Isaías 31 - La'qaatqa ñi qota'olec Qota'olec & Qota'olec Novita Na Qomyipi

Qaraqata ná'maq ỹahotaque qaỹotauan quiyi Egipto

¹ ¡Chalego le'xoric ná'maq ỹahotaque qaỹotauan, ca' taigue da Egipto, quená'maq 'ue da lpi'ỹaxac quena shipiguiripi, ná'maq pi'ỹa'a ná'maq 'xoic ana lahoglena chaqai quená'maq ỹaatqajam 'xoic na lalo shipiguiripi, ca' tot nqovilga ñí'maq co'teeta qota'olec quiyi Israel, se idaanaque ñi qara'gaxala'!

² Qam ñi'maxare qai'neeta ỹaatqajam co'ỹaxaraic chaqai ỹa'den ỹo'uet ca ne'xoric, chaqai quena' 'ue da ỹa'xat, ca chaqaida nqai'en. Ñi'maxare npa'guene'e' ma'le na qomyipi hualoxonyipi, chaqai ná'maq ỹotauan na ỹo'ueetetac na se no'uen.

³ Na Egipto laseripi chaqai qomyipi, se qota'olqaipi; na laloipi shipiguiripi 'ue la'at, sqai se re'xogui. Ñi qara'gaxala' ỹeguec ma'le da lqai'laxat ma' ỹouaxan, liỹa'ñi' nqai'en cá'maq quepaqataxanteguelec; caua'que niỹareta'anta' ma'le. (31.4-9 Ñi qota'olec quepaqataxanlec ma'le yi Israel.) (32.1—34.17 Ỹaatqajam 'xoic la'maxa da lo'ueenataxanaxac so nashillipi. 'Ue da quitaxac quiñi qara'gaxala'. Ñi qota'olec ỹa'ue da nouaxanaxaset yi Edom.)