothá꞉tsheras, thontahiatháhsawen nahonsahiatenonhsón꞉ni Nononsatokentihkó꞉wa ne Jerusalem nón꞉we, tánon ne tenihiá꞉se rotitokénhse wahonwatisnié꞉non.

³ Tsi shí꞉ken ní꞉ioht ne kwáh oksáhok ne rakó꞉ra Tattenai ne tsi iaʼtewatsénhtos nokwá꞉ti ne Euphrates, tánon ne Shethar Bozenai, tánon ne skátke ronaterihón꞉tons Jerusalem wahón꞉newe tánon wahatirihwanónhton: “Ónhka ietsihianerenhserá꞉wi nahonsehsewanonhsón꞉ni kí꞉ken Ononsatokentihkó꞉wa tánon ne iahonsehsewásha?”

⁴ Tánon káti ó꞉ni wanirihwanón꞉ton ne rahotishenhnanónhas ne ronhnónkwe ne rontsnié꞉nons tsi sonhtenonhsón꞉nis Nononsatokénhti.

⁵ Ók ki ne Rawenni꞉io shakonikonhraráh꞉tieskwe ne Sitaeró꞉nons nohén꞉ton iehonhné꞉ton, ók ki ne Persiaró꞉nons ratirihwakweʼní꞉ios hiatotirihwaiénthase iáh othén꞉ne thahatí꞉iere tsi nió꞉re nienhonwahiá꞉tonhse ne Rakoraʼkó꞉wa Darius tánon tsi nenhatiié꞉na ne thensharihwaʼsehrá꞉ko.

⁶ Ken ki ní꞉ioht tsi hiahonwaterihwaniénhthen ne Rakoraʼkó꞉wa:

⁷ “Né Rakoraʼkó꞉wa Darius, aiá꞉wens tsi enshianerenhserón꞉ni skén꞉nonk thakénhake.

⁸ “Sanonhtí꞉io tehiotonhontsó꞉hon nahisaterienʼtá꞉rane iehiakwékskwe tsi tiohonhtsá꞉ien ne Judah tánon wahakwahrihwatsénhri né꞉tho Raohnonsatokentihkó꞉wa ne roshatstenhserowá꞉nen Rawenni꞉io tsi skanonhsonhnihátie né꞉ne kwáh kanenhiowá꞉nens tehiotekeronhté꞉nions watsthonhátie tánon tehioteronhtakeronhté꞉nions tehatirenhwánions nasonhthakésons. Ne kahioʼténhsera kwáh í꞉ken tsi tahonateweientónhtse tánon kwáh skenénha tsi ní꞉ioht tsi rotihiothátse.

⁹ “Ethò꞉ne ki ó꞉nenh wahakhirihwanón꞉tonhse nohén꞉ton iehonhnéton ónhka ronhwatihianerenhserá꞉wi nahonsahontenonhsón꞉ni Nononhsatokentihkó꞉wa tánon ne iahatí꞉sha.

¹⁰ Káti ó꞉ni wahakhirihwanón꞉tonhse onhnahothisenhnoténhsons ne káti nahónton nakwahrónhkaten ónhka nohén꞉ton iehonhnhétons ki kahioʼténhsera.

¹¹ “Wathatirihwaʼserá꞉ko, ‘I꞉i ne shakwahiò꞉tenhse ne Rawenni꞉io ne tsi karonhiá꞉te ó꞉ni ne tsi ionhontsá꞉te, tánon ki tsionhkwanonhsonhnihátie Nononsatokentihkó꞉wa né꞉ne orihwaká꞉ion tsi nitkanonhsón꞉ni tánon tsi iekasonhón꞉ne ne wahón꞉nise tsi náhe tkénhne né꞉ne roshatstenhserowá꞉nen ronhnonhtí꞉io ne Israerró꞉nonke.

¹² Ók ne wakarihón꞉ni ne iakhisothonkonhkén꞉en wahathikwé꞉ni ne Karonhiá꞉ke Raní꞉io nahonà꞉kwen, wahathón꞉tate nashakoié꞉na ne Ronhnonhtí꞉io Nebuchadnezzar ne Babylonia nón꞉we, né꞉ne ronhnonhtí꞉io ne Chaldean tahawatsirathátie. Nononsatokentihkó꞉wa wakarihwá꞉ton, tánon nonhkweshón꞉as Babylonia nón꞉we iahonwanahnakerá꞉kwahthe.

¹³ Ethò꞉ne káti ne shonthonthosehratsé꞉renhte ne sihononhtí꞉iokwe ne Cyrus ne rakó꞉raʼkwe ne Babylonia nón꞉we, ne Cyrus wahahianerenhserón꞉ni nononhsatokentihkó꞉wa nahonsakanonhsón꞉nike.

¹⁴ Hionhsahá꞉ien ne owistanó꞉rons tánon ne kawistará꞉kens Nononsatokentihkó꞉wa watsthasónhas tsi niká꞉ien ne Nebuchadnezzar thó꞉ha nononsatokentikó꞉wane Jerusalem tánon thóh iehoiénthakwe nononhsatokentikó꞉wane ne Babylon nón꞉we. Ne Rakoraʼkó꞉wa Cyrus kí꞉ken hionsthasónhas né tahá꞉wen ne rónhkwe Sheshbazzar, ronhwá꞉iats, tsi niká꞉ien ne rohiatará꞉kwen naharó꞉rake ne Judah nón꞉we.

¹⁵ Né rakoraʼkó꞉wa wahoró꞉ri niahonsahá꞉ko tánon Ononhsatokentikó꞉wane ne Jerusalem niesáhaf, tánon nahonsakanonhsonhní꞉hake Nononsatokentihkó꞉wa tsi nón꞉we nikanonhsóh꞉thakwe ne tiotierénhton.

¹⁶ Káti ne Sheshbazzar iahá꞉re tánon hionsahenstenhrakwentá꞉ro tsi nón꞉we nenhwanitskwáhre; ne kahioʼténhsera thóh thonhtháhsawen tsi nón꞉wa nió꞉re ní꞉we, ók shekónhki iáh á꞉reʼkho tsekáson.’

¹⁷ “Ki nón꞉wa, tó꞉ka asatʼthontátseke Sanonhtí꞉io, ahkarihwisákhonke ne kanonhtiióhtshera tsi ratihiatonhsheraienthákwas ne Babylon nón꞉we nakarihwatʼtsenhriónhke tó꞉ka ken iáh ne Rakoraʼko꞉wa Cyrus shakohianerenhserá꞉wi kí꞉ken Ononsatokentihkó꞉wa nahonsakanonsónhkine ne Jerusalem nón꞉we, tánon ethò꞉ne ahonsaskwahronhkáten tsi ní꞉se nisaʼnikonhró꞉ten kí꞉ken nahorihó꞉ten.”