የዮናስ መጣፍ 1 - መጣፍ ቅዱስ በጉራጌኛ

የዮናስ ኧጊ አምበሮት

¹ እግዘር የአሚታ ኧርች የዮናስ የዝረን የትንቢት ቃር ዝኹ፦

² «ተሳም ንቅ ከተማ ነነዌ ወር፤ የሰብምኽኖ ጥጥ ሜና ይያ ይፍቴ ሰናም፤ ቃራኸ ከፍ አሚም ጥጥ ሜናና ኦድኖ።»

³ ዮናስ ጭን ቲእግዘር ይፍቴ ሰም፤ ተርሴስ ያሬ ተረሳም፤ ኢዮጴ ወንደም በኽም ተርሴስ ያር መርከብ ነከበም ይትሳፈርወ ዋጋ በካሰ አን ተመርከብታ ሜነነ ጋ በመርከብ ደን ገፓም፤ በነታ ያሰወን ቲእግዘር ተቤተረም በኽም ይረብሬ ባነ።

⁴ እግዘር ጭን መርከብ ቢያርወ ባርታ ንቅ ንፋስ ነሳም፤ በባርምታ የትረሳ እምርቢት ጦናማ ቃር የኸሬ መርከብታ ይትሰፐሬ ሰናም፤

⁵ የመርከብታ ሜነነ ንቃር የሰነፎ የኸሬ እማት እማተታ ያምርወ ታቴ ኦነም፤ መርከብታ ኤረዝ ኸማ በደነታ የረፐሮ ግብር አወጦም በባር ደን ቃሰቦዮም፤ ዮናስ ጭን በመርከብታ ደኔንየ ክፍል ገፓም የትገተሬ በሼ ወሬት ደን ባነ።

⁶ የመርከብታ ዳነ የቴንየ ቸነምታነ «የምር ተገተርኸም? አንጠፋነ ኸማ ተሳም የታኸ ጠስን፤ ዌምአቱ ደን ወንደንም ነብስወተንዳ ያትርፍንደሽ» ቧረንም።

⁷ በመርከብታ ደን የረፐረቦ እንመና ኽኖም ተኽኖም «ዝኽ ጥጥ ዘንጋ የቸነ በሟን የኸረኸማ ንኔ ኔኹ ኧጥ ንድግነ» ተቤበሮም፤ ኧጥም አደጎም፤ ኧጥምታ በዮናስ ሰናወም።

⁸ በዝም የቸነ ዮናስ «እንዴ ኦድንደ ዝኽ እንም አደጋ የቸነብንደ በሟን የኸረ ይመስርኸ? ሜናኸ ምቃሩ? ቴቴንየ ቸነኸም? ገናኸ ኤቴው? ምር ጥብንኸ?» ባረዊም።

⁹ ዮናስም፦ «እያ እብራዊን፤ ባርም አፈርም የፈጠረ በሰሜ ያነ እግዘር አምር» ባረም ዠፐረሎም።

¹⁰ ትም በተረም ቦደኖ ኤነት ቲእግዘር ይፍቴ የሰ ኸማ ኻሮም፤ በዝም የቸነ ንቃር ሰነፎምታነ «ዝኽ ዬፐዀን ዘንጋ ያትሸንፍ ቃሩ» ባረዊም።

¹¹ የባርታ እምርቢት ጦናማ ቃር ኸረም አንቈም የባሬ በመርከብታ የትሳፈሮ ሰብ «ዝኽ እምርቢት ገብ ይብር ኸማ ባኸ ምር ብናሜኔብከ ይፍዘዝሸ» ባሮም ተሳረዊም።

¹² «አኹ በዝ በርቅ እምርቢት ትትወቀሶ ብያ የቸነ የኸረ ኸማ ኻርም፤ የኽ የኸሬ እያ ንሶም በባር ደን ኧረጎን፤ እምርቢትም ገብ ይበንኹሸ» ባረኖም።

¹³ የመርከብታ ሜነነ ጭን ባነኖ ደረግ እንም መርከብታ ሬ ያሰረውዬ ቢያትባቅሮ እምርቢትታ ጦናማ ቃር የረፐሬ አንኸረሎ።

¹⁴ በዝም የቸነ «ታ እግዘረንዶ የዝ ምስ ነብስ ይጠፋኸማ ባምሮተንዳ ሞት አትፍርድብንደ፤ ዝም የቾትዀን በፍቃዳኸ የኸሬ ደመነ እኔፐኸንደ» ባሮም ይእግዘሬንየ ኦነቦም፤

¹⁵ ተኽም አን ዮናስ ነሶም በባር ደን ኧረከበዊም፤ የባርም እምርቢት ገብ ባረም።

¹⁶ በዝ ኤነት የመርከብታ ሜነነ ይእግዘር ንቃር የሰነፎ የኸሬ ኽትም አትነቦም ሟክታም ተሟከቶም።

¹⁷ አት ንቅየ አሳ የዮናስ ይወጥኔ ትእግዘሬ ታዘዘም፤ የኽየኸሬ ዮናስም በአሳ ደን ሶስት ከረ ዋናም ምሳረም ኧከሰም።