Job 10 - La'qaatqa ñi qota'olec Qota'olec & Qota'olec Novita Na Qomyipi

¹ ¡Ỹim ỹaatqajam yco'te'guesop quiyim yca'leetauec! Sahotaque ñashinshiguim ná'ogue na ỹa'qaatqaipi, ỹaatqajam sa'xateta dá'ogue dá'maq nqui'ic caỹim.

² ¡Qami' qota'olec, sqai 'ñirac quiyim 'ue ca ỹasauaxaset! ¡'Ñirapiguiỹa' quecá'maq sasauaxat!

³ Ma' chaqaiqami' ná'maq yo'viichi', ca ¿'maxaraico' quiyim sqai 'maxachirahic chaqai quiyim liỹoqoira'piguit aỹim, chaqai quiyim 'maxariñite' quiyim 'ue ca ỹo'uet na hualoxonyipi?

⁴ Ca' ¿da ra'ajnaxanaxaqui' 'ec nqai'ñi' da la'ajnaxanaxac ca chaqai qom?

⁵ ¿Loqo'm da nachaalataxaqui' se ladoguec, 'ec da nachaalataxac ca chaqai qom?

⁶ Ca' ¿chi'negue ma' daañisaque ca ỹo'maxaset chaqai ca ỹasauaxaset?

⁷ 'eno'm 'yiiñisari' quiyim qaica ca ỹasauaxaset, chaqai quiyim qaica quet cá'maq ishit yca'laxatec queda rquesaxanaxa'e'. (10.8-22 Niỹoon so Job.)