Eclesiastés 11 - La'qaatqa ñi qota'olec Qota'olec & Qota'olec Novita Na Qomyipi

Qanetoonta'pegue ná'maq qaicoñiguit queda chaalataxac

⁷ Chalego loyac quiyim qoyiuetaugui na lauaq añi ra'aasa;

⁸ qam 'eno'm ỹovireta'a ca lqo'xo ca qom chaqai dá'ogue netoonta'pegue, qam sqai 'laxachite quiyim paguec 'xoic ma'le caua na'xata' queca napalaxa, chaqai ná'ogue ná'maq ñaqai naata qaica quet cá'maq 'negue.

Napaxaguinataxanaxac quena ne'naqaipi

⁹ Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

¹⁰ Ỹoochire'ogalo naua ra'deenataxanaxagohi', o'yirauec nauá'maq se no'viiñi ra'paxachisa'pe, ma' naua no'viiñi na'xata' queda nocchishic qai'neeta qaica quet cá'maq 'negue.