Eclesiastés 4 - La'qaatqa ñi qota'olec Qota'olec & Qota'olec Novita Na Qomyipi

¹ Ca lotqai sa'ajan dá'maq 'neetari' ná'maq pataqatañi na qom quena 'laua. Ca' seuana quiyim ná'maq qaipataqatañi noỹentagui, qam qaica cá'maq lo'daxachigui lauel; ỹaatqajam 'ue da lqa'viic ná'maq pataxasoxontac, qam qaica cá'maq lo'daxachigui lauel.

² Vichiguiño' shinac paguec ỹa'maqachiguiñi ná'maq shi'gue ileu, sqai 'nejem ná'maq ñaq nca'leetauec;

³ qam 'eno'm paguec la'maxa da 'neetari' ná'maq saqa' ne'qaañi, ma' saqa' iuana ná'maq qaỹo'ueetetac se no'uen quena 'laua.

⁴ Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.