Mbari e Like 3 - Obamba Kiwoyeti (mdt) NT Portions

Zan atooso mbari e Ndziami

¹ Tibeere aki nkumu esi e Rome, esibi emi yira kuumi na etaani. Posi Pilaate aki lepatima o Zide. Erode Atipase aki nkumu o Ngalili. Filipe okulu Erode aki nkumu a Iture bla Takonite. Lisana nkumu Abilene.

² Aane bla Kayife aki ankumu ma asi ma avuoŋi ma anini. Dzia ntini e Zan ayuhi mbari e Ndziami, Zan a muana Zakari o ntsa kayi.

³ Zan opori angaala ama osiese okeri a Zurde aso. Nde otoosi mbari ndi: «Leyaha ateeme, ma olaha mbri be na ndzala okaala lebihi le be, mo vua Ndziami oboloho ambiini a be.»

⁴ Lemihi le Ezayi owobi a mbari e Ndziami ateendi ntsa osaangumu o nde ndi: «Mvuuru awula ankima ntsa kayi: Be leyeese ndzila e Nkumu, Be lesiila nde ewoombo eka tele.

⁵ Ma adze okiisa ambie aso. Ma adze obula ekuri eso bla enguma eso. Ma adze osiila avunu, aka tele, ma adze oyeese andzila ma abi.

⁶ Ŋa baari aso amono ndi Ndziami asaha ovusaha bo.»

⁷ Zan na lemvuuru leyi mpili e nde ma oyaha ateeme ndi: «Be mva lekaha le antaari, ayisihi be ma oduma nkala e Ndziami edze oya na?

⁸ Lesa maami ma ave, ma olaha bu mbri be lemi kaala lebihi le be. Leka tsimiŋa be anku mbri: “Abraame taara a bisi” ni. Ŋa me eduha be Ndziami abuuna okaala akele ma, akirihi baana ma Abraame.

⁹ Opami a Ndziami aya mva mvuuru ali na owunu o dziala ma okumuha eti mpili ekaŋa. Ŋa eti ma eli mburu e mve kali, ma adze okumuha dzo atena o mbaa.»

¹⁰ Lemvuuru lepisi nde ndi: «Ŋa bisi lesa buni?»

¹¹ Nde okaali bo ndi: «Ali na amfa muele ompi buha mo, aki na biila ompi buha.»

¹² Atoniŋi ma lepo, ayi se ma oyaha ateeme, bo na Zan ndi: «E Nkumu, bisi osa buni?»

¹³ Nde okali ndi: «Ntini e be letonoho adoro leka nyuraha mvunu ma ama pisa be ni.»

¹⁴ Aworo se na Zan ndi: «Ŋa bisi, bisi se osa buni?» Nde ndi: «Lekiele okiehe ma mpa be, leka piiniha baari adoro na lebanaha le baari ni.»

Zan awobo ma edzihi e mvuuru avuli nde

¹⁵ Baari ma dilihi Krisi, atsimiŋi ndi Zan oma kaha nde.

¹⁶ Zan na bo aso ndi: «Ateeme a me, ateeme ma andza. Okima aya avuli me, o mua nde me nkara ntsi me i buuna otsiese endi e ma akoroho a nde ni. Nde ampa be ateeme ma Oduduma Santi, ateeme a mbaa.

¹⁷ Nde oli ma lebuhu na nyengese o dziala, nde adze otsiese mfisi ntsa mburu e mve, nde adze oyaha mburu e mve olehe ma otala. Ŋa nde adze otsuha mfisi o mbaa eli i dima ni.»

¹⁸ Zan otoosi Ntsia e Mve, na lempa le baari anduo.

Erode bla Zan Batise

¹⁹ Zan obie na Erode a nkumu a Ngalili ma obila o nde ayahi Erodiade olehi ma andzo, na maami akimakuna ma abi a nde asi.

²⁰ O ngula maa aso, Erode ovurihi olehi Zan ongeneŋe.

Zezi ayaha ateeme

²¹ Baari aso amana oyaha ateeme, Zezi se oyi na ayaha a nde. Ntini e nde avuonihi, yulu enahi.

²² Oduduma Santi osurihi o yulu a nde mva kuumbi, dzuuhi lewi yulu ndi: «We Muana a me a dia, osuere o me oso oli o yula we.»

Ombisa o Zezi

²³ Zezi aki abuuna oto ekuumi ma esibi etari e nde a baani dzandza le nde. Baari atsimihi ndi nde muana Zuzefe a muana Eli.

²⁴ Eli muana Matate, Matate muana Levi, Levi muana Meleki, Meleki muana Zanayi, Zanayi muana Zuzefe.

²⁵ Zuzefe muana Matatiase, Matatiase muana Amose, Amose muana Naume, Naume muana Eseli, Eseli muana Nagayi.

²⁶ Nagayi muana Maate, Maate muana Matatiase, Matatiase muana Semeyine, Semeyine muana Yoseke, Yoseke muana Yoda.

²⁷ Yoda muana Yoana, Yoana muana Resa, Resa muana Zorobabele, Zorobabele muana Salatiele, Salatiele muana Neri.

²⁸ Neri muana Meleki, Meleki muana Adi, Adi muana Kosame, Kosame muana Elimadame, Elemadame muana Ere.

²⁹ Ere muana Zezi, Zezi muana Eliezere, Eliezere muana Yorime, Yorime muana Matate, Matate muana Levi.

³⁰ Levi muana Simion, Simion muana Zida, Zida muana Zuzefe, Zuzefe muana Yoname, Yoname muana Eliakime.

³¹ Eliakime muana Meleya, Meleya muana Mena, Mena muana Matata, Matata muana Natame, Natame muana Davide.

³² Davide muana a Zese, Zese muana Obede, Obede muana Buuse, Buuze muana Sala, Sala muana Naasone.

³³ Naasone muana Aminadabe, Aminadabe muana Adimine, Adimine muana Arini, Arini muana Eserone, Eserone muana Farese, Farese muana Zida.

³⁴ Zida muana Zakobe, Zakobe muana Izaake, Izaake muana Abraame, Abraame muana Tera, Tera muana Naore.

³⁵ Naore muana Seruke, Seruke muana Rago, Rago muana Faleke, Faleke muana Ebeere, Ebeere muana Sala.

³⁶ Sela muana Kena, Kena muana Apasade, Apasade muana Seme, Seme muana Nowe, Nowe muana Lameke.

³⁷ Lameke muana Atuzaleme, Atuzaleme muana Enoke, Enoke muana Yerede, Yerede muana Malalele, Malalele muana Kena.

³⁸ Kena muana Enose, Enose muana Sete, Sete muana Adam, Adam muana Ndziami.