Isaías 25 - La'qaatqa ñi qota'olec Qota'olec & Qota'olec Novita Na Qomyipi

Qaimaqachin ñi qota'olec

⁶ Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

⁷ Ca dajo qa', nosogoñi ma'le ñi qara'gaxala' so napoxonaxat ỹapootalec ná'ogue na ỹoreta'oguit qomyipi, so nepo' napoxonaxantañi ná'ogue na qomyipi quena 'laua.

⁸ Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

⁹ Ca' quecajo na'xa'a, ca' qohinac: Ñijo ñí'maq qota'olec coqomi', ñi'maxare spi'ỹaaqa'a, ca ñi'maxare qarca'laxatec. Saỹaaquioqotalec, ñitoonqata'gue, ma' ñi'maxare mashic qarca'laxatec. (26.1—28.6 Qaỹo'ueenta'uegue da nauegaxanaxac. Da lca'laxa ma'le yi Israel. Qaraqata yi Samaria.)