ሮሜ 1 - መጣፍ ቅዱስ በጉራጌኛ

¹ እያ ይእግዘር ናቸረነ ኸርም የኢየሱስ ክርስቶስ አር ጳውሎስን፤ እያም የክርስቶስ ወንጌል ኦዴ እግዘር ሜጠረም ጠኔም።

² ዝም ወንጌል እግዘር በነቢ ወኸት በቅዱስ መጣፍ በተረም ያወን የተስፋ ቃሩ።

³ ትም ይእግዘር ኧርች በበሰር ተዳዊት ዘር ወጠነታ ዩድ ቃሩ፤

⁴ የኽክም በመንፈስ ቅዱስ ወኸት ንቅ ደረግ ያነን ይእግዘር ኧርች ወኽረታ ተሞት በተሶተታ ተረም፤ ትም ታንዳ ኢየሱስ ክርስቶሱ።

⁵ በክርስቶስ ሽም ሰብ እንም ያምሬም ይታዘዞኸማ አሜዬ በት ወኸት የናቸርነት ፀጋ ተፐርም።

⁶ አኹም የክርስቶስ ሰብ ትኸሮኸማ እግዘር ተሜጠረኖ ሰብንኹ።

⁷ ዝም የኸሬ እግዘር የረመደናኹ ትም ሰበታ ትኸሮዌ የሜጠረናኹ የሮማ ሰብ እንማኹ፦ ታባንዳ ቲእግዘር ተታ ኢየሱስ ክርስቶስ ፀጋም ሽናትም ያኹ የኽር።

የሽርት ጠሎት

⁸ አኹ በክርስቶስ አመርኹም ትረብሮ ኸማ በአለም እንም የትረ የኸሬ ትንም አበተርም በኢየሱስ ክርስቶስ ወኸት ይንማኹ የታና ሽር ኧውን።

⁹ እንም ግዝየ በፀሎተና ኧዘግድኹኸማ የርቸታ ቃር ዩድ ወንጌል ትኑድ በውረምነና አን እግዘር ይኒ።

¹⁰ በቀጥወ ያኹኼንየ ኧቸኔ ይእግዘር ፍቃድ ኸረም ቤኤማና እንም ቈፋ ቤሰራብዬ እንም ጋ ይእግዘር ኧጨስን።

¹¹ እያም ያኹዌ ቸነም ያትቋምርኹ ይእግዘር ቃር ኡድኹዌው።

¹² ዝም ወበረና እያ ባኹ እምነት አኹም ብያ እምነት ገግ ተገገንዳ ንትቋመኔዉ።

¹³ ጐፔቸም ኧተቾ እያ ብእንጐድ በአረማዊ ሰብ ግብት ብዘ ሰብ አትመርም በክርስቶስ ያመሮ ሰብ የረከብኸማ የኽክም ባኹ ግብት አተሚት ብዘ በክርስቶስ ያምሮ ሰብ ኧረኽቤ ኧሸ ባነ፤ የኽም ትምብር ብዘ ጋ ያኹዌ ኧቸኔ ትንሸ ኧዃ ስን ያንትሳካኒኸማ ትሮዌ ኧሸ።

¹⁴ እያም የትማሮም ያንትማሮ ሰብ ይቤስሮም ኤበስሮም ሰብ የክርስቶስ ወንጌል አትመሬ አደራ ነረቢ።

¹⁵ በኽ የቸነ በሮማ ያነኹ አኹ የክርስቶስ ወንጌል ኦድኹዌ ኧሸ።

ወንጌል ይእግዘር ደረጉ

¹⁶ እያ የክርስቶስ ወንጌል ትኑድ ኤያቅመጬ፥ ዝም የኸረወ የወንጌል ቃር ይፍትወረር የይኹዳ ሰብ፥ ተኽ አን የአረማዊ ሰብ፥ ያምሮ ሰብ እንም ያተርፍ ይእግዘር ደረጉ።

¹⁷ ፃዲቅ በእምነት ኧያም ይኸር ቧርም የጣምኸማ ቲእግዘሬ ይረኽዊ ፅድቅ ቲፍትወረር የቀጥወ ስን በመሮት የኸረኸማ ይእግዘር ቃር ዩድ።

የሰብ ጥጥነት

¹⁸ ሰብ በሼነተና ውረም የኸረ ቃር ኤሪኸማ ቲያመሮ በባጢርመና በሼነትመና የቸነ ይእግዘር ማት ተሰሜ ይወርድቦቴ።

¹⁹ ይቀጣኖም ያነ ቢሪ አኽር ቃር ገገታ ያትረኖ የኸሬው፤ ኽኖም ኻሮም።

²⁰ ኤትየ እግዘር አፈር ተሰሜ ተትፈጠረ ቀነሰም በጠረን ቃር የትየ የኸሬ ሰብ ቢያጠፏን ጥፋት ያብረክስወ ቃር ኤነን።

²¹ ኽኖም ይእግዘር በኻረዊሜ በኻረዊ አኽር የታ ኽብጀም ሽርም አናበዊ፤ «ኻሪንደ» ቲብሮ ኽኖም አሳበና ብላሽ ኸረም፤ ይቤስሮም ነና ጠነማ ኸረም።

²² «ኻሪንደ» ቲብሮ ጋዋ ኸሮም፤

²³ ዘላለም ይረብር እግዘር ኧመሮት ታቦምታነ ገነዘም ቢጠፋ በሰብ መርክ፥ በሰሜ ቢበሮ አን፥ በአርበት ኧግረና ቢያሮ ዋጋ፥ ታፈርም ቢትሸቦኽኖ የቾቺ ምስል ስግዶት ቀነሶም።

²⁴ በኽ የቸነ ኽኖም ተኽኖ በገገና ያቅመጭ ቃር ይቾቶዌ በነና የትሜነዊም የሰነኸ ቃር የሜናወ የጥጥ ተመኛተና ይትገሶዌ ቸኖም።

²⁵ ይእግዘር ውረም ቃር በፍጥር የሽጋከሮ የኸሬ በፈጠረታ ሟሬ የትፈጠረ ቃር የሰገዶሜ የትገሶለሜው፤ ት ጭን ዘላለም የትከበረው አሚን።

²⁶ ዝም ሰብ የሜናናም ኸማ ቢያቅመጭ ተመኛተና ይትገሶዌ እግዘር ያቅመጭ ቃር ያመሮዌ አወጣም አፐረኖም። እሽታመና ተምሰኽነማ ቴኸር ኽነማም ተኽነማ ጅር ደመደማም።

²⁷ የኽክም ገምያም ትሽታና ቴኸር ኽኖም ተኽኖ በተመኛት ዛሶም፤ ገምያ ተገምያ ጅር ደመዶም ያቅመጭ ቃር ቾቶም፤ ውረም የኸረ ኤማ የገፈሮዌ በገገና ይሰራቦ ቅጣተና ተፐሮም።

²⁸ ሰብ ይእግዘር ይረውዬ አንሳቦ የኸሬ ያቅመጭ ቃር ይቾቶ ኸማ እግዘር የጥጥ ተመኛት አወጣም አፐረኖም።

²⁹ በኽ የቸነ ኽኖም በባጢር፥ በበደል፥ በጥጥነት፥ በጥጥ ተመኛት፥ በተንኰል፥ በምቀኝነት፥ የሰብ ደም በዃቦት፥ በመራክስ ባታሎት ደባ እንም ሜናቦም፤ የኽክም ኧሟተነኸሮም፥

³⁰ የሰብ ያሞ፥ እግዘር ኤረምዶ፤ በቅኔመ ያትዋልዶ፤ ትቢተነ፥ ኸጣ፥ ጥጥ ቃር ያመሮዌ ብላት ይሰቦ፤ ያብ ታዶተና ኤታዘዞ፤

³¹ በነና ኤቤስሮ፥ በዝረከበዊ ኤቈሞ፥ ንማጀ ኤነኖ፥ ትወሎ።

³² «ዝኽ ያመሮ እንም ወት ነረቦ» ይብር ይእግዘር ፍርድ ቲሮም ዝኽ እንም ይቾቶ፤ ኽኖም ዝኽ ዘንጋ ይቾቶም ሰብ ዳር ያትፋድጎዮ።