Salmos 130 - La'qaatqa ñi qota'olec Qota'olec & Qota'olec Novita Na Qomyipi

Dá'maq quitaxac quiñi qota'olec

¹ Na' ỹaatqajam yiuocqotac, ca' yaualqot qami' ỹa'gaxala' qota'olec:

² ¡qami' ỹa'gaxala', 'qa'ita da ivillaxac! ¡na'xaỹaxañita da ỹaualaxac, yaualqatacot qami'!

³ Qami' ỹa'gaxala', queta' 'yiiñira'a na se no'uen qaỹo'ueetetac, ¿negue' queto' ca ishit quiyim nachaatetañi?

⁴ Qam qami', ca' sqai quirapeguem na nasauaxaset, ca' semaqachinaq qami'.

⁵ Dá'ogue da ñachaalataxac ñauaanta'a ñi qara'gaxala' quiyim yotauan, chaqai seuelec da la'qaatec.

⁶ Ỹim paguec ñauaanta'a ñi qara'gaxala' quena neloxoỹaripi quiyi nete'eta. 'Nejem ca neloxoỹaq nauaanta'guit yi nete'eta,

⁷ nauaañira'a ñi qara'gaxala', qami' Israel, ma' ñi'maxare hueeto'ot da ne'xorenataxanaxa chaqai da neuagaxa.

⁸ ¡Ñi'maxare ỹosou'a ma'le na Israel quedá'ogue dá'maq hueetaugui se no'uen!