Ecclesiastes 8 - Ohiatonhseratokénti

¹ Nek khók ne ronhtenikonhratʼthókhas ronahteriéntare nahó꞉ten kwáh kéntons noriwahsónhas? Tánon iónhnis tsi ronatkonhwarakʼsáhton nahonsónhton.

Tieʼwénhnarak Ne Ronhnonhtí꞉io

² Thóh náhtier tsi niháton ne Ronhnonhtí꞉io, tánon tó꞉sa tesasteríhen ne thén꞉nen atsiararátsten ne Rawenni꞉io.

³ Ne Ronhnonhtí꞉io thóh nenháiere tsi nenhtanónhwene, káti éhren íset tsi íres; tó꞉sa thoʼsèhset tsi nónhwe ne iohtenahtátʼtheron.

⁴ Tsi nihatiéra Ne Ronhnonhtí꞉io kashastsʼtensera kenikwékon, tánon iáh ónhka taiekwéni nahonwanenhrót꞉thase tsi nihatiéra.

⁵ Tsi nióre ensatewénhnarahkwe ne raoriwahtátʼtsheras, sahtathanonhstátonh kíʼ, tánon ne ratenikonhratʼthókha roteriéntare kíʼ onhʼní꞉ioht tánon nóhnen thóh nenháiere.

⁶ Kwáh seh kwáh tó꞉ken tsi nihiowistáhe ó꞉ni tkariwahiéri tsi nahióntiere noriwahkwékon, ók tsók nikónha hionkwahteriénthare!

⁷ Iáh ónhka tsi nítsion tehionkwateriéntare tsi nenhiá꞉wenhne, tánon iáh ónhka tahionkhiró꞉ri.

⁸ Iáh ónhka taiekwéni ne tó꞉sa ahiahiéheie tó꞉ka ó꞉ni tahionhnathákwahthe nenhnísehra ne kenhéiat. Nètho ateriʼióhsehra iáh tahónthon nahitewahniákenhne; iáh tahónthon nahitewahnikónhrahte nahitewahtèko.

Né Rotiriwanerenhákskon Tánon Ne Iakoiánere

⁹ Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

¹⁰ Hén, khèken ne rohtiriwanerahákskons ronwatihiatáten tsi nónhwe nihonthatsatathahástha. Tánon Ononsatokentiʼkówahne nontahónʼne tánon wahonwatihiatátha, tanon ne tsi kanatowánen nonhkweshón꞉ʼa wathonwatirénsaron tsi nónhwe ne rahothiriwahetkénsehra nikahioténʼen.

¹¹ Onhnontiéren nonhkweshón꞉ʼa tsi nihiakotateweienhnentáhon ne kariwahétken tsi nahióntiere? Tsoríwa tsi iáh óksak tehonwatirewáhtha ne kariwahétken rotihióthe, iáh kíʼ ónhka né tehionhnonhthónhnions né thé꞉nen ahonhetkénthake tsi nahióntiere ne kariwahétken.

¹² Né roriwáneren tó꞉ka enskatewenhniáwe nihioriwáhke né ahohióten ne kariwahétken tánon shé꞉kon kíʼ enrónhnheke. Oh hén, Wakateriéntare tsi nahó꞉ten rónhton: “Tó꞉ka entiewénhnarahkwe ne Rawenni꞉io, kwáh oriwahkwékon tsi tienhioianeréhake,

¹³ ók iáh kíʼ nènhne tahioianeréhake ne roriwáneren rahoriwáhke. Tsi roʼnónhnhe thóh ní꞉ioht tsi ní꞉ioht ne iotasáthare tánon kwáh kenkʼnenhtotíhionke enhonníheie, tsoríwa tsi iáh tehonwahnennahráhkwa ne Rawenni꞉io.”

¹⁴ Ók tehiotenonhwaroríthonte kí꞉ken. Satkátho tsi nihiá꞉wes ne tsi ionhwenhtsáte: sehwatséren né꞉ne iakohiá꞉nere enhiontatréwathe tsi ní꞉ioht ne iakoriwáneren, tánon né iakoriwáneren né enhieiéna ne tahiontaterensarónhkwahthe né iakoiánere akowenkénʼen. Káton kwáh iáh othé꞉nen tehioríhonte.

¹⁵ Káti tewaketákwen tsi tehiotonwenhtsóhon nahonkwathonhnárahke nonhtionhakéson, tsoríhwa tsi nék khók ionhkwáien nonhwesénhtshera ne tsi tiónnhe né꞉ne tahitewatskáhon ó꞉ni ahitewanekhíra tánon nahitewatenikonhró꞉ri. Né kík thók khók tentewahkwéni tsi ahionkwahióten ne tsi tiónnhe tsi nitesonhkwáwi ne Rawenni꞉io ne kénʼen ionhwenhtsáte.

¹⁶ Nónen wakatheniénhten nakatenikonhratʼtókʼkhane tánon nakeweientéhtaʼne tsi niʼiáwenhs ne tsi ionwenhtsáte, onhkenikonhraiéntane ahónton asonhtakwékon tánon konthá꞉tie iáh tahisénhtaʼwe

¹⁷ tánon iáh nonhwénhton tsiaskwéni nahisanikonhraiéntahne tsi nihatiéra ne Rawenni꞉io. Toʼnahioníronhke tsi asahteniénhten, iáh nonhwénhton tasehriwahtsénhri. Né ronhtenikonhratʼthó꞉khas enwáton nahonníron ronahteriéntahre, ók iáh kíʼ tehonahteriéntahre.