Isaías 41 - La'qaatqa ñi qota'olec Qota'olec & Qota'olec Novita Na Qomyipi

Ñi qota'olec 'naac nca'laxatec ma'le so llaalqaipi so Israel

⁸ Ñaq na'xaỹaxañi', qami' lalamaxaret so Jacob só'maq na'aamatec da Israel, qami' ilaatec, ỹaatqajam qami' ica'acsec, qamiri llaalqaipi so ñauochaxaua Abraham:

⁹ Ỹim ñaqatec qami' queda ñi'sa'gue qoỹoqo'tegue 'laua, ỹaatqajam qoỹoqo'ta qami', qam soỹaxañiraxaua', ca' shinac caqami': Ỹaatqajam qami' ilaatec, ica'acsec qami', se lliỹoqa'piguit qami'.

¹⁰ Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

¹¹ Ná'ogue ná'maq qami' loquiiaxat, nayiloxon ma'le chaqai nemanachit; ná'maq reloquiñi'sac nagui, ná'ogue nimiichiguiñi ma'le.

¹² Daañisaque ma'le na npa'guenaxaua'e'ipi, qam sqa nachita; ná'maq nalauateta'pegue' qami' 'ec quiyim qaica ma'le.

¹³ Ma' ỹim, ỹim na'gaxala' qota'olec caqami', ỹim secona da rqai'laxachi'; ỹim shinac caqami': Totaxan ro'chi'i', ỹim sotauañi'. (41.14-29 Ñi qota'olec queetapegueu'a na nashiilqaipi nqolaquipi.)