Eclesiastés 7 - La'qaatqa ñi qota'olec Qota'olec & Qota'olec Novita Na Qomyipi

Naqataxac quiyim qaiquelola ná'maq ỹapacauec

¹⁵ Dá'ogue dajo seuana quedá'maq qaica ca 'negue ñachaalataxac: quiyim ileu na huagaxaraic 'eno'm 'ue da leuagaxaric, chaqai na hualoxonyipi quedá'maq leualoxonqaishic, qam ỹovireta'a lqo'xo.

¹⁶ Mese ỹapacauec ca neuagaxaric, chaqai se qaỹapacqajnauec ca na'deenec. ¿Chi'negue queta' nqa'viinteguelta' ca qom?

¹⁷ Se qaỹapacqajnauec ca nonogoxonaxac, chaqai quiyim 'ec paguec qaica ca qaỹa'den. ¿Chi'negue queta' ileu ca qom quiyim saqa' ỹovita ca laloqo'?

¹⁸ Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.