1 Chronicles 3 - Ohiatonhseratokénti

Tsi Nòkwah né Ronnontí꞉io Táwit Sakoiohokónhas

^1-3 Né ní꞉ioht, né tsi nithotíhions, né Táwit raonekenhteronhtsheraʼsónhas né ronakakeráhton tsi náhe Hebron nón꞉we iéresʼkwe: Né Amnon, né꞉ne ronisténha í꞉ken ne Ahinoam né꞉ne Jezreel nitsawénon Né Daniel, né꞉ne ronisténha kènʼne ne Abigail né Carmel nitsawénon né Absalom, né꞉ne ronisténha kenʼne ne Maacah, né sakoienhkʼenʼen ne Ronnontí꞉iokwe Talmai né Geshur nitsawʼenon né Adonijah, né꞉ne ronisténha kenʼne ne Haggith né Shephatiah, né꞉ne ronistenhakwe ne Abital né Ithream, né꞉ne roniténhaʼkwe ne Eglah

⁴ Ratikwé꞉kon kíʼ iá-iak nihatikwe Hebron nón꞉we tonahnakeráton né tsi nikaríhwesʼkwe ne tsáta tánon tsaʼtesewasénhnon niʼioserákeʼkwe ne Táwit thóh nón꞉we nihakórahkwe. Thóh ne Jerusalem nón꞉we rakórahkwe ne Táwit né꞉ne áhsenh-niwáhsenh áhsenh nihioserákeʼkwe,

⁵ tánon ronatiokowánen ne raoʼnekenteronhtseraʼsónhasʼkwe thóh nón꞉we nihonanahkeráhton. Né ró꞉nekwe Bathsheba, né꞉ne sakoiénhaʼkwe ne Ammiel, kaiéri nihotiʼnekenteronhtseraʼientáhon: né꞉ne Shimea, Shobab, Nathan, tánon ne Solomon.

⁶ Tióhton nihátiʼkwe shé꞉kon ó꞉ia ronekenteronhtseraiéntaʼkwe: né꞉ne Ibhar, Elishua, Elpelet,

⁷ Nogah, Nepheg, Japhia,

⁸ Elishama, Eliada, tánon Eliphelet.

⁹ Tse tsowenhte né ratikwé꞉kon kí꞉ken raoʼnekenteronhtsheraʼsónhas, né Táwit rotiwiraientáhon nón꞉ne ne rahonhatserahókons. Tánon ó꞉ni roʼiatasetieraiénhthaʼkwe, Tamar konwaiátsʼkwe.

Tsi niehotwatsiríhnon ne Solomon

¹⁰ Né kí꞉ken tsi niehotwatsiríhnon ne Ronnontí꞉ioʼkwe Solomon né ronikénʼen tiotásaʼwe tsi niió꞉re ne rahoʼnekenteronhtsarahsonhas: né Solomon né roienha ne Rehoboam, Abijah, Asa, Jehoshaphat,

¹¹ Jehoram, Ahaziah, Joash,

¹² Amaziah, Uzziah, Jotham,

¹³ Ahaz, Hezekiah, Manasseh,

¹⁴ Amon, tánon ne Josiah.

¹⁵ Né Josiah kaiéri nihonekenteronhtsheraʼiéntaʼkwe: né꞉ne Johanan, Jehoiakim, Zedekiah, tánon ne Joahaz.

¹⁶ Jehoiakim tékeni nènh꞉ʼne tehonekenteronhtsheraʼiéntaʼkwe: né꞉ne Jehoiachin tánon ne Zedekiah.

Tsi niehotwaʼtsiríhnon ne Ronnontí꞉ioʼkwe Jehoiachin

¹⁷ Né kí꞉ken tsi niehonatwaʼtsiríhnon ne Ronnontí꞉ioʼkwe Jehoiachin, né꞉ne Babyloniaró꞉nons ronhwanó꞉tonhkwe. Né Jehoiachin tsáta nihonekenteronhtsheraʼiéntaʼkwe: né꞉ne Shealtiel,

¹⁸ Malchiram, Pedaiah, Shenazzar, Jekamiah, Hoshama, tánon ne Nedabiah.

¹⁹ Né Pedaiah tékeni tehonekenteronhtsheraʼiéntaʼkwe, né꞉ne Zerubbabel tánon ne Shimei. Né Zerubbabel né꞉ne sakohiohokonhkénʼen ne teniʼnekenteronhtseráke, né꞉ne Meshullam tánon ne Hananiah, tánon skaiáta roʼiatasetseraiéntaʼkwe, Shelomith konhwáiatsʼkwe.

²⁰ Shé꞉kon wísk niháti ó꞉ia ronekenteronhtsheraʼiéntaʼkwe: né꞉ne Hashubah, Ohel, Berechiah, Hasadiah, tánon ne Jushab Hesed.

²¹ Né Hananiah tékeni nenhʼné꞉e tehonekenteronhtsheraʼiéntaʼkwe, né꞉ne Pelatiah tánon ne Jeshaiah. Né Jeshaiah né꞉ne ieshoiénha ne Rephaiah, né꞉ne ieshoiénha ne Arnan, né꞉ne ieshoiénha ne Obadiah, né꞉ne ieshoiénha ne Shecaniah.

²² Né Shecaniah énska khók nenhʼné꞉e ronekenteronhtsheraʼiéntaʼkwe, né Shemaiah, wísk nenhʼné꞉e nihoterenhséthaʼkwe: né꞉ne Hattush, Igal, Bariah, Neariah, tánon Shaphat.

²³ Né Neariah áhsen nenhné꞉e nihoneʼkenteronhtsheraʼiéntaʼkwe: né꞉ne Elioenai, Hizkiah, tánon ne Azrikam.

²⁴ Né Elioenai tsáta né nihoneʼkenteronhtsheraʼiéntaʼkwe: né꞉ne Hodaviah, Eliashib, Pelaiah, Akkub, Johanan, Delaiah, tánon ne Anani.