Isaías 10 - La'qaatqa ñi qota'olec Qota'olec & Qota'olec Novita Na Qomyipi

Da lauel ñi qara'gaxala' taỹalec yi 'laua Israel

¹ ¡'Xoraiqolqa qamiri, ma' 'viichiñi na naqataxac se no'uen chaqai 'chiiñi na nelaataxanaxac se qanalo'guit,

² ma' 'viichii quiyim se qana'xaỹaxana ná'maq sqaicanqaiyi, chaqai se quelolliguit ná'maq 'xoraiquipi quena ỹalamaxareteripi, chaqai nouoretac ana pa'ỹellipi chaqai rocachot na na'pelyipi!

³ ¿Tegue' canchaqai 'ñiita ma' qarimichii, ma' daañiỹa'guit qoỹoqo'chiguit cá'maq ỹo'uet ca nouaxanaxashichii? ¿Negue' cá'maq shiilaỹo' ma'le quiyim rotauañii? ¿Negue' cá'maq lliỹa'gue ma'le na resallaxahi?

⁴ No'm se nemanachichii quiyim qare'xachii qarcoñiri, ca quiita'ñi' ma'le ná'maq nalauatqaipi. (10.5-34 Ñi qota'olec ỹouen so Asiria laseripi quiyim ỹa'ue da nouaxanaxaset so llaalqaipi so Israel.)