Salmos 23 - La'qaatqa ñi qota'olec Qota'olec & Qota'olec Novita Na Qomyipi

Qami' ỹa'gaxala', ñaviquisapegaxaro'

¹ Ñi qara'gaxala' reloqotaỹa', 'ec nqai'en aỹim ca neloxoỹaq cana qagreta; ca' qaica ca souentaque.

² Yco'mataxanaxanec quenaua lo'ualqate' na 'uaqapi, chaqai yauega ná'maq hua'ñi na huaxaỹaq se reda queso ñaachi,

³ ỹa'ue da dalaxaic iquesaxanaxa chaqai yauequeta'gue so ỹalamqata nayic, ca ỹo'uet da lemaqachic da leenaxat.

⁴ Ca 'eno'm shiquetauguilo nauá'maq paguec lapalqate' naua ca'meguelo, qam qaica quet cá'maq yo'chiitaque, ma' iỹaatac qami' ỹa'gaxala'; so nepoñi' chaqai ana rashillichi'i' ỹo'uet quiyim qaica ca youetaque.

⁵ Ca 'maxachisañi ca iqui'ỹaxac, ca' qaiyi ỹauanchigui ná'ogue na ñpa'guenaxauaripi; ca' cochirelec na iqahic quena coraxat, chaqai i'paxanteguelec nqai'ñi' aso ñi'taxaqui.

⁶ Da rqouagaxa'e' chaqai da re'xorenataxanaxa'e' sqo ỹoxe'ogalo caỹim quedá'ogue da ñachaalataxac, chaqai queca ra'aachi', qami' ỹa'gaxala', sqaica ca lqodoc quiyim senta'ñi.