Proverbios 9 - La'qaatqa ñi qota'olec Qota'olec & Qota'olec Novita Na Qomyipi

Qanaloqojonta' daua na'deenaxanaxa chaqai da hualoxonqaishic

¹ Da na'deenaxanaxa no'xonshiguim ca lauo', siete nqai'ne' naua nenojnaxal;

² ca ỹalauat na iseripi queca lqui'ỹaxac, ỹa'maxatetañi ca no'uen lataxa, ca' illaalec ca nqui'ỹaxala'.

³ Ca' ila' ana lelaatallipi quiyim ỹaualaq, nelamaxaren, queugui yi na'a' lodegaxat, ca 'naac:

⁴ ¡Naiquena qamii ne'naqaipi qaica ca rco'ỹaxariguii! Ilata da la'qaatec ná'maq se na'xaỹaxan, ca 'naac:

⁵ Ỹalahi, qui'ii quena na'ic chaqai ni'chii quena lataxa sa'maxatetañi.

⁶ 'Xañiñi dá'maq quiyim se na'xaỹaxañii, qaiyi rca'lliiuec; 'ñiitari' ca qom 'deenaxanqachaqaic.

¹³ Da hualoxonqaishic 'neetari' aca 'aalo la'axaqa lo'o', se naỹajan chaqai qaica ca ỹa'den.

¹⁴ Nqa'xanñigui aca nqa'xanaxaqui queca la'a' quecá'maq paguec lishicshi'ma queca na'a' lodegaxat,

¹⁵ ca roỹaxanta'pegue' ná'maq huoxoiquipi, ná'maq queeta'gue dá'maq no'uen ñicyaxac, ca 'naac:

¹⁶ ¡Nahiquena ne'naqaipi qaica ca rco'ỹaxariguii! Ilata da la'qaatec ná'maq qaica ca na'xaỹaxana, ca 'naac:

¹⁷ Na nocataxat huaxaỹaq paguec lo'daxa; quena' qoỹoxotetañi na pan quiyim qaỹa'ic, paguec qanaman.

¹⁸ Qam caua'maxare se ỹa'deene' quiyim ca lalqaipi, nagui, ca' ca la'al loiquenatec da nelauaxa.