ዋንሳ ቆንጭ 4 - ኦሮ ጫቆሳሎ የዝ ጎይኖ 1 የይፕ ጉየ፥ ታኒ በኤዛ፥ ሳሎ ዶይንቴዝ ፐንገ የዛ። ማ ታ ቲና ስኤዝ ቱልቱሎ ግርስ ጋርከዛይ ታኮ፥ «Ꮊንካ ከዞባ፤ Ꮊይፕ ጉየ፥ ሀኖዳይስ የዛ ባዝ ታ ነና ቤዞዳ» ዬጌዛ። 2 የ ዎደ ታ አያናር ኩሚ የዛ። ይኬ፥ ሳሎ ዙፋነ ታ በኤዛ ዙፋናይል አፋ ፐታ በቴዛና በኤዛ። 3 የ በቴዛይ ማላይ እያስጰደኔ ሳርድዮና ግዝ አልኦ ሹቻይጋርከ። ኤ ዙፋናይ ዩሻይድ አልኦ መርገደ ሹች ኣዝዝ ዙላይ የዛ። 4 የ ዙፋናይ ዩሻይድ ላታማኔ ኦይዲ ዙፋንታይ የዛ፤ ኡንታል አፋ ቦ ማኦ ማኢ፥ ኦማል ዎርቃ ዛዉደ ጋዴዝ ላታማኔ ኦይዲ ጭምታይ በቴዛ። 5 ዙፋናይፕ ዜልን፥ ዳዳ ጉምኔ ሳር ከዝዛ። ዙፋነ ቲና ላፑን ፖእዛ ታማ ጾምፕታይ የዛ፤ ኡንቲ ላፑን ጾስ አያንታ። 6 ዙፋናይ ቲና ብርለ ኣዝዛ ፎጭዝ ቡርጩኮ አባይ የዛ። ቲናራኔ ጉየር ኣፈ ኩሜዝ ሸምፖር የዝ ኦይዲ መትታይ ዙፋናይ ዩሻይራኔ ዙፋናይ ጋንጨ የዛ። 7 ቲና መትይ ጋሞ ኣዝዛ፤ ናምእንይ ገማተ ኣዝዛ፤ ሃይንይ ቲናይር አስ ኣዝዛ፤ ማ ኦይድንይ ፕራዛ አንኮ ኣዝዛ። 8 ኦይዲ መተታይ ፐታይስ ፐታይስ ኡሱፑን ቀፍታይ የዛ፤ የ ቀፍታይ አፋ ባጋራኔ ኦሞ ባጋር ኣፈ ኩሜዛ።ኡንቲ ቃማኔ ጋላስ ጋቼካዛር፥ «ጌሻዮ፥ ጌሻዮ፥ ጌሻዮ፥ ጎዳዮ፥ ኡባ ሃርዛ ጾሳዮ፥ ብንካ፥ Ꮊተካ የዛዮ፥ ቲናፕ የኦዳዮ» ዬግዛ። 9 የ መተታይ ዙፋናይል በቴዛይኔ መናስ የዛይስ ሳባ፥ ቦንቾኔ ጋላታ እንጌዝ ዎደ 10 ላታማኔ ኦይዲ ጭምታይ ዙፋነል በቴዛኔ መናስ የዛይ ቲና ጹጉኒ ጎይኔዛ፤ ፋ ዛዉደ ዙፋናይ ቲና ጋዲ፥ 11 «ኑ ጎዳዮ፥ ኑ ጾሳዮ፥ ኔኒ ኡባ መዛ፤ ኡባ ባዝ ነ ሸነ ጋርክ ሀኔዛይ ጋርክ ኔኒ ቦንቾ፥ ቴማኔ ዎልቃ ኤኮዳይስ ቤዝዛ» ዬጌዛ። |
The Word for the World Ethiopia