Ibraawe 3 - ኦሮ ጫቆ

የሱሳ ሙሰፕ ኣዛ

¹ የይ ግሾስ፥ ጾስ ጼስ ሻግንቴዝ ጌሽ እሹን፥ ኑ አማኖስ ጎዳ ግ ጼግዝ ሀዋረኔ ቄሰ ሀላቃ የሱሳ ቦኦይታ።

² ሙሰ ጾስ ካራ ኡባይድ አማንንቴዛይ ጋርክ የሱሳካ ፋና ሹሜዝ ጾሳይስ አማንንቴዛያ።

³ ኬ ኬጽዛይ ኬይፕ ኣ ቦንችንትዛይ ጋርክ የሱሳ ሙሰፕ ኣዝ ቦንቾ ኤኮዳይስ ቤዝዛ።

⁴ ፐቲ ፐቲ ኬስ ኬጼዝ አሲ የዛ፥ ዝን ኡባ ሀንሴዛይ ጾሰ።

⁵ ሙሰ ጾስ ካራ ኡባይድ አማንንቴዝ አይለ ማቂ፥ ጾሲ ቲናፕ ጎድባዛይስ ማርካ ማቄዛ።

⁶ ዝን ክርስቶሳ ጾስስ ናአ ጋርክ አማንንቴዛያ። ኑኒ ኤኮዳ ግ ያሻ ባይ ጬቆር ናግዛ ኡፋይሳ ሚን ናግኮ ኑ ኤ ካራ።

ጾስ ዎያስ የዝ ሸምፖ

⁷ የይ ግሾስ፥ ጌሻ አያናይ ግዛይ ጋርክ፥ «Ꮊይኖ ይ ጾሳይ ግዛ ስእኮ

⁸ ሊዦ ቢታ ይ ታና ፓጬዝ ጋላስ፥ ይ ዎርዣቴዛይ ጋርክ፥ ይ ዎዝና ምንፓተ።

⁹ ኤዛይድ ይ አድታይ ታና ፓጬዛ፤ ኦይታም ላይ ታ ኦሳ በኤዛ።

¹⁰ የይ ግሾስ፥ ታ የ የለት ሴሬዛ፥ ‹ኡንቲ ኡባ ዎደ ፋ ዎዛናይር ባልንትዛ፤ ታ ኦጋ ኤረካያ› ታ ዬጌዛ።

¹¹ የይ ግሾስ፥ ‹ታ ሸምፖ አቃ ኡባራካ ገላሚ› ዬጊ፥ ታኒ ታ ሴራይድ ጫቄዛ፥ ዬጌዛ» ዬግዛ።

¹² ታ እሹን፥ ይንትፕ ኦ ጋንጨካ፥ ደኦ ጾሳይፕ ይንታን ሻክዛ ኢታኔ አማኖዋ ዎዝና የዛማይ ጋርክ ናግንቶይታ።

¹³ ይንትፕ ኦናካ ናጋራ ባልን፥ ፋ ዎዝና ምንማይ ጋርክ «Ꮊይኖ» ዬግንቲ ጼግንቶዳር ጋላስ ጋላስ ዎልር ዞርንቶይታ።

¹⁴ ኑ ቲና አማና ኑኒ ዉርስ ሄሎዳይስ ሚን ናግኮ፥ ክርስቶሳር ፐትፕ ላቶዳ።

¹⁵ ጌሻ ማጻፋይድ፥ «Ꮊይኖ ጾስ ግዛ ይ ስእዝ ዎደ የ ዎደ ኡንቲ ዎርዠትር ሀኔዛይ ጋርክ፥ ይ ዎዝና ሚንፓተ» ዬጌዛ።

¹⁶ ጾስ ግዝባዝ ስኢ ዎርዠቴዝታይ ኦናንታራ? ሙሰ ግብጸፕ ካል ከሴዝ ኡብታ ባሳኔ?

¹⁷ ጾስ ኦይታም ላይ ኦና ሴሬኔ? ናጋራ ኦዝታኔ ኡ አሃይ ሊዦ ቢታ ዎ አቴዝ አስታ ባሳኔ?

¹⁸ ማ ጾስ፥ «ታ ሸምፖ አቃ ኡ ገላሚ» ዬጊ ጫቄዛይ፥ ኤስ ኪትንታም እጼዝ አሳይሳፕ አትን ኦሶ?

¹⁹ ይኬ፥ ኡንቲ የ ሸምፖ አቃ ገለካ አቴዛይ አማነካ ግሾስ ማቄዛና ኑ ቦኦዳ።