Miqueas 5 - La'qaatqa ñi qota'olec Qota'olec & Qota'olec Novita Na Qomyipi

Ñi qota'olec ỹadalaxat ma'le ca nashi quena Israel

¹ Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

² Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

³ Nagui, ca' ñi qara'gaxala' ỹaxantac na lalamaxareteripi, ỹovireta'a nqai'en ma' chi co'o añi 'aalo nauaantaque quiyim ne'qaañi ca llaalec. Ma'le, ca' qaigueme rapil na lauo' laseripi, quená'maq llaalqaipi so Israel hueetalec yi ỹoqa'a 'laua.

⁴ Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

⁵ Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)