Éxodo 33 - La'qaatqa ñi qota'olec Qota'olec & Qota'olec Novita Na Qomyipi

Ñi qara'gaxala' ỹachaxan da lauaq queso Moisés

¹⁸ Ca' so Moisés ne'xoresene'tot ñi qara'gaxala', ca 'naaco': —¡Ñaq seuana nqai'ñi' ca rauaqe'!

¹⁹ Qam ñi qara'gaxala' 'naaco': —Ca' ỹim quejlec qami' nqaishin ná'ogue na iqouagaxa, chaqai 'qa'ita ma'le da ỹeenaxat. Ca' ỹim se'xoreno' cá'maq se'xoren, chaqai yqouagueco' cá'maq yqouaguegue.

²⁰ Qam sechoxotem qami' quiyim sqai huañirigui na ỹashic, ma' qaica ca qom quiyim iuañiua', qam ñaqai queeta nca'leetauec.

²¹ Qai'neeta 'naaco' ñi qara'gaxala': —'Anta quenajo senta'ñi, ñaqa 'ue na ledaaqa'. Ca' qami' shichi' nachaachisañi co'vi'salec najo qa'.

²² Ca ma' qami' quejlec da lquesaxanaxa da ỹauaq, ca sillaho'gue qami' ma'le ñi lauac ana qa'. Ca' sapolec qami' ma'le cana ñapoquena, toco' ma' ime ỹoxogue aỹim.

²³ Ca ma' ime, ca' ñavicshiguim da iqai'laxat. Ca ma'le, ca' shichi' 'ajñi' na ilaq, qam na ỹashic sqaica ca iuañigui.