Deuteronomy 23 - Ohiatonhseratokénti

Nónhka Ne Iáh Thaónton Ne Roiá꞉ner Rahonkwè꞉ta Ahiónhton

¹ “Iáh ónhka ne rónhkwe ne tehonwanenhiatákwen tó꞉ka ó꞉ni ne ronhwenhtsiá꞉kon nahahiatá꞉rake ne Roiá꞉ner raotióhkwakon.

² “Iáh ónhka ne rónhkwe ne iáh kaniattserakon tè꞉ken tsi rawenhnakerá꞉ton tó꞉ka ó꞉ni ne tsi wahawatsiratátie né꞉tho rónhkwe, iekaníhare né꞉ne oié꞉ri niaʼtewatereseráhsere nió꞉re, iáh thaónton nahaiaʼtá꞉rake ne Roiá꞉ner raotióhkwakon.

³ “Iáh ónhka ne Ammonró꞉non tó꞉ka ó꞉ni ne Moabite—iáh ó꞉ni tsi wahathiwatsiratátie—iáh thaónton nahatihiaʼtá꞉rake ne Roiá꞉ner raotióhkwakon.

⁴ Iáh tehonaʼthontáton nahieʼtsikwahnonhténhtke ó꞉ni naieʼtsinekanonhténhke ne tsi nathontésewe ne Egypt, tánon ne wahonwánhane ne Balaam roiénha Beor, né꞉ne tsik kaná꞉taien ne Pethor né꞉ne Mesopotamia nón꞉we, ne naieʼtsihiatkónhten.

⁵ Ók ki ne Roiá꞉ner saNí꞉io iáh tehotahonsatá꞉ton ne Balaam; khékok ne iathakaraténiate ne kaniakatsténhsera ne kaiataterí꞉tshera, tioríwa tsi nihianorónhkwa.

⁶ Tsi nikarì꞉wes kentióhkwa ensewatenatónkwen, tó꞉sa nonhwénton thé꞉nen nasehwá꞉ier nahietsihié꞉nawaʼse ne niaʼteiakahontsá꞉kes tó꞉sa ó꞉ni ietsikwatiésten.

⁷ “Tó꞉sa ietsikénron ne Edomites; asè꞉ken sewathaténons. Tánon tó꞉sa nónhne ietsikénron ne Egyptró꞉nons; iehioterátston rahononhontsà꞉ke iesewanakeré꞉kwe.

⁸ Né꞉ne ashénhaton niaʼtehotereseráhsere nió꞉re tsi wahatiwatsiratátie enwá꞉ton nashakonatiaʼtaráse ne Roiá꞉ner rahonkweʼtashón꞉a.

Nahiotkwenienstónhake Ne Ionhterihiostákhwa Watená꞉taien

⁹ “Ne nó꞉nen ieshì꞉teron ne ionterihiostákhwa watená꞉taien ne nó꞉nen waterí꞉io, kwáh thashathatsiatónhnek ne tsík nahoʼténhsons ne thahisahiatátionste.

¹⁰ Tó꞉ka ne rónhkwe wathohiathationtà꞉ne tsi nahoteraswá꞉wenh ne tsi niwasónhtes, ienhahiá꞉kenʼne natosehrá꞉kon tánon thó꞉resek.

¹¹ Tsi nienhtiò꞉karaʼwe enshatá꞉wen, tánon tsi nienkarákwenhne enwá꞉ton niahonsahatáwehiaʼte natosehrá꞉kon.

¹² “Ó꞉nenk tsi ensahiéntake nátste tsi nón꞉we niwatohseró꞉te nátste iaséhtake.

¹³ Senakarenhawí꞉sek ne atiatèn꞉roke ne tsinisatstaʼshón꞉a, ne nó꞉nen tenshatonhontsóse nátste iáse ne í꞉shas nahtsionhiónni tánon shasehró꞉rok.

¹⁴ Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Iaʼtekaianerenhserá꞉kes

¹⁵ “Tó꞉ka ne ratináskwas ensehshakotiʼniakénsehse ne ratihiaʼtakwehní꞉ios tánon í꞉se aieshahiatórenhne nahontásehne, tó꞉sa shasehiaʼtékwak.

¹⁶ Kwáh enwá꞉ton kak tsiní꞉kon ne sewanatákons nón꞉we nahontateráhkwase nahonthatì꞉teron, tánon tó꞉sa ietsihiaʼteweienatshá꞉ten naieʼtsihiatníratstse.

¹⁷ “Iáh ónhka ne Israerʼró꞉nons, ne rónhkwe tó꞉ka ó꞉ni ne iónhkwe, tiotakwakaré꞉ni ahontatón꞉ni nononsatokenhtí꞉ke nón꞉we.

¹⁸ Káti ó꞉ni, nónhka ne thóh ní꞉ioht tsi iakokwistonhníhon iáh tehiówenk nahonthaiéhawe ne Roiá꞉ner saNí꞉io raononhsatokenhtí꞉ke iawerohátien thóh ní꞉ioht tsi ahonwarahratstén꞉ni. Ne Roiá꞉ner saNí꞉io rasons onka neh niionkwetotens.

¹⁹ “Nó꞉nen ne Israerʼró꞉nons ensehwístani tó꞉ka ó꞉ni kákhwa tó꞉ka ó꞉ni khahiotónhake nó꞉ia nihiorihoténhsons, tó꞉sa sehkaraiénhas ne watehiá꞉rons.

²⁰ Enwá꞉ton nasehkaraiénhase ne watehiárons ne thé꞉nen aséhni ne thihononhontsá꞉tes, ók iáh tsi nahoʼténhsons naséhni Nisraerʼró꞉nons. Sewatewénhnarak kí꞉ken kaianerénhsera, káti ne Roiá꞉ner SaNí꞉io kwáh tsiknahoʼténhsons tsi enhahiaʼtaté꞉riste tsi nenhshá꞉tiere ne tsi ionhontsá꞉ien ne ienshatié꞉nawatste.

²¹ “Nó꞉nen ne thé꞉nen entiarahrátsten ne Roiá꞉ner saNí꞉io, tó꞉sa í꞉se iahásrek tsi nishatiérha tsi nahó꞉ten sharahrátston; ne Roiá꞉ner ró꞉rahre thóh náshiere tsi ki nisarahrátston, tánon ki kariwanerahaktserá꞉ien ne iáh tiaskónhtaʼkwe ne tsi nisarahrátston.

²² Iáh ne tekariwanerahaktserá꞉ien ne iáh othé꞉nen tahonwarahrátsten ne Roiá꞉ner,

²³ ók ki tó꞉ka ónka ne kwáh tsi nitisaʼnikonhró꞉ten wasarahrátste, orihwí꞉io ki kénhak tsi iaskónhtak.

²⁴ “Nó꞉nen thenshatháhakwe ne tsi iohahá꞉re ne ónhkak tsi iakonenharaiénhton, enwá꞉ton nasehnenhárake kwáh tsi nikonhteshatonhontsó꞉ni, ók iáh ki teió꞉wenk ne knahó꞉tenk asehrá꞉kwe ne thé꞉nen hiashá꞉we.

²⁵ Nó꞉nen tenshatetkáhakwe tsi nón꞉we nihioháhare ne ónhkak iakoiénhthon onátsa, enwá꞉ton kwáh tsi nikonhteshatonhontsó꞉ni ná꞉sheke ne ashenatiaʼnihiontáko ne shatshà꞉nake áshatste, ók tó꞉sa ki shenatsí꞉iak ne ienatsihiáktha áshatste.