2ነ ጢሞ 3 - መጣፍ ቅዱስ በጉራጌኛ

በቀጥወ ዘበር ይቸኖ ጥጥ ዘንጋ

¹ በቀጥወ ከረ ያጨንቅ ዘበር ይቸን ኸማ ኻር፤

² በኽ ከረ ሰብ ገገና ይረምዶ፥ የዋጋ ይድረነጎ፥ ተዥ፥ ትቢተነ፥ የሰብ ይቀርሞ፥ ያብ ታዶተና ኤታዘዞ፥ አኸዳ ኤባር፥ ቅድስና ኤነኖ፥

³ ንማጀ ኤረብኖ፥ ተሰብ ኤትሻከቶ፥ የሰብ ሽም ያጠፎ፥ ገገና ተጥጥ ኤቅረቦ፥ ሼ፥ ወኼ የኸረ ዘንጋ ኤረምዶ፥

⁴ ኽዳተነ፥ ኤትጬፖ፥ በትቢት የትሜነቦ፥ ይእግዘር ተርመዶት ይርቅ የገገና ተመኛት ይረምዶ ሰብ ይኸሮቴ።

⁵ ይእግዘር ያኸብዶ ሰብ ይመስሮ ቢኸርም ደረገታ ይኸዶ፤ አኸ ተዝ ኤነት ሰብ ስ።

⁶ ዝመና በቤት ቤት በዞሮት ባጢረኽነማ በሳም በብዘ ተመኛት የተተነማ ጋዋ የኸረማ እሽታ ቲእግዘር ውጤ በኸረ ትምርተና ያትሳስቶ ሰብሮ።

⁷ የዝካ እሽታ እንም ጋ ይትመረማ፤ ቢኸርም ውረም የኸረ ቃር ጥብጦት ኤኸለማ።

⁸ ኢያኔስም ኢያምበሬስም የሙሴ በቾተ ቃር የትራከሰዊምኸማ፥ የኽክም ዝኽ ሰብ አሳበና እንም የትብላሸም በእምነትም ቃር የትራኮስ ሰብ ኸሮምታነ ውረም የኸረ ቃር ይተቦ።

⁹ የኢያኔስም የኢያምበሬስ ጋውነት የትረም ኸማ የዝም ሰብ ጋውነት በሰብ እንም ይፍቴ ይትር የኸሬ ኤትሳካሮ፥

የቀጥወ ምኽር

¹⁰ አኸ ጭን ትምርተና፥ ሜናና፥ ተመኛተና፥ እምነተና፥ ፍረኾተና፥ ንማጀናም፥ ተቋመሮተና ተተርኸም።

¹¹ የኽክም ቲያሳጅንም መከራም ቲሰራቢ ቲያ ጋ ኸርኸም፤ በአንፆክያ በኢቆንዮንም በልስጥራም የሰናቢ ዘንጋም በፍረኾተና የትፐርን ወቀሳ አኸም ትር፤ ቢኸርም ታ ተኽ እንም አተነፌም።

¹² በኢየሱስ ክርስቶስ ሽም አመረም ይእግዘር ሰብ ኸረም ይረብሬ ይሸ ሰብ እንም ዝኽ ወቀሳ ይሰራወ።

¹³ ቢኸርም ጥጥም አታሌም ሰብ የሰብ ቲያሳስቶ ገግመና ይትሳሰቶ፤ በጥጥ ዘንጋ ጥጥ ቲደብሮ ይረብሮ።

¹⁴ አኸ ጭን የትማርዀን ተሟን የኸረኸማ ትር የኸሬ በትማርዀንም አመርኸም በኻርዀን ውረም ቃር ም።

¹⁵ የዝክም ይእግዘር ቃር ዩዶ መጣፍ ተዴንነታኸ ቀነስኸም ይብሮ ቃር ኻርኸም፤ ዝም ይእግዘር ቃር ዩዶ መጣፍ በኢየሱስ ክርስቶስ እምነት በመሮት ይረኽዊ ትረፎት ያኖ ኻሪነት ያትየሶኬ ይኸሎ።

¹⁶ ይእግዘር ቃር ዩዶ መጣፍ እንም ይእግዘር መንፈስ አትየሸምታነ ተጣፈም፤ ዝም መጣፍ ውረም የኸረ ቃር ያትርዬ፥ የትሳሰቶ ይመር፥ ስተት ይር፥ ዮኼ ንብረት፥ አመር ይፈዝ ቃር ይር ያር።

¹⁷ ይእግዘር ሰብ ቢእግዘር ቃር ራ ይኸሬም ሟኒም ወኼ ሜና ይቾቴ በጥየ ይታማንዴ ይጠቅሞ።