Salmos 122 - La'qaatqa ñi qota'olec Qota'olec & Qota'olec Novita Na Qomyipi

No'ueenec quiyim qaimaqachin yi Jerusalén

¹ ¡Ỹaatqajam ñitoon quena' qohinapiguiỹa': Qolaq, qolaxapegue' ñi no'ueenaxanaxaqui quiñi qara'gaxala' qota'olec!

² Jerusalén, ¡mashic seuqatauguilo naua lasomi' caqami'!

³ Jerusalén, qami' na'a' qano'xonshiguim, qaiyi qami' lapooqo' na qomyipi.

⁴ Ca' chaqana nau'a na ni'ic, ná'maq ni'ic lauo' laseripi ñi qara'gaxala', ỹahotaque imaqachin ñi'maxare, ma' chaqaida dá'maq 'naac na'le queso Israel.

⁵ Chaqaiyi huaugui yí'maq na'maqataxanqa' quenanchaqaina, na'maqataxanaxaqui ñi lauo' so nashi David.

⁶ Raualaxahi cañi re'taxanatahi, ca 'ñiỹac: Paguec la'maxa quiyim 'ue ca no'daxa caqami', Jerusalén; qaiyi qaicanqaida i'maqajlem ná'maq nqo'ta qami'.

⁷ Quiyim 'ue ca no'daxa quena napoxonaxat, qaiyi qaica canchaqaica quena qauochi' lodegaxat.

⁸ Nagui, ca' shinac quena ñauochaxauaripi chaqai quena ỹaqaỹaripi: Quiyim 'ue ca no'daxa caqami' Jerusalén.

⁹ Ñí'maq no'ueenaxanaxaqui quiñi qara'gaxala' ñí'maq qota'olec coqomi', ỹim sahotaque ma'le quiyim ra'maqairiñi.