Salmos 150 - La'qaatqa ñi qota'olec Qota'olec & Qota'olec Novita Na Qomyipi

Ná'ogue imaqachin ñi qara'gaxala' qota'olec

¹ ¡Qaimaqachin ñi qara'gaxala' qota'olec! ¡Maqachiñii ñi qota'olec quiyi lanatqa'! ¡Maqachiñii quedá'maq lecaic na lo'ueenatec piguim!

² ¡Maqachiñii queda lquesaxanaxa da lo'ueenataxanaxac! ¡Maqachiñii quedá'maq lecaic qaica 'nejem!

³ ¡Maqachiñii, viite'e na lelamaxa ana npe'te! ¡Maqachiñii, viite'e ana niviigue 'ue lequeeteripi!

⁴ ¡Maqachiñii, rasochitañi, ỹocantegueñi nqai'ñii da lelamaxa ana nasaquinata! ¡Maqachiñii, viite'e ana npe'te chaqai ana liviigue 'ue lequet!

⁵ ¡Maqachiñii, viite'e na 'ec peguet latoỹaxaraic! ¡Maqachiñii, viite'e na 'ec peguet ratohi!

⁶ ¡Ná'ogue ná'maq nacategaxan imaqachin ñi qara'gaxala'! ¡Qaimaqachin ñi qara'gaxala' qota'olec!