2 Kings 3 - Ohiatonhseratokénti

Nateriʼiósera Tsi Natehóntere Ne Israerʼró꞉nons Tánon Ne Moab

¹ Né shaʼtekonháton sihioserakehátie siʼhononhtí꞉ioʼkwe ne Ronhnonhtí꞉io Jehoshaphat ne Judah nónhwe, né Joram né sahatenonhtí꞉iosʼthe ne Israerʼró꞉nonke né꞉ne roʼnikénʼen ne Ahab, tánon kíʼ rahónha sahatʼkóratʼthe ne Samaria né꞉ne tékeni-iawénhre niʼioseráke nikaríhweskwe.

² Waharihwánerake tsi nòkwah ne Roiá꞉ner, ók iáh kíʼ éhthoh nióre tsi teronhkwetakʼsénhne tsi né nihiothónhne ne ronikénhen khés ne ronistenhkénʼen Jezebel; waharerienhthánion ne kahiatonhnisónhas ne ronikénhen roshahánion nakonhwaʼsenhnaienthákwahke ne Baal.

³ Ethosàne, tsi nihiothónhne ne ronhnonhtí꞉ioʼkwe Jeroboam né꞉ne ronikénhen ne Nebat ne thóh hénton tsi ní꞉ioht ne rahónha, iashakosárihne nisraerʼró꞉nons ne karihwanerahakʼtseráke.

⁴ Ronhnonhtí꞉io Mesha ne Moab nónhwe teiotinakaronhtónhʼa nenhné꞉e ranáskwahienskwe, tánon kwáh iaʼtehioseráke rówiskwe né ronhnonhtí꞉io né Israel ahokharhiatʼtaníhake 100,000 niháti teiotinakaronhtónha owíra ó꞉ni nononhwèron né sakonónhkaron ne 100,000 niháti teiotinakaronhtónʼa.

⁵ Ók nó꞉nen ne Ronhnonhtí꞉io Ahab Nisraerʼró꞉nonke sarénheʼie, ne Mesha washakonenhrakári Nisraerʼró꞉nons.

⁶ Kwáh kíʼ óksaʼk ne Ronhnonhtí꞉io Joram é꞉ren wàrethe ne Samaria tánon ratikwékon wasakohiataró꞉rohke ne ronhterí꞉ios rahonkwetaʼsónhas.

⁷ Iahoterihwaniéthaʼse ne Ronhnonhtí꞉io Jehoshaphat ne Judah nónhwe: “Né ronhnonhtí꞉io Moab wahakenenhrót꞉thaʼse; enskhatiataráseke nahitewaterí꞉io ne rahónha?” “Thóh nénhtiere,” Ronhnonhtí꞉io Jehoshaphat watharihwaseráko. “Kwáh tsi nenskeniáhese, tánon ó꞉ni nakonkwetaʼshón꞉as ó꞉ni nakitsenenhó꞉kons kosáhtens.

⁸ Onh nahohahóthen ahithewatʼthahítha tsi ienietʼthihiatsathónhti?” “Thóh nónhwe nienhéntewe ne kwáh tsióhahase iathenthewaróhetsthe ne Edom karahkonhkówa,” ne Joram watharihwaseráko.

⁹ Káti ne Ronhtinonhtí꞉io Joram ó꞉ni ne ronhtinonhtí꞉ios ne Judah ó꞉ni ne Edom wathontáhakwe. Nó꞉nen tsáta nónhta shiʼhonhthahíneʼe, wahontʼnekókʼthen nonèkanos, tánon káti iáh othènen tetsothathénhron né ronhnónhkwe khés ne konhtitshénen rahotirihwàke.

¹⁰ “Wetewaweienénhthaʼne!” né Ronhnonhtí꞉io Joram wahén꞉ron. “Né Roiá꞉ner thóh nónhwe nasonhkwátʼkaʼwe násenh nítion né nahonthaʼsonkwahniaʼrotàroʼke ne ronhnonhtí꞉io ne Moab!”

¹¹ Né Ronhnonhtí꞉io Jehoshaphat waharihwanónhton, “Rénhteronh kén ne rotó꞉kense né kenhʼnónwe ne rahonháke nónhwe natsitewanikonhríhsake ne Roiá꞉ner?” Saiáta ne rasenhnowánen ne rasóhtar né꞉ne Ronhnonhtí꞉io Joram rahotsiókwah wathariwaseráko, “Elisha roiénha Shaphat kénʼen í꞉res. Né꞉ne rahónha tehothiʼienawákonhne ne Elijah.”

¹² “Né꞉ne kwáh rahónha norihwí꞉io rotó꞉kense í꞉ken,” ne Ronhnonhtí꞉io Jehoshaphat wahénron. Káti násenh nihathinontiʼiotseráke Elisha wahonwatkénsera.

¹³ “Onhʼnonhtséren tsi akwasniénon?” né Elisha wahawénhase ne ronhnonhtí꞉io Nisraerʼró꞉nonke. “Wáhs né seʼnihkonhrihshák꞉ka nètho rotitókense ne ianikénʼen tánon ne sanisthenkénʼen ronhwatinikonhríhsasʼkwe.” “Iáh!” ne Joram watharihwaseráko. “Kwáhʼse Roiá꞉ner ratshanáke ne ronhnonhtí꞉io ne Moab nónhwe nisonhkwatʼkáwenh ne nahonthasonhkwahniarothaʼróʼke.”

¹⁴ Né Elisha tsi watharihwaseráko, “Tsi nironhnhehónhwe ne Roiá꞉ner, tsi nikáien rihióthenhse, Kerihwanírats tsi kwáh iáh othènen thaʼkonhiatséraʼse tó꞉ka iáh thahirihwakweʼniénsthake ne thitsathenró꞉ho, né Ronhnonhtí꞉io Jehoshaphat ne Judah nónhwe.

¹⁵ Ónenh káti tatʼtsiathénhaf ne ratherenhnót꞉tha né í꞉hne.” Kíʼ tsi nihotherenhnó꞉thaʼkwe ne raterenhnót꞉tha ne raoʼnowaʼkó꞉wa karensotarahrónnion, ne rahoshaststénsera ne Roiá꞉ner wahohiatórenhne ne Elisha,

¹⁶ tánon wahénron, “Kén kíʼ nahó꞉ten ne Roiá꞉ner ráton: ‘Tetionhtsákon kwáh akwékon nonhtásewet né kénʼen iostéhon kahionhathátse.

¹⁷ Iawerohátien tsi kwáh iáh othènen tahisewatkátho nokenhnorésera khés nahiahó꞉theke, kíʼ kénʼen kahionhatásene kwáh kíʼ enskanekananónhake, tánon ní꞉se, sewatsenenhókons, tánon ne iothirienakéte sewatsenenhókons kwáh kíʼ wéso enhiotinekaiénhthake nakonhtinikíʼra.’”

¹⁸ Tánon kíʼ ne Elisha iahathasónhteren, “Ók kí꞉ken kwáh í꞉ken tsi watsésen né naháiere ne Roiá꞉ner; tánon kíʼ kwáh enthetsítion natesenhniétsera tsi nòkwah ne Moabites.

¹⁹ Kwáh kíʼ akwékon ensewaiéna né ioiáneres ne tekanathanátʼtons wathenhénraiens ne rahotinathákons; kwáh kíʼ akwékon ensewaronhtsákons ne rahotihiksónhas, ensewanonhthónhnion tsi ronatnaweró꞉tons, tánon ensewahetkenhthánion ne tsi rononhontsí꞉ios onénhia tesewaréniaʼthe.”

²⁰ Tsi óia sahiórenhne, tsi nikaháwi tsi nihiorenhnáhon ronhteskónhtha, nonèkanos tahionekothátse Edom nónhwe nonhthaiawenonhátse tánon waʼkaróhrotsthe tsi iohontsáien.

²¹ Nó꞉nen ne Moabites wahatirihwáronhke nètho náhsen niʼhotinonhtiʼiótserake tsi thóh né non né niasakonatsathónhti, ratikwékon ne ronhnónhkwe nahónton nahontʼthonrahá꞉wa, tsi nióre ne kwáh thotíhions tánon ne kén nithotiʼiónhsas, iehonwatinónhkon tánon tsi karisthatátse nónhwe nihonhwatítheron.

²² Nó꞉nen shahontkétsko nó꞉ia sahiórenhne, tehiorakhóien nawénhken, thóh nióre tsi onekwénhtara niwashokhóthen tsi ní꞉ioht nonekwénhsa í꞉ken.

²³ “Onekwénhsa!” tsi wathothihénrethe. “Násenh nihothitsiókwahke ne tehontátʼtsons kwáh tó꞉ka wahonhterí꞉io tsi natehóntere tánon waʼthonthatenonhwarhiakónhnion! Ánion thóh iétewe tánon tewanenskwenháton ne tsi ronathatoseróhton!”

²⁴ Ók nó꞉nen Shiaʼhónhnewe tsi thóh nathatoseróton, Nisraerʼró꞉nons iahonwanatsathónhti tánon sahonwanátʼthaʼte. Nisraeronons iahathikónhthakwe tsi wahonwathísere, shakonawenhkthonhátse ne Moabites

²⁵ tánon rothirihwathonhtonhátse ne rahotinathowánens. Tsi wahonthóhetste ne tsi iohontsí꞉io nónhwe, kwáh tsi niateháti Nisraerʼró꞉nons iahotinenhiónhti tsi nióre kwáh athenathakwékon onénhia wakaró꞉roksthe; kwáh ó꞉ni wahatinothónhnion tsi ionaweró꞉tons tánon wahatironhtsákons ne rahotihikʼsónhas. Tsi iahontésha nék khók ne kanatakweʼní꞉ioke ne Kir Heres iaʼtetsiothathénhron, tánon ne iehothinenhióntses wathatinathánake tánon iakonhwatsathónhti.

²⁶ Nó꞉nen ne ronhnonhtí꞉io ne Moab nónhwe wahát꞉thoke tsi rohtsionhátse naʼteriʼiósera, tsáta tewenhniáwe niháti ne ronhthasaró꞉iaks iasakohiathénhawe tánon wahatheniénhthen thohkʼtshiáre tsi tehotinénhraien ne tehontátʼtions tánon niahatekwáhsen tsi thénhteron ne ronhnonhtí꞉io ne Syria nónhwe, ók iáh kíʼ tehoterihwathenhtsiénhni.

²⁷ Sók kíʼ né꞉ne thakowánen roiénha iahohiathénhawe, tsi rahónha thensohnatʼthákwen nahonsahatenonhtí꞉iosthe, tánon thóh iahohiátaren tsi thenhkensthenrothátse ne wathenhénraien tekanathanátʼthone ne kanatowanénhke né nahotheskontʼthase ne raní꞉io ne Moab. Nisraerʼró꞉nons kwáh í꞉ken tsi wahonateronhniénhthen tánon káti onàken sahónhnethe ne kanatowaʼnénhke tánon rahotinakeraserakónhson nionhsahónhne.