Ezra 10 - Ohiatonhseratokénti

Ne Watenikonhríhson Nahontsá꞉ke Ne Tewathateniaktén꞉ni Aorihwà꞉ke

¹ Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

² Ethò꞉ne Shecaniah ne roʼní꞉ha né꞉ne Jehiel, né꞉ne tsi raotitarasónha ne Elam nón꞉we nihahiátare, wahawénhase ne Ezra, “Wathitewáhiake ne tewetákwen rahonhà꞉ke ne Rawenni꞉io tsi wetewathateniákten ne tehiononhontsá꞉tes, ók shé꞉kon ki nénhne narahrátsera iothaténhron tsi nokwáh ne Israerró꞉nonhke.

³ Nón꞉wa ó꞉nenk tsi kwáh iorihwaní꞉ron tsi entsitewahrahrátsten Nonhkwáh Ní꞉io tsi entsithihiathekwáhthe kí꞉ken konhnónkwe ó꞉ni nakothihiohokón꞉as. Thóh nenhiakwáhiere tsi nahó꞉nenh ní꞉se tánon ne ronátiaʼkes ne rathirihwakweniénstha ne Rawenni꞉io rahorihwatákʼtseras tsi nenskwahtenikónhron. Ánion thoniiá꞉wen tsi niwá꞉ton ne Rawenni꞉io raoianerénhsera.

⁴ Í꞉se saterihwaién꞉ni nashoténsthe. Entkwahtwasnónhna, káti wás thóh náhtser.”

⁵ Sók ki ne Ezra tahatháhsawen washakahónhnien ne rathitsihénstatsis, ó꞉ni ne Levites, tánon ne ronátiaʼkes nonhkweshón꞉as nahatirihwaní꞉rahthe tsi thóh nenhatí꞉iere tsi nahshakotenhnikónhron ne Shecaniah.

⁶ Ethò꞉ne thóh niahá꞉re ohén꞉ton nononhsatokentihkó꞉wane iahathawehiáte ne tsi thénhteron ne Jehohanan ne roʼní꞉ha né꞉ne Eliashib, tánon thóh wahasonhtí꞉iake roʼnikonhráksens tsi nih iáh tehotirihwató꞉ken ne ronanahkerá꞉kwenhne. Kwáh iáh othé꞉nen tehawé꞉kon iáh ó꞉ni thé꞉nen tehonekí꞉ren.

⁷ Watewaterihwaré꞉ni ne Jerusalem ó꞉ni ne Judah ratikwé꞉kon ne sóh꞉ti ne ronahnakerá꞉kwenhne Jerusalem nón꞉we nenhontkenhní꞉sa

⁸ né꞉ne sakotihéntenhse ronatkenhnisehatserón꞉ni. Tó꞉ka ónhka nenhiakorihwanó꞉ron ne iáh tahonthá꞉ien tsi nió꞉re nasénhaton niwenhniserakéhaton, akwé꞉kon ki ne rahothiienthátseras enhonathónhse, tánon ki enhoná꞉ti tsi rothihianerenhserá꞉ien tsi ratihiáthare tsi kanakerahserá꞉ien.

⁹ Ohén꞉ton nasénhaton shiwenhniserakéhaton, né꞉ne tewasénhaton tsi sikʼkare né tiotonhá꞉ton shiwenhnithakéhaton, ratikwé꞉kon ne ronhnónkwe ne tsi kanakerahserá꞉ien ne Judah ó꞉ni ne Benjamin Jerusalem wahón꞉newe tánon kanát꞉then ne Ononsatokentihkó꞉wane wahontsataró꞉roke. Kwáh í꞉ken tsi ioshátste tsi ní꞉ioht tsi iokenhnóronhkwe, tánon tiorì꞉wa tsi niwenhtatʼtsénhne tánon tsi nihiorihowá꞉nen ne watkenhnisaháthon onhkweʼtakwé꞉kon iakohiatisónhkwahkwe.

¹⁰ Ne Ezra né꞉ne ratsihénstatsi í꞉ken wathátane tánon washakothá꞉rase. Wahèn꞉ron, “Iáh tetisewethá꞉kwenhne tánon tesewáhawe ne kanítsera hahonhà꞉ke Nisraerró꞉nonke ne tsi watisewathateniákten ne tihiononhontsá꞉tes.

¹¹ Káti ó꞉nenh, sewarihwaní꞉rat ne sewarihwaneraháktsheras rahohén꞉ton ne Roiá꞉ner, ne sáko Ní꞉io ne ietsisoʼthonkonhkén꞉en, tánon thóh nasewá꞉ier tsi nahó꞉ten rawerientiióstha. Tesehwatetʼtkási ne thihononhontsá꞉tes ne otsonhontsá꞉ke ratinákere tánon é꞉ren saieʼtsihiatenháwit ne thihiononhontsá꞉tes sewaniakʼkons.”

¹² Nonhkweshón꞉as tethotihén꞉rete tsi wathatirihwaʼserá꞉ko, “Et nenhiakwáhiere tsi nahó꞉ten enhshí꞉ron.”

¹³ Ók iahatí꞉iesthe, “Sóh꞉tsi kanenhrowá꞉nen, tánon kwáh í꞉ken tsi iokenhnó꞉ron. Iáh tahiakwahkwé꞉ni ne kénthon ahiakwáhthake ki tsatehioskarákwen. Iáh thahónton kí꞉ken niathakarihwaientháhonke ne tó꞉ka ken sewenhní꞉sera khés ne tewenhniserá꞉ke khók, tiorì꞉wa tsi nihionkwenhtsiokowá꞉nen kí꞉ken thóh ní꞉ioht tsi ionhkwahrihwáneren.

¹⁴ Ánion né꞉ne hionhkihiótenhse kén꞉en Jerusalem ronhnések tánon ne ronhterihwatsté꞉rists kí꞉ken orihwasónha. Ethò꞉ne nónhka ne thihiahonhtsá꞉te rotiniákon kén꞉en nithónhne katokénstonk tsi nahiowistháheke, skát꞉ke ne ohén꞉ton iehó꞉netons ó꞉ni ne ratirihwénhthas ne kén꞉en tsi kanatowanénhke. Thóh kí꞉ken nenhiá꞉wenhne ne Rawenni꞉io rahonakwáhtsera tsi étren ensehwéthe.”

¹⁵ Iáh ónhka nakó꞉ren tehiakorihwaswénhen ne nikarihó꞉ten nek khók ne Jonathan né roʼní꞉ha né꞉ne Asahel tánon ne Jazeiah ne roʼní꞉ha né꞉ne Tikvah, né꞉ne thotswanonhnákwe ne Meshullam tánon ne Shabbethai, né꞉ne Leviró꞉non.

¹⁶ Ne ronahnakerá꞉kwenhne wahatirihwanónhwene ne nikarihó꞉ten, sótki ne Ezra ne ratsihénstatsi washakohiatarakwenhá꞉ton ne ronhnónhkwe nonhnonhtsikowát꞉tsons tsi raotitarasónha tánon washakosenhnarónhnion. Ne sonhtonhtenhniseratsérenhte noieríhaton siwenhnitakéhaton tahontháhsawen nahatirihwí꞉sake,

¹⁷ tánon ne ó꞉ia náhsen niwenhnì꞉take wahatirihwí꞉sake orihwakwé꞉kon tsi nihá꞉ti kí꞉ken ronhnónhkwe ne tihiononhontsá꞉tes rotiniakʼkhons.

Ne Ronhnónkwe Ne Tihiononhontsá꞉tes Rothiniakʼkhons

¹⁸ Ne kí꞉ken ne ronhnónhkwes ratisenhnarónhnions ne rothiniakʼkhons thihiononhontsá꞉tes: Tsi raotitarasónha ne Joshua ó꞉ni ne rontatekenokónhas, raonekenterontserasónhas Jehozadak: Maaseiah, Eliezer, Jarib, tánon ne Gedaliah.

Ne Ratitsihénstatsis ó꞉ni raotitarasónhas:

¹⁹ Wahonráratste tsi tenhsonhtetʼkháshion ne rothiniakʼkhons, tánon teiotinakaronhtón꞉a owí꞉ra tahatí꞉iesthe nahonwateskónhten tsi nokwáh ne rahotirihwanerahákʼtseras.

²⁰ Ne raotitarasónha ne Immer: Hanani ó꞉ni ne Zebadiah

²¹ Tsi raotitarasónha ne Harim: Maaseiah, Elijah, Shemaiah, Jehiel, tánon ne Uzziah

²² Tsi raotitarasónha ne Pashhur: Elioenai, Maaseiah, Ishmael, Nethanel, Jozabad, tánon ne Elasah Né꞉ne Jozabad, Shimei, Kelaiah (né ó꞉ni ronhwanathónkwah ne Kelita), Pethahiah, Judah, tánon ne Eliezer Né꞉ne Eliashib Né꞉ne Shallum, Telem, tánon ne Uri Tsi raotitarasónha ne Parosh: né꞉ne Ramiah, Izziah, Malchijah, Mijamin, Eleazar, Malchijah, tánon ne Benaiah

Ne Leviró꞉nons: Ne Ronhterenhnó꞉thas: Nononsatokentihkó꞉wane Ratinikónhrare: Ne ronátiaʼkes:

²⁶ Tsi raotitarasónha ne Elam: né꞉ne Mattaniah, Zechariah, Jehiel, Abdi, Jeremoth, tánon ne Elijah

²⁷ Tsi raotitarasónha ne Zattu: né꞉ne Elioenai, Eliashib, Mattaniah, Jeremoth, Zabad, tánon ne Aziza

²⁸ Tsi raotitarasónha ne Bebai: né꞉ne Jehohanan, Hananiah, Zabbai, tánon ne Athlai

²⁹ Tsi raotitarasónha ne Bani: né꞉ne Meshullam, Malluch, Adaiah, Jashub, Sheal, tánon ne Jeremoth

³⁰ Tsi raotitarasónha ne Pahath Moab: né꞉ne Adna, Chelal, Benaiah, Maaseiah, Mattaniah, Bezalel, Binnui, tánon ne Manasseh

^31-32 Tsi raotitarasónha ne Harim: né꞉ne Eliezer, Isshijah, Malchijah, Shemaiah, Shimeon, Benjamin, Malluch, tánon ne Shemariah

³³ Tsi raotitarasónha ne Hashum: né꞉ne Mattenai, Mattattah, Zabad, Eliphelet, Jeremai, Manasseh, tánon ne Shimei

^34-37 Tsi raotitarasónha ne Bani: né꞉ne Maadai, Amram, Uel, Benaiah, Cheluhi, Vaniah, Meremoth, Eliashib, Mattaniah, Mattenai, tánon ne Jaasu

^38-42 Tsi raotitarasónha ne Binnui: né꞉ne Shimei, Shelemiah, Nathan, Adaiah, Machnadebai, Shashai, Sharai, Azarel, Shelemiah, Shemariah, Shallum, Amariah, tánon ne Só꞉se

⁴³ Tsi raotitarasónha ne Nebo: né꞉ne Jeiel, Mattithiah, Zabad, Zebina, Jaddai, Joel, tánon ne Benaiah

⁴⁴ Ratikwé꞉kon kí꞉ken ronhnónkwe né꞉ne tihiononhontsaténions ronathateniaktén꞉ni. Thonshsahontetʼkháshion tánon shakonhwanatekwáhte ó꞉ni ne shakotihiohokón꞉as.