Amos 5 - Ohiatonhseratokénti

Amos Rotʼtionhnion

¹ Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

² Konwanonhwarhiá꞉kon, iáh ó꞉nen thatahonsakátane, né꞉ne iáh tekanakwahienté꞉ri Israel; konwatewenhtéton naónha ahonhontsá꞉ke, iáh tehiahonkweʼtaien nakonwasnié꞉non tahonsakátane.

³ Asè꞉ken ne kí aorìhwa rá꞉ton ne Roiá꞉ner: Né kanatowá꞉nen tewenhniawehetsheráhsen nihá꞉ti ronterí꞉ios tsi ní꞉ioht tsi iahatinenhrinékenhwe ók kí énska khok tewenhniáwe nihá꞉ti iateshonathaténhron, tánon ne énska tewenhniáwe nihá꞉ti iehotiiakénhen oié꞉ri khók nihá꞉ti iathenshonathátere.

⁴ Asè꞉ken ne kí aorì꞉wa ne Roiá꞉ner shakohró꞉ris nonhkweshón꞉a ne Israerró꞉nonhke: Takwahiatí꞉sak tánon tiónhnhek;

⁵ Ók tó꞉sa ne sewésak ne Bethel, tánon tó꞉sa iasewanatáran ne Gilgal khés ne iatahisewahiá꞉iake Beersheba niahí꞉sewe; asè꞉ken ne Gilgal kwáh né꞉e orihwiiohón꞉we tsi enkonwanakerá꞉kwahte, tánon ne Bethel kwáh nenhné꞉e iáh othé꞉nen tahonsakénhake.

⁶ Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

⁷ Ah, í꞉se ne tionhniáton ne kaianéren tsi ní꞉ioht ne tehionhontahió꞉tsis, tánon ohontsá꞉ke sewátion ne kariwakwahrishóntshera!

⁸ Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

⁹ tsi niká꞉ien rasáhas ne kakahronhniá꞉tshera né꞉ne tahonhninekarahwáhnion rononhà꞉ke ne ratiʼshátstes, káti ne kakahronhniátshera thóh tahiahónko tsi wathenhénrote.

¹⁰ Ronwáhsons tsi niká꞉ien ne rátʼretsárons tsi iothenhenrakáronhte, tánon ronwáhsons tsi niká꞉ien ne rotarákwen norihwí꞉io.

¹¹ É꞉tho káti né tsi ietsiratátses ne iakóthen tánon ietsinénhskwas ne raotinátsias, né sewatenonhsonhniáton ne kwáh tsoiánere kanenhiaserón꞉ni, ók iáh kí thóh tahisewenhterónhtake; ne sewahientʼthóhserons ne kwáh tkanenharí꞉ios, ók iáh kí tahisewanekí꞉ra ne onenharákeri.

¹² Asè꞉ken wakaterièn꞉tare tsi niwé꞉so ne sewarihwaneraháktsheras, tánon tsi natehiotenonhianí꞉tons ne sewarihwaneraháktsheras— í꞉se ne ietsironhiakéntha ne tionkweʼtaié꞉ris, teietsitsikʼkhetaró꞉se, tánon ákta ne tsi iothenhenrakáronte iehietsí꞉reks ne iakóthen.

¹³ Ne ká꞉ti aorì꞉wa ne ionttókhas kwáh sak thenhionthatón꞉ni ne nenkahá꞉wike; asè꞉ken karihwahetkénhsera enkaiéntake ne nenhkahá꞉wike.

¹⁴ Ne sewésak ne tkariwaié꞉ri tánon iáh ne kariwahétken, ne nahónton ahitiónhnheke; tánon káti ne Roiá꞉ner, ne Rawenni꞉io roiatatokénhti, kwáh ensenikwekónhake, kwáh kí tsi ní꞉sen.

¹⁵ Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

¹⁶ Ne káti aorì꞉wa rá꞉ton ne Roiá꞉ner, ne Sakowenní꞉io ne ratironhiakerononhs, né꞉ne Roiá꞉ner: Akwé꞉kon ne kanatakweʼní꞉ioke thóh nón꞉we natenhionnokaraniehónheke; tánon akwé꞉kon ne tekanatokenhá꞉tons kwáh enhionhtónheke, “Ionikonrát꞉sat! Ionikonrát꞉sat!” Ienhonwatínonhke ne ratiiéntʼtos nahontiónhnion, skátne tsi nihá꞉ti ne ronhwatikáriakse nahontiónhnion, ó꞉ni ne tahonsénhtho;

¹⁷ akwé꞉kon tsi nón꞉we nikanenharaienthóhserons thóh nón꞉we nathenhionsentʼtóseron, asè꞉ken kwáh thóh enkatóhetste ne sewanenhrí꞉hen, rá꞉ton ne Roiá꞉ner.

¹⁸ Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

¹⁹ kwáh né꞉ne ónhkak sakonwaniá꞉kenhse ne kénreks, tánon né iathontérane okwá꞉ri; khés kanónskon iahontáwehiate tánon asonhtá꞉ke waheié꞉na nahonsahiontoríhsen, tánon oʼniá꞉re wahakokári.

²⁰ Iáh ken nenhtewenhniserá꞉te nenhrenhniserón꞉ni ne Roiá꞉ner thatetioʼkaraskó꞉wa enkénhake iáh thataioswát꞉teke, tánon tetiò꞉karas iáh káneka ne kaswathétshera thawésehke?

²¹ Íksons, kwáh ítsons tsi nisewatenhnióktha, tánon iáh othé꞉nen tewakerienʼtí꞉ios tsi ní꞉ioht tsi sewatkenhnísahas.

²² Iawerohátien tsi takwahtá꞉ti ne tsi sewateskóntʼtha tánon nonátsas tsi nitisewaiéstha, kwáh kí iáh thatié꞉na; tánon tsi nitisewaiéstha ne kwáh ionatakarí꞉tes ne ietsiiarehsénston sewatsenenhó꞉kons kwáh kí iáh takhehiatkáto.

²³ Ahé꞉ren sewahá꞉wit nakonhá꞉ke tsi nihiowénhte ne sewarenhnashón꞉as; kwáh kí iáh thakatahónsathate tsi nikarén꞉note ne sewanowakó꞉was ne karenhsotáron.

²⁴ Khe khók, serí꞉hon ne tkarihwaié꞉ri tahontnáwenhte tsi ní꞉ioht ne kahionhatátie, tánon ne karihwakwarihshióntshera thóh ne nahiotónhake tsi ní꞉ioht ne kaniatarahtátie ne iáh nonhwénton tsewásthes.

²⁵ “Tesetkhawithén꞉ni ken ne karihwiiosehokón꞉as tánon nahontesaiéston ne kaié꞉ri nihioseráhsen nikarihwéskwe ne iahonwenhtsathénhake shiséweskwe, Otiónkwe Nisraerónons?

²⁶ Ní꞉se kwáh kí ensewahawí꞉son ne sewahiatónhnis Sakkuth né꞉ne sewanontí꞉io íken tánon ne Kaiwan né꞉ne sewatsisto íken, ne ní꞉se sewatatʼtsenhén꞉ni;

²⁷ nó꞉nenh é꞉tho nón꞉we ienskonhiarekwáthe tsi tiohontsá꞉ien ishiʼnonkwá꞉ti ne Damascus,” ráton ne Roiá꞉ner, ne raoshén꞉na né꞉ne Sakowenní꞉io ne ratironhiakerononhs.