Cantares 3 - La'qaatqa ñi qota'olec Qota'olec & Qota'olec Novita Na Qomyipi

'Naac aso 'aalo

¹ Quiyi pe quena' ñinantañi quiyi ỹoma', sedaantaque quen só'maq lqo'itaxat da ñachaalataxac. Sedaantaque quen, qam se sanata.

² Ca na'le, ca ñi'laxashiguim, ca' shigougui yi na'a' lodegaxat, sedaantaque só'maq lqo'itaxat da ñachaalataxac quenaua nayico chaqai quena nco'matqa' na qom. Sedaantaque, qam se sanata.

³ Senate' saua nouaataxanaq lase', sauá'maq reloqosa'a yi na'a' queso pe: ¿Sqai huañiỹo' qamiri cá'maq lqo'itaxat da ñachaalataxac?

⁴ Ỹaatqajam chi sqosha'ahi saua'maxare, ca ñachiñi'chiguit só'maq lqo'itaxat da ñachaalataxac. Ca' secona da lqai'laxat, ca sqai saxanec, ca sauega'a yi la'a' añi ỹate'e.

'Naac so ỹale

⁵ 'Ỹaañiuec da ra'qaachiguii, qamiri 'aallipi quena Jerusalén, quena naueenec chaqai quena peele quena no'ueenaxa, ca' sqai qaicchiỹa'guit da lelaxac yí'maq iqo'itqate, chi ỹovireto'o' ma' chi neme ca lelaxac.