Números 10 - La'qaatqa ñi qota'olec Qota'olec & Qota'olec Novita Na Qomyipi

Qoyique'e añi lalamaxarete ñi qota'olec quemaralec qa' ladocai

³³ Co'na'le, ca' so qomyipi ca'e aso nquemaralec qa' ladocai ñi qara'gaxala', ca' queeta so qomyipi quesaua tres na'xata'. 'Aueta nqohin aso lahite' saua diez laqataxaco ñi qara'gaxala' idaantaque cá'maq hua'ñi ca nco'matqa'.

³⁴ Quesá'ogue so na'xa'a co'quena' ne'laxashiguim so qomyipi quiyim eec, ca' so naueguelec só'maq hueetaugui ñi qara'gaxala' lotqai hueetalec so qomyipi.

³⁵ Ca co'quena' qaiconot aso lahite' saua diez naqataxaco quiyim qoyicot, ca' so Moisés 'naaco' quen: ¡Ne'laxachirishiguim, qami' qara'gaxala'! ¡Neuagaxatac nqai'ñi' na npa'guenaxaua'e'ipi! ¡Ca ma' iuañi'chiguit qami', ca' 'eet ná'maq noquiaatapega qami'!

³⁶ Qam co'quena' hua'e aso lahite' saua diez naqataxaco, ca' so Moisés 'naaco' quen: ¡Rapilli' nagui, qami' qara'gaxala', quená'maq tot qaica ishit naloqochin nalliripi na Israel llaalqaipi! (11.1—12.16 Ñi qota'olec ỹachaxantac so la'at, ca' nela' so nasalo. Aso María ỹoviraxatetac so Moisés, ca' qaỹa'ue da nouaxanaxaset.)