Ezra 2 - Ohiatonhseratokénti

Rathisenhnarónhnions Tsi Niká꞉ien Ne Tethoné꞉non Ne Ronanakerá꞉kwenhne

¹ Ronatiohkowá꞉nen ne ronanahkerá꞉kwenhne thonthahontén꞉ni ne tsi wathonhontsá꞉ien ne Babylon tánon Jerusalem tánon Judah nionhsahón꞉ne, rathikwé꞉kon thóh nionhsahón꞉ne tsi nón꞉we thóh natená꞉thaiens. Ne rahothiwá꞉tsires tsi ronanahkerákwen Babylonia nón꞉we iehatinákereʼkwe tsi náhe ne Ronhnonhtí꞉iokwe Nebuchadnezzar thóh nón꞉we nieshakohiaténha tsi washakonóthon.

² Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

^3-20 Parosh - 2,172 Shephatiah - 372 Arah - 775 Pahath Moab (ne tsi tahatiwatsirathátie ne Jeshua tánon ne Joab) - 2,812 Elam - 1,254 Zattu - 945 Zaccai - 760 Bani - 642 Bebai - 623 Azgad - 1,222 Adonikam - 666 Bigvai - 2,056 Adin - 454 Ater (ne nénhne ronhwanathónkwah ne Hezekiah) - 98 Bezai - 323 Jorah - 112 Hashum - 223 Gibbar - 95

^21-35 Nonhkweshón꞉as ne rahothisotʼtserakén꞉en ne ratinákereʼkwe ne tsi kanathaiéntonskwe ronónha ó꞉ni tethonè꞉non: Bethlehem - 123 Netophah - 56 Anathoth - 128 Azmaveth - 42 Kiriath Jearim, Chephirah, tánon ne Beeroth - 743 Ramah tánon ne Geba - 621 Michmash - 122 Bethel tánon ne Ai - 223 Nebo - 52 Magbish - 156 Tánon ná꞉korenhson ne Elam - 1,254 Harim - 320 Lod, Hadid, tánon ne Ono - 725 Jericho - 345 Senaah - 3,630

^36-39 Ne kí꞉ken ne rathisenhnarónhnions ne ratitsihénstatsis rahothitaraʼshón꞉as ne thenonè꞉non: Jedaiah (ne tahawatsirathátie ne Jeshua) - 973 Immer - 1,052 Pashhur - 1,247 Harim - 1,017

^40-42 Tsi rathitáraiens ne Levites ne tethonènon: Jeshua tánon ne Kadmiel (né tahawatsirathátie ne Hodaviah) - 74 Nononhsatokentikó꞉wane ronhterenhnó꞉thas (né tahathiwatsirathátie ne Asaph) - 128 Nononhsatokenhtikó꞉wane ratiʼnikónhrare (ne tahathiwatsirathátie ne Shallum, Ater, Talmon, Akkub, Hatita, tánon ne Shobai) - 139

^43-54 Tsi rathitá꞉raiens ne Ononhsatokenhtikó꞉wane rothihiò꞉tens ne tethonè꞉non: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nephisim, Bakbuk, Hakupha, Harhur, Bazluth, Mehida, Harsha, Barkos, Sisera, Temah, Neziah, tánon ne Hatipha

^55-57 Tsi ratiʼtá꞉raien ne Solomon rahonhetserahó꞉kons tsi niká꞉ien ne thethonè꞉non tsi ronhwananahkerakwahthónhne: Sotai, Hassophereth, Peruda, Jaalah, Darkon, Giddel, Shephatiah, Hattil, Pochereth Hazzebaim, tánon ne Ami

⁵⁸ Ne tsiokwénkton tsi tahatiwatsirathátie Nononhsatokenhtikó꞉wane rotihiò꞉tens tánon ne Solomon rahonhatsherahó꞉kons ne thethonè꞉non né꞉ne 392 nihá꞉ti.

^59-60 Tánon 652 nihá꞉tikwe ne tsi kenhtá꞉raien ne Delaiah nón꞉we nihatihiaʼtá꞉rakwe, Tobiah, tánon ne Nekoda thóh ne nón꞉we nathethonè꞉non tsi kaná꞉taiens ne Tel-Melah, Tel-Harsha, Cherub, Addan, tánon ne Immer, ók iáh ki tehothikwénion nahothirihwaniráthonke tsi Israerʼró꞉non nón꞉we nithonatʼwatsirí꞉non.

^61-62 Né ken iotsétons ne ratitsihénstatsis rahothitióhkwas iáh tehotiʼtsénhrion nahatirihwanirá꞉the ónhka ne sakothisókʼtha akénhake: né꞉ne Habaiah, Hakkoz, tánon ne Barzillai. (Né shakothisókʼthas ne ratitsihénsthatsis ne Barzillai ne rothatheniatʼtén꞉ni ne iónhkwe ne tsi rathitióhkwaien ne Barzillai né꞉ne Gilead nón꞉we tánon ne rotatʼtsenhná꞉wi ne rawenónhsa rahosénhna kenhtá꞉ra.) Tsi iáh tehithikwénion nahatirihwaní꞉rate ónhka ne sakotisoʼthonkonhkén꞉en kénhne, iáh ki tehonwatiié꞉nen nahontsihenstón꞉ni.

⁶³ Ne Sitaeró꞉non rakó꞉ra akwé꞉kon iáh teshakorihwá꞉wi nahoné꞉kon ratitsihénstatsis rahotí꞉khwa né wateskónthe tsi nió꞉re ne ratsishénstatsi enhorihwaiénhase ne Rawenni꞉io tsi nikarihó꞉ten ne onenhiasónhas Urim tánon Thummim.

^64-67 Ne tkakwékton tsi nihá꞉ti ne ronahnakerá꞉kwenhne sóh꞉ti - 42,360 Né꞉ne ronónhkwe tánon ne konhnónkwe rahotinhatseraʼshón꞉as - 7,337 nihá꞉tikwe Ne ronhnónkwe tánon ne konhnónkwe ronhterenhnóktha - 200 nihá꞉tikwe Akoshá꞉tens - 736 Tewahòn꞉tes otiné꞉tsiens - 245 nikónhtikwe Iotiniakwáhere - 435 nikónhti Tewahòn꞉tes - 6,720 nihá꞉ti

⁶⁸ Nó꞉nen ne ronahnakerá꞉kwenhne shonhsahón꞉newe ne Roiá꞉ner rahononhsatokenhtikó꞉wane ne Jerusalem nón꞉we, otsià꞉kes ne shakotihén꞉tenhse ne rahothitióhkwas kwáh iathotirihwaiénthase nahonthahatí꞉iesthe nahonsnié꞉non nahonsakanonhsonhníhake Nononhsatokentikó꞉wa thóh tsi nón꞉we nikanonhsóhthakwe nononhsaká꞉ion.

⁶⁹ Kwáh tsi nahatikwé꞉ki tsi tahatiiesthánion tsi nokwáh kí꞉ken kahioʼténhsera, tánon tsi wahatiró꞉roke 1,030 nikakonhtsherá꞉ke owistanó꞉ron, 5,740 nikakonhtsherá꞉ke kawistará꞉ken, tánon 100 ní꞉kons ne wakoséhsons ne ratitsihénstatsis rahotirihwà꞉ke.

⁷⁰ Né ratitsihénstatsis tánon ne Levites, tánon otsià꞉kes nonhkweshón꞉as ákta ne Jerusalem nón꞉we nahonthatì꞉teron; né꞉ne ronhterenhnók꞉tha, ne Ononsatokentikó꞉wane ratinikónhrare, tánon ne Ononsatokentikó꞉wane rotihiò꞉tens né꞉ne nó꞉ia naktónhties kanataiéntons nón꞉we iahonthatì꞉teron; tánon ne ronátsiaʼkes nʼIsraerʼró꞉nons thóh né nón꞉we hionsahonthatì꞉teron tsi nón꞉we thatiʼterónhthakwe ne sakotisoʼthonkonhkén꞉en.