Salmos 15 - La'qaatqa ñi qota'olec Qota'olec & Qota'olec Novita Na Qomyipi

Dá'maq ỹahotaque ñi qota'olec quena qom

¹ Qami' qara'gaxala', ¿negue' cá'maq ishit hueetaugui ca qauochi'?, ¿negue' cá'maq ishit neetalec ada ralamaxarichi'i' co'teeta quemaralec qa' ladocai?

² Chaqaica cá'maq qaica canchaqaica lo'maxaset chaqai ỹo'uet ca ỹa'maqachiguiñi; chaqai cá'maq ỹa'xatetac ca lliqueta chicqotapigui añi le'taxanata;

³ cá'maq se ỹa'xat ca se no'uen queca liỹa; cá'maq ỹaqamaxateta ca nauochaxaua chaqai se ỹo'ooqochit ca sqoỹoqaque queca la'a';

⁴ cá'maq se nqo'ta ra'ỹa'a cá'maq se qanqo'chiguit, qam imaqachin cá'maq imaqachin ñi qara'gaxala'; cá'maq ipacqajanchigui ca la'qaatec, 'eno'm se ỹa'maxañi ca 'neetari';

⁵ cá'maq ra'ualaxanot aca lam, se ỹahotaque quiyim paguelec aca qoỹaanem ma' qaỹopilaxat aca na'uale; cá'maq se icoñiguit quiyim qoỹaano cá'maq qaica ca lasauaxaset. Cá'maq 'neetari' dajo, qaica ma' 'ue quet ca na'xa'a huaañi.