Ezequiel 10 - La'qaatqa ñi qota'olec Qota'olec & Qota'olec Novita Na Qomyipi

Da lauaq ñi qota'olec ca'e ñi no'ueenaxanaxaqui

¹⁸ Ca na'le, ca' so lauaq ñi qara'gaxala' qota'olec taashiguim, ca' quelec ñi no'ueenaxanaxaqui, ca' hua'e hueetalgoto saua ise' 'vii laua'.

¹⁹ Ca saua'maxare nanochishiguim naua laua', ca' ne'laxachishiguim quena 'laua. Ca' ỹim seuanalo na' ne'laxachishiguim, huaqata'guita saua laviol, chaqai na' huere'e quiñi lasom pa'a'gue da lqodoigue quiñi no'ueenaxanaxaqui quiñi qara'gaxala'. Ca' da lauaq ñi qota'olec queso Israel pa'aatashiguim quesaua'maxare.

²⁰ Ca' chaqaisaua sauá'maq ise' 'vii laua' seuanalo na'le caso lachiugue Quebar pa'aasañi quiñi qota'olec queso Israel. Ca na'le, ca' yitan negue' saua'maxare.

²¹ Cuatro naua lashiigo' quiñi 'óna quesaua'maxare, chaqai cuatro naua laua'. Ca' quena pa'aasañi quenaua laua' 'ue na seuane'ta 'ec qom lqai'laqate'.

²² Ca' naua lashiigo' ỹaatqajam 'nejme' sauá'maq ise' 'vii laua' seuanalo na'le caso lachiugue Quebar. Chaqai quena' eec, ỹalamqate'.