1ነ ጢሞ 4 - መጣፍ ቅዱስ በጉራጌኛ

ያሰት አስተማሪ

¹ መንፈስ ቅዱስ ጭን የየም ዝካ ይብር፤ «በቀጥወ ዘበር አታት ሰብ በሲጣር ተታለሎም የሲጣር ትምርት ይትተሮዌ ያመረዊ ክርስቶስ ይኸዶቴ» ይብር።

² ዝኽ ኤነት ትምርት ይቸን በኸጥነት ኤነም ቃር ቲዝረኲ በጋረ ብረት ይተሺ አኽር ኸረምታነ ይድረዝዝ አኽር ቀርበና ድረዘዘም የኸሬ ኤወቅስኖ ሰብሮ።

³ የዝካ ሰብ ጋብቻ ይኸሮ፤ አመሮም ውረም ቃር የኻሮ ሰብ ይእግዘር ሽር ባሮም ይበሮዌ እግዘር የፈጠረሎ ሸረት «አትብሮ» ባሮም ይኸሮ።

⁴ እግዘር የጠረን ቃር እንም ወኼ ቃሩ፤ ይእግዘር ሽር ቧርም በትሪ ይቋሺ ቃር አትም ቃር ኤነ።

⁵ ቢእግዘር ቃርም በጠሎት የትቀደሰ ይኸር።

ወኼ የክርስቶስ አገልጌ ኽሮቱ

⁶ ዝኽ ትምርት በክርስቶስ ያመሮ ሰብ ብቱድ፥ የእምነት ቃርም ወኼ ትምርትም ትትመር የትራቅኸ የኢየሱስ ክርስቶስ ወኼ አገልጌ ወኽራኸ ታትርሸ።

⁷ የዝ አለም ይትመች ዘንጋም ተባሪቅ እሽታ ዠረርየ ተኸረ እንቊት ስ፤ በመንፈሳዊ ዘንጋ ገጋኸ አትርዋሽ።

⁸ ገግ በዝ አለም ቢትየ ቃር አሮሶት ጥቅመታ ቀሪቃሩ፤ ገግ በመንፈሳዊ ዘንጋ አትርዋሶት ጭን ኧዃ በዝ አለም ትነብነም ተዝም አን ያነ ኧያም ተስፋ ያነኔ ይንምቃር ይጠቅም።

⁹ ዝም ቃር ሰብ እንም ወትቀፐር ያነወ ውረም ቃሩ፤

¹⁰ ይናም ጃድ ንብነም በሜናም ንጥነ የዝመታው፤ ዝም የኸረወ ይናም ተስፋንዳ ያወናነ የሰብ እንም ይርቅመታ ያምሮኽኖ እንም ቢያተርፍ ኧያም በኸረ እግዘሩ።

¹¹ አኸም ዝኽ ዘንጋ ኧዝዝ፤ አትመርም፤

¹² ደንነት ያነናኼ ሟኒም ሰብ ኤቅርጥኸ፤ ይርቅመታ ብትዝረን ዘንጋ ብትረወን ንብረት፥ በርማጃኸ፥ በእምነትም፥ ተባጢር በምጠሮትም በክርስቶስ ያመሮ ሰብ ወኼ መሰሮ ኽሎ።

¹³ እያም ትንቸን ዳር ይእግዘር ቃር ዩዶ መጣፍ የሰብ ባርብቦት፥ በምኽሮት፥ ባትመሮት ተፋደግ።

¹⁴ ትንቢት ቦጅንከ ግዝየም የቤተክርስቲያን ባሪቅም ኧጀና ባወኖብከ ግዝየ ያውከ ባኸ ያነ መንፈሳዊ ስጦታ ኤተሳኸ።

¹⁵ ወትራቃኸ ሰብ እንም ያዞዌ በዝ ዘንጋ እንም ተፋደግም በራ ደረጋኸ ቶትወ።

¹⁶ የገጋኸም ታትን ትምርትም ቃር ተጤፕ፤ በዝ ዘንጋ እንም ተቋመር፤ ዝኽ እንም ብትቾት ገግማኸም ይሰማኸም ሰብ ታተርፍ።