1 Samuel 26 - Ohiatonhseratokénti

Ne Táwit Sahanónsthate Ne Saul Tsi Rónnhe Ne Tekeníhaton Iahónteratste

¹ Ehʼthóhʼne ne Ziphró꞉nons iahá꞉rahwe tsi thonón꞉shote ne Saul ne Gibeah nón꞉we, ratón꞉nions, “Ne Táwit thóh iehotaséhton tsi tsionhniarónhnion ne Hachilah, ne ne í꞉se nòkwahti ne Jeshimon.”

² Káti ne Saul wahthá꞉tahne tánon thóh niahá꞉re tsi tiahonwenhtsatʼténhake ne Ziph, ne rónhne náhsen natewenhniawehettseráhsen niháti ne kaiatará꞉kwen ronhnón꞉kwe ne Israerʼronónke, ne nahonwahiatisákhe ne Táwit thóh iahonwenhtsaténhake ne Ziph nón꞉we.

³ Ne Saul thóh wahathatoseró꞉ten tsi ionhniá꞉here ne Hachilah, neh teiotiná꞉tah ne Jeshimon thóh ohwahákʼtha. Ók kiʼ ne Táwit thóh neh í꞉res iahonwenhtsiatʼténhake. Nó꞉nen saharihwáronhke nètho Saul tsi thóh sèhron thóh iahonwenhtsiatʼténhake,

⁴ Ne Táwit iashakotóri ronteriwató꞉rats, tánon wahatiriwatʼtsénhri nètho Saul tsi kwáh thóh íhro ne iahonwenhtsiatʼténhake.

⁵ Ehʼthóhʼne ne Táwit iahá꞉re tánon iahá꞉rahwe tsi tewatená꞉tahien tsi nón꞉we ne Saul nihothatosehró꞉te; tánon ne Táwit wahatkátho natenáta tsi nón꞉we ne Saul nihahiatahkwénhtare, skát꞉ne ne Abner ne ne roién꞉ha ne Ner, ne raterihioserakweʼní꞉io ne raotsió꞉kwa ronhterí꞉io. Ne Saul thóh rahiatiónhni natosehrá꞉kon, tánon ne raotsió꞉kwa ronhterí꞉ios thóh ronathatosehró꞉tons aktón꞉tie ne rahón꞉ha.

⁶ Ehʼthóhʼne ne Táwit wahawénhase ne Ahimelech ne ne Hitró꞉non, ó꞉ni ne Joabʼs iatahtekèn꞉ha Abishai ne ne roién꞉ha ne Zeruiah, “Raón꞉ha kwáh neh enhiá꞉kene tsi thóh tahtohseró꞉te ne Saul?” Ne Abishai wahén꞉ron, “Kwáh kiʼ í꞉i thóhh ién꞉tene.”

⁷ Káti ne Táwit tánon ne Abishai thóh niahá꞉ne tsi thatíteron ne ronterí꞉ios tsi niwasón꞉teskwe; thóh nón꞉we ne Saul nahá꞉rahte wahó꞉tahwe kanónskon natohserá꞉kons, ne raoshí꞉kwara thóh ohontsáke kanió꞉te tsi iehakónwen; tánon ne Abner tánon ne raotsió꞉kwas ronterí꞉ios thóh ratiʼiatiónhni raiaták꞉tha.

⁸ Né Abishai wahonwénhase ne Táwit, “Ne Ní꞉io táhion ne shonkwetashón꞉ahs ronterí꞉ios satshanáke nón꞉wa wenhniseráte; ó꞉nenh káti thóh niiá꞉wenh takerí꞉hon riʼiatanénhtat thóh ohontsáke enskák khók tsi enhiʼiáhase ne raoshí꞉kwahra; kwáh iáh tékeni tsahónteratste tsi thahiʼiáhase.”

⁹ Ók ne Táwit warénhase ne Abishai, “Tó꞉sa entsiá꞉tonhte; asèken ón꞉ka aiekwéni nahontahiontsanakétsko nahonwatkónten ne Roiá꞉ner roiatarákwen, tánon ne iáh tahiakoníke?”

¹⁰ Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.

¹¹ Ne Roiá꞉ner roriwáston nètho ne kwáh akanenhtiaʼkétsko nahiʼiatkónten ne Roiá꞉ner roiataráhkwen; ók ó꞉nen kiʼ entnioʼtáhko nashí꞉kwahra ne kanió꞉te tsi rotenontsístahte, tánon ne watnekarákwah kát꞉tse, tánon ánion thóh niehé꞉tewe.”

¹² Káti ne Táwit wahaniotáhko nashí꞉kwahra nètho kanió꞉takwe tsi iehakonhén꞉takwe ne Táwit ó꞉ni ne watnekaráhkwa kát꞉tse, tánon ionsahatiʼiákenhne. Asèken ratikwé꞉kon rotítaskwe, tsioríhwa ne Roiá꞉ner tsi kwáh í꞉ken tsi sakotasténhni.

¹³ Ehʼthó꞉ne ne Táwit thóh niaháre nisheʼnokwáhti nahoronkwáhkon, tánon thóh thontahátahne éhʼneken tsi ionhniá꞉here ahiʼnonhnió꞉reh ít꞉ken, kwáh ahí꞉non niió꞉re í꞉ken tsi niió꞉reh natetsá꞉tere ne ronónha.

¹⁴ Ne Táwit iathohénrehte tsi tón꞉nes ne raotsió꞉kwa ne Saul ronterí꞉ios ó꞉ni ne Abner ne ne roién꞉ha ne Ner, ratón꞉nions, “Abner! Kwáh kén iáh thatasheʼrihwasehráko?” Ehʼthóhʼne ne Abner watharihwaseráko, “Ónka ní꞉se ón꞉te ne iatieʼnáton ne ronnontí꞉io?”

¹⁵ Ne Táwit wahawénhase ne Abner, “Iáh kén rón꞉kwe tèken ní꞉se? Ónka ne thóh nahaiatoténhake tsi ní꞉se ní꞉ioht NʼIsraerʼronónke? Onhkáti nontiéren tsi iáh tetsenikón꞉rahreh ne iahiá꞉ner ne ronnontí꞉io? Asèken tionkwé꞉ta tahatáweiate nahó꞉tonhte ne Iaiá꞉ner ne ronnontí꞉io.

¹⁶ Kí꞉ken tsi nashá꞉tiere iáh teioiá꞉nereh. Kwáh ne Roiá꞉ner tsi nirónhnhe, ní꞉se tesaténtion nasíheʼie, tsioríhwa tsi iáh tetiatenhnikonrahrá꞉ton ne Iaiá꞉ner, ne ne Roiá꞉ner roiataráhkwen. Satkátho kiʼ ó꞉nen, kanieiawénon ne ronnontí꞉io raoshí꞉kwara, ó꞉ni ne watnekarákwah kát꞉tse nètho kaiéntakwe tsi iehakonhéntakwe?”

¹⁷ Ne Saul wahowenhnaién꞉terehne ne Táwit, tánon wahén꞉ron, Í꞉se kén kí꞉ken sawénhna í꞉ken, konién꞉ha Táwit, “Kwáh í꞉i akewénhna í꞉ken, atiá꞉ner, Ó sanontí꞉io.”

¹⁸ Tánon kiʼ iahá꞉ieste, “Ónh nontiéren natiá꞉ner tsi roséhres ne raonhá꞉tsera? Asèken onniwakatiéren? Nahó꞉ten wakeníkon ne kaʼtshanáke?

¹⁹ Ónenh kiʼ nón꞉wa tserí꞉hon natiá꞉ner ne ronnontí꞉io nahothónhte ne raowenhnasónhas ne raonhá꞉tsera. Tó꞉ka raón꞉ha ne Roiá꞉ner wahiónhnien naskatʼkónten, aiá꞉wenhs ahoienkwaráswoh; ók tó꞉kaʼ ónkwe, aiá꞉wenhs ahatiriwaiésha raohén꞉ton ne Roiá꞉ner, asèken wahontiatinékenhwe ne kén wenhniseráte ne ne tó꞉sa othènon ahontiatáhetste ne rahohóntsa ne Roiá꞉ner, ‘rontón꞉nions wáhs, neh teseriwásnies ne thiʼhátite ní꞉ios.’

²⁰ Ónenh kiʼ nón꞉wa, tó꞉sa sathón꞉tat nakenekwénhsa iakaién꞉tane, éhʼren nón꞉we tsi nón꞉we níres ne Roiá꞉ner; aseʼèken ne sakonontí꞉io NIsraeró꞉non thawénon nahoiatisáke saiá꞉ta ne katsinonwákeras, tsi ní꞉ioht ne ón꞉kak iontó꞉rats nokwé꞉sen ne tsi ionontarónhnions.”

²¹ Ehʼthó꞉ne ne Saul wahén꞉ron, “Tewakaterientawénhrie; tontasáket, konién꞉ʼa Táwit, asèken kwáh kiʼ iáh nonwénhton shé꞉kon tahonsakonkaréhwate, tsioríhwa nakatónnhets tsi nikanó꞉ron ne sahén꞉ton nón꞉wa wenhniseráte; Tewakatonʼnóktahkwe, tánon teiotenonʼianíton tsi watkaterientawénhrie.”

²² Ne Táwit watarihwaseráko, “Kí꞉ken ashí꞉kwahra, Ó sanontí꞉io! Tserí꞉hon ónkak ne kén nithohiónha ít꞉re tánon tahkó꞉ha.

²³ Ne Roiá꞉ner tesakorihwaserakwénhnis onkwetakwé꞉kon tsi nihiakoterihwaʼkwahríshion ó꞉ni tsi nihiakorihwatóken; asèken ne Roiá꞉ner thóh wahiát꞉kawe katshanáke nón꞉wa wenhniseráte, ók iáh kiʼ takatiaʼnakaráhthate nahiʼiatkónten ne Roiá꞉ner roiatahrákwen.

²⁴ Ne tsi nisón꞉nhe tsi nikanó꞉ron í꞉ken nón꞉wa wenhniseráte nakʼkénton, káti aiá꞉wenhs tsi nikón꞉nhe akanó꞉ronhke raohén꞉ton ne Roiá꞉ner, tánon aiá꞉wenhs ahonsahakeniákente akwé꞉kon tsi nòkwa ne kanikonraronhiakénsehras!”

²⁵ Ehʼthó꞉ne ne Saul wahawénhase ne Táwit, “Sahiatateristón꞉hak, konién꞉ha Táwit! Ní꞉se kwáh wé꞉so iorihwákes tsi nenhsátiere tánon kwáh ensahiá꞉nerase.” Káti ne Táwit wahatʼthahítha ne tsi iohá꞉te, tánon ne Saul tsi thohnón꞉shote neh nionsáreh.