Matiu 1 - Mangseng

Jisas ile velpoling ake ru a ulue (Vonge 1:1–4:16) Jisas ititeviere oionre.

¹ Ake ini a Jisas Krais ititeviere oionre. Jisas ini a Devit itevinga na Devit ini a Abraham itevinga.

² Na Abraham ini a Aisak itema. Na Aisak ini a Jekop itema. Na Jekop ini a Juda ome ititeinre otema.

³ Na Juda ini a Peres ome a Sera otema, na onina ini a Tamar. Na Peres ini a Hesron itema. Na Hesron ini a Ram itema.

⁴ Na Ram ini a Aminadap itema. Na Aminadap ini a Nason itema. Na Nason ini a Salmon itema.

⁵ Na Salmon ini a Boas itema, na inina ini a Rahap. Na Boas ini a Obet itema, na inina ini a Rut. Na Obet ini a Jesi itema.

⁶ Na Jesi ini a Nepes a Devit itema. Na Devit ini a Solomon itema. Na Solomon inina ini a Batsiba ako Devit i pamuespot i a Uria nge.

⁷ Na Solomon ini a Rehoboam itema. Na Rehoboam ini a Abija itema. Na Abija ini a Asa itema.

⁸ Na Asa ini a Jehosapat itema. Na Jehosapat ini a Jehoram itema. Na Jehoram ini a Usia itema.

⁹ Na Usia ini a Jotam itema. Na Jotam ini a Ahas itema. Na Ahas ini a Hesekia itema.

¹⁰ Na Hesekia ini a Manase itema. Na Manase ini a Emon itema. Na Emon ini a Josaia itema.

¹¹ Na Josaia ini a Jehoiakin ome ititeinre otema. Na nge wop lemi aken Babilonre o pun tomo e Israelre ma o wolpot ir a Babilon la.

¹² Babilonre o wolpot Israelre lale a Babilon la, ma Israelre ole vothong a Babilon i patea nge a Jehoiakin. Na Jehoiakin ini a Sealtiel itema. Na Sealtiel ini a Serubabel itema.

¹³ Na Serubabel ini a Abiut itema. Na Abiut ini a Eliakim itema. Na Eliakim ini a Asor itema.

¹⁴ Na Asor ini a Sadok itema. Na Sadok ini a Akim itema. Na Akim ini a Eliut itema.

¹⁵ Na Eliut ini a Eleasar itema. Na Eleasar ini a Matan itema. Na Matan ini a Jekop itema.

¹⁶ Na Jekop ini a Josep itema. Na Josep ini toko ako iewo sengenga ini a Maria ako i pop a Jisas, ini toko aken te apeta i ini a Mesaia, ini toko ako God i ateal i ve aro i el werer ile tokokoere.

¹⁷ Jisas ititeviere ako i patea nge a Abraham ma me i mulalu nge a Devit kene or ini toko or mule pa omole pothoi or penel. Na i patea mun nge a Devit ma me i mulalu nge owolpotnga a Babilon kene or ini toko or mule pa omole pothoi or penel. Na i patea mun nge owolpotnga a Babilon ma me i mulalu nge a Krais ile velpoling kene or ini toko or mule pa omole pothoi or penel mun.

Jisas ipopnga.

¹⁸ Jisas Krais ipopnga kene i velpol vene: Inina Maria o ateal i ve aro i ewoa a Josep, ave o ela pel rongan, na tokokoere o thepol ako Maria iopo lale. Ini Oni Riringa ile omaing a i nge ma iopo.

¹⁹ Na iewo a Josep ini toko vengvenga ma ini plong ve aro i palemara a Maria a tokokoere otheki, mako ilemi ve aro i mothong kine i.

²⁰ Rongan Josep ilemi rum nge aken, nako Toko Pomnga ile ensel i velpoltun i nge ile oni theong, ma i ria i ve, “Josep, Nepes a Devit itevinga, mothong tova lomum kerenga nge a Maria ielanga mo ini ewom. Ke Maria iopo aken nge Oni Riringa ile omaing.

²¹ Aro i pop itun tomonnga e, naro ong apeta iion a Jisas ako i mirenga ve, ‘Pamimionga’, eneke aro i el werer ile tokokoere nge ole vothung kerengare.”

²² Na ur alavusnga areken o velpol vene re ake, mo i pavelpol nunganga ur alavusnga ako Toko Pomnga ile riong elnga i ri nge ve,

²³ “Ovote ako i ngo tomo e toko rongan aro iopo mo i pop itun tomonnga e, naro o apeta iion a Emanuel.” Ako i mirenga ve, “God i voth tomo nge it.” Aisaia 7:14

²⁴ Mako Josep i vurpola ma i ewoa ol a Maria ranga ve ako Toko Pomnga ile ensel i ritet a i nge lale. Ma i peange e iewo sengenga ma i wol i a ile vel la.

²⁵ Ave o ngo tomo e pel avele, i pavurvur ako la i pop itun tomonnga aken, mako Josep i apeta iion a Jisas.