Salmos 67 - La'qaatqa ñi qota'olec Qota'olec & Qota'olec Novita Na Qomyipi

Qaimaqachin qami' quená'ogue na ỹoreta'oguit qomyipi

¹ Qami' qota'olec, rqouaquiteguelo qomi' chaqai qaro'ueenaxachi'; qami' huagaxaraic quiyim qara'ajñisac,

² qaiyi ná'ogue na ỹoreta'oguit qomyipi quena 'laua ỹa'den dá'maq vi'saque chaqai da nca'laxa.

³ Qami' qota'olec, imaqachin qami' na ỹoreta'oguit qomyipi; ¡quiyim ná'ogue na ỹoreta'oguit qomyipi imaqachin qami'!

⁴ Quiyim ná'ogue na ỹoreta'oguit qomyipi ỹaualqagui queda netoonaxac, ma' qami' 'viiquiñi'sac na qomyipi queda ỹa'maqachiguiñi; ¡qami' shaxañisac ná'ogue na qomyipi quena 'laua!

⁵ Qami' qota'olec, imaqachin qami' na ỹoreta'oguit qomyipi; ¡quiyim ná'ogue na ỹoreta'oguit qomyipi imaqachin qami'!

⁶ Na nanecsec quena 'laua 'ue na la; ¡ñi qota'olec no'ueenaxate' qomi'!

⁷ ¡Ca' ñi qota'olec no'ueenaxate' qomi'! ¡Ca' qaimaqachin quená'ogue na 'laua!