Isaías 44 - La'qaatqa ñi qota'olec Qota'olec & Qota'olec Novita Na Qomyipi

Ñi qota'olec nca'laxatec na llaalqaipi so Israel

²⁴ Ñí'maq qara'gaxala' ñí'maq naqata'alo qomi', ñí'maq ỹa'maxajñi qami' na' saqa' ne'qa'iriñi, 'naac: Ỹim ná'maq ỹim na'gaxala' ỹo'ueenatec ná'ogue nanchaqaina, ỹim sepeguenec na piguim chaqai sa'ñaxajñi na 'laua, qaica ca yotauan.

²⁵ Ỹim se ipaguigui nqaishin ca la'qaatec ná'maq 'naac qota'olec letaxaỹaxaqui, ỹim so'uet quiyim ná'maq idaanau'a nanchaqaina chi ỹo'meetac. Ỹim so'uet quiyim na 'deenaxanqachaqaiquipi chi retaqata'ta' chaqai da la'deenaxanaxa, dá'ogue hualoxonqaishic.

²⁶ Qam so'uet quiyim ipaquichiguilo naua la'qaatqa na ilaatqaipi chaqai 'maxaraic nqaishin cá'maq ỹo'ueetetac. Ỹim sa'xat quiyim yi Jerusalén liỹa pilchigui quiyim na'a' lodegaxat chaqai na na'aateripi quiyi 'laua Judá liỹa qano'xonshiguim. Ỹim so'uet quiyim qano'viishiguim ná'maq mashic ropoqota.

²⁷ Ỹim seshit shinapega aso huaaxai quiyim rashivigui chaqai quiyim na lachiuguellipi co'chigui qaica ca huaxaỹaq.

²⁸ Ỹim shinac quiñi nashi Ciro: Qami' neloxoỹaq quena ỹalamaxareteripi, ca qami' 'viichi' cá'ogue cá'maq sahotaque. Chaqai shinac quiyi Jerusalén: Liỹa qano'xonshiguim qami' ma'le; chaqai shinac quiñi no'ueenaxanaxaqui: Ma'le, ca' liỹa qaỹa'ue ca no'xonaxala'.