Salmos 127 - La'qaatqa ñi qota'olec Qota'olec & Qota'olec Novita Na Qomyipi

Ná'ogue chicqo'ot ñi qara'gaxala' qota'olec

¹ No'm ñi qara'gaxala' se no'xonshiguim ca no'ueenaxanaxaqui, ca ná'maq qomyipi ro'ueenataxantac qaica quet cá'maq 'negue; no'm ñi qara'gaxala' se ro'ootaxanteguelec ca na'a' lodegaxat, ca' qaica quet cá'maq 'negue quiyim reloqota'a na neloxoỹaripi.

² Qaica quet cá'maq 'negue quiyim na'xa'alom ro'ueenataxantac ca qom, chaqai quiyim chalego lesoochi qaiyi 'ue aca lauegue lqui'ỹaxaqui, ma' ñi qota'olec ỹaanem ca loq quena' laqatam ná'maq nqo'ta ñi'maxare.

³ Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

⁴ Na qochaalqaipi ne'qaañi quena' ñaqai seuqataugui da qanenocchishic, 'ec ca novic quena lqai'laxat ca nalauataxai.

⁵ ¡Chalego la'maxa queca ỹale quiyim 'xoic ca lovic 'nejem na'maxare! Se nayiloxon quiyim retaxaỹa'pegue' ca npa'guenaxauaripi quiyi nimiitaxanqa' quena nasauaxaset.