1 Samuel 27 - Ohiatonhseratokénti

Ne Táwit Ne Waohió꞉tense Ne Ronnontí꞉io Achish Ne Gath Nón꞉we

¹ Ne Táwit thá꞉hataneʼnontónhnionhse, “Ní꞉i kwáh ó꞉nen enkatiatháton kát꞉kek entewenhniseráteke thóh ratshanáke ne Saul; iáh kiʼ sén꞉ha teioiá꞉nere nakerihwá꞉ke ne thóh iakatekwásen tsi thóh nonhóntsaien ne Philistines; ehʼthóhʼne kiʼ ne Saul watanikonrón꞉ko tsi ratiatísaks thóh nón꞉we ne tsi karisthatáhtie NʼIsraerʼronónke, tánon thóh enshiʼniákenhse ne ratshanáke.”

² Káti ne Táwit iahaiákenhne tánon thóh nón꞉we niahá꞉re, raón꞉ha tánon ne iáh-iak tewenhniáwe niháti ronhnón꞉kwe ne raón꞉ha ratikwekonhátsieskwe, tsi thénhteron ne Ronnontí꞉io Achish ne ne roién꞉ha ne Maoch ne ne Gathrónon.

³ Ne Táwit thóh wahathatíteron skát꞉ne ne Achish thóh nón꞉we Gath, raón꞉ha tánon ne raotsió꞉kwa ronterí꞉io, kwáh tsi nihá꞉ti ne ronnón꞉kwe skát꞉ne ne raotiwátsires, ó꞉ni ne Táwit skát꞉ne ne tekeniiá꞉se rotiniá꞉kons, ne ne Ahinoam ne ne Jezreelró꞉non, tánon ne Abigail ne ne Carmelró꞉non, ne ne Nabal ronekénʼen.

⁴ Nó꞉nen ne Saul sahonwahró꞉ri nètho Táwit tsi thóh iehotekwásen ne Gath nón꞉we, ne raón꞉ha iáh kiʼ ó꞉nen teshoiatisákon.

⁵ Ehʼthó꞉hʼne ne Táwit wahawénhase ne Achish, “Tó꞉ka waketsénhri nahonkerientí꞉io tsi nateská꞉nere, áhnion kí ionkatenáton énskak ne kahentáke kanatahiéntons, ne káti nahón꞉ton thóh nón꞉we nakiterón꞉tahke; asèken nontiʼéren tsi kwáh ne thóh kiteróntahke ne kanontiʼiótshera aonátahkon skát꞉ne ní꞉se?”

⁶ Káti nètho wenhniserátekwe ne Achish ne wahahonkwéton Ziklag; thóh nikarí꞉weskwe ne Ziklag ne rahonatá꞉kon kénhne ne rontinontí꞉ioʼskwe ne Judah nón꞉we tsi niió꞉re nón꞉wa wenhniserátekwe.

⁷ Tsi nikaríweskwe nètho Táwit thóh nón꞉we nihanákerehkwe tsi rotinakeraseráien ne Philistines ne ne tsió꞉sera tánon kaié꞉ri niwenhnítake.

⁸ Nón꞉wa ne Táwit tánon ne raonkwetashón꞉ʼahs iahónhne tánon ne wahonhnón꞉niate nahonwatiʼnenhrénhten ne Geshurites, ó꞉ne ne Girzites, tánon ne Amalekró꞉nons, asèken ronónha khók kí꞉ken ne thók tihonanataién꞉takwe tsi nieiáwe nónhne Shur tánon kwáh tsi nió꞉re ne tsi tiohontsá꞉ien ne Egypt, ne ne Telam nitonénon.

⁹ Ne Táwit iahatsatónhti ne tsi ionhontsáien, iáh ne rónhkwe khéhs ne iónkwe tsaʼteshonataténronkwe, ók iashakoiatenháseron ne teiotinakarontónʼahs, teotinákares, tewahón꞉tes, iontiniakwáhere, tánon natserón꞉nias, tánon thóh nionsáreh Achish.

¹⁰ Nó꞉nenh ne Achish saharihwanónton, “Ónka nón꞉wa washenenhrénhten nonwahwenhniserátekwe?” Ne Táwit kwáh enhén꞉ron, “Ne iakheiatsatónhti ne Negeb, ne ne Judahró꞉non,” khéhs “Ne iakeiatiatónhti ne Negeb ne ne Jerahmeelites,” khéhs, “Ne iakeiatiatónhti ne Negeb ne ne Kenites.”

¹¹ Ne Táwit iáh tsatesakawénhron ne rón꞉kwe khéhs ne iónkwe ne tahontahonwatiiaténha ne Gath nón꞉we, tsi nihanonhtónhnionskwe, “Nontiérenk enhionkhiʼiatanóten, tánon enhonníron, ‘Táwit kí꞉ken akwé꞉kon thóh nahá꞉sa.’” Tsi kwáh tho nihorenhnahónhne kwáh tsi nikaríweskwe thóh ranákerehkwe tsi rotinakeraseráien ne Philistines.

¹² Ne Achish tawetákwenhne ne Táwit, tsi ranontón꞉nionskwe, “Tsi nahatatʼtiáhase kwáh í꞉ken tsi wahonwáson NʼIsraerʼró꞉nons; ne káti aoríhwa kwáh kiʼ tió꞉konte akenhá꞉tsera enkénhake ne rahón꞉ha.”