നെഹെമ്യാവ് 7 - സമകാലിക മലയാളവിവർത്തനം

¹ മതിലിന്റെ പുനർനിർമാണം പൂർത്തീകരിച്ച് ഞാൻ അതിനു കതകുകൾ വെക്കുകയും വാതിൽകാവൽക്കാരെയും സംഗീതജ്ഞരെയും ലേവ്യരെയും നിയമിക്കുകയും ചെയ്തശേഷം

² എന്റെ സഹോദരൻ ഹനാനിക്കൊപ്പം കോട്ടയുടെ അധിപനായ ഹനന്യാവിനും ജെറുശലേമിന്റെ ചുമതല നൽകി. കാരണം, അദ്ദേഹം മറ്റു പലരെക്കാളും വിശ്വസ്തനും ദൈവഭക്തനും ആയിരുന്നു.

³ ഞാൻ അവരോടു പറഞ്ഞു: “വെയിൽ ഉറയ്ക്കുന്നതുവരെ ജെറുശലേമിന്റെ കവാടങ്ങൾ തുറക്കരുത്. വാതിലിനു കാവൽ നിൽക്കുമ്പോൾത്തന്നെ അവർ അത് അടച്ച് ഓടാമ്പൽ ഇടണം. ജെറുശലേംനിവാസികളെ കാവൽക്കാരായി നിയമിച്ച്, ഓരോരുത്തരെ അവരവരുടെ സ്ഥാനത്തും അവരുടെ വീടിനുചേർത്തും നിർത്തണം.”

തിരിച്ചുവന്ന പ്രവാസികൾ

⁴ നഗരം വലിയതും വിശാലവുമായിരുന്നെങ്കിലും നിവാസികൾ ചുരുക്കമായിരുന്നു: വീടുകളൊന്നും പണിതിരുന്നുമില്ല.

⁵ അപ്പോൾ പ്രഭുക്കന്മാരെയും ഉദ്യോഗസ്ഥരെയും ജനങ്ങളെയും വിളിച്ചുകൂട്ടി വംശാവലി രേഖപ്പെടുത്താനായി ദൈവം എന്റെ ഹൃദയത്തിൽ തോന്നിച്ചു. ആദ്യം മടങ്ങിവന്നവരെക്കുറിച്ച് ഒരു വംശാവലിരേഖ കിട്ടിയതിൽ ഇപ്രകാരം എഴുതിയിരിക്കുന്നതായി ഞാൻ കണ്ടു:

⁶ ബാബേൽരാജാവായ നെബൂഖദ്നേസർ പ്രവിശ്യകളിൽനിന്നു ബാബേലിലേക്കു പിടിച്ചുകൊണ്ടുപോയിരുന്ന നിവാസികളിൽ, പ്രവാസത്തിൽനിന്നു മടങ്ങിവന്നവർ ഇവരാണ്. അവർ ജെറുശലേമിലും യെഹൂദ്യയിലുമുള്ള തങ്ങളുടെ പട്ടണങ്ങളിലേക്കു മടങ്ങിവന്നു.

⁷ (സെരൂബ്ബാബേൽ, യോശുവ, നെഹെമ്യാവ്, അസര്യാവ്, രയമ്യാവ്, നഹമാനി, മൊർദെഖായി, ബിൽശാൻ, മിസ്പേരെത്ത്, ബിഗ്വായി, നെഹൂം, ബാനാ എന്നിവരോടൊപ്പംതന്നെ): ഇസ്രായേൽജനത്തിലെ പുരുഷന്മാരുടെ വിവരം:

⁸ പരോശിന്റെ പിൻഗാമികൾ 2,172

⁹ ശെഫത്യാവിന്റെ പിൻഗാമികൾ 372

¹⁰ ആരഹിന്റെ പിൻഗാമികൾ 652

¹¹ (യേശുവയുടെയും യോവാബിന്റെയും വംശപരമ്പരയിലൂടെ) പഹത്ത്-മോവാബിന്റെ പിൻഗാമികൾ 2,818

¹² ഏലാമിന്റെ പിൻഗാമികൾ 1,254

¹³ സത്ഥുവിന്റെ പിൻഗാമികൾ 845

¹⁴ സക്കായിയുടെ പിൻഗാമികൾ 760

¹⁵ ബിന്നൂവിയുടെ പിൻഗാമികൾ 648

¹⁶ ബേബായിയുടെ പിൻഗാമികൾ 628

¹⁷ അസ്ഗാദിന്റെ പിൻഗാമികൾ 2,322

¹⁸ അദോനീക്കാമിന്റെ പിൻഗാമികൾ 667

¹⁹ ബിഗ്വായിയുടെ പിൻഗാമികൾ 2,067

²⁰ ആദീന്റെ പിൻഗാമികൾ 655

²¹ (ഹിസ്കിയാവിലൂടെ) ആതേരിന്റെ പിൻഗാമികൾ 98

²² ഹാശൂമിന്റെ പിൻഗാമികൾ 328

²³ ബേസായിയുടെ പിൻഗാമികൾ 324

²⁴ ഹാരിഫിന്റെ പിൻഗാമികൾ 112

²⁵ ഗിബെയോന്റെ പിൻഗാമികൾ 95

²⁶ ബേത്ലഹേമിൽനിന്നും നെത്തോഫാത്തിൽനിന്നുമുള്ള പുരുഷന്മാർ 188

²⁷ അനാഥോത്തിൽനിന്നുള്ള പുരുഷന്മാർ 128

²⁸ ബേത്ത്-അസ്മാവെത്തിൽനിന്നുള്ള പുരുഷന്മാർ 42

²⁹ കിര്യത്ത്-യെയാരീം, കെഫീരാ, ബേരോത്ത് എന്നിവിടങ്ങളിൽനിന്നുള്ള പുരുഷന്മാർ 743

³⁰ രാമായിലും ഗേബായിലുംനിന്നുള്ള പുരുഷന്മാർ 621

³¹ മിക്-മാസിൽനിന്നുള്ള പുരുഷന്മാർ 122

³² ബേഥേൽ, ഹായി എന്നിവിടങ്ങളിൽനിന്നുള്ള പുരുഷന്മാർ 123

³³ നെബോയിൽനിന്നുള്ള പുരുഷന്മാർ 52

³⁴ മറ്റേ ഏലാമിൽനിന്നുള്ള പുരുഷന്മാർ 1,254

³⁵ ഹാരീമിൽനിന്നുള്ള പുരുഷന്മാർ 320

³⁶ യെരീഹോയിൽനിന്നുള്ള പുരുഷന്മാർ 345

³⁷ ലോദ്, ഹദീദ്, ഓനോ എന്നിവിടങ്ങളിലെ പുരുഷന്മാർ 721

³⁸ സെനായാനിൽനിന്നുള്ള പുരുഷന്മാർ 3,930.

³⁹ പുരോഹിതന്മാർ: (യേശുവയുടെ കുടുംബത്തിൽക്കൂടി) യെദായാവിന്റെ പിൻഗാമികൾ 973

⁴⁰ ഇമ്മേരിന്റെ പിൻഗാമികൾ 1,052

⁴¹ പശ്ഹൂരിന്റെ പിൻഗാമികൾ 1,247

⁴² ഹാരീമിന്റെ പിൻഗാമികൾ 1,017.

⁴³ ലേവ്യർ: (കദ്മീയേലിന്റെയും ഹോദവ്യാവിന്റെയും പരമ്പരയിലൂടെ) യേശുവയുടെയും പിൻഗാമികൾ 74.

⁴⁴ സംഗീതജ്ഞർ: ആസാഫിന്റെ പിൻഗാമികൾ 148.

⁴⁵ ആലയത്തിലെ വാതിൽക്കാവൽക്കാർ: ശല്ലൂം, ആതേർ, തല്മോൻ, അക്കൂബ്, ഹതീത, ശോബായി എന്നിവരുടെ പിൻഗാമികൾ 138.

⁴⁶ ആലയത്തിലെ സേവകർ: സീഹ, ഹസൂഫ, തബ്ബായോത്ത്,

⁴⁷ കേരോസ്, സീയഹ, പാദോൻ,

⁴⁸ ലെബാന, ഹഗാബ, ശൽമായി,

⁴⁹ ഹാനാൻ, ഗിദ്ദേൽ, ഗഹർ,

⁵⁰ രെയായാവ്, രെസീൻ, നെക്കോദ,

⁵¹ ഗസ്സാം, ഉസ്സ, പാസേഹ,

⁵² ബേസായി, മെയൂനിം, നെഫീസീം,

⁵³ ബക്ക്ബൂക്ക്, ഹക്കൂഫ, ഹർഹൂർ,

⁵⁴ ബസ്ളൂത്ത്, മെഹീദ, ഹർശ,

⁵⁵ ബർക്കോസ്, സീസെര, തേമഹ്,

⁵⁶ നെസീഹ, ഹതീഫ, എന്നിവരുടെ പിൻഗാമികൾ.

⁵⁷ ശലോമോന്റെ ദാസന്മാരായ: സോതായി, ഹസോഫേരെത്ത്, പെരിദ,

⁵⁸ യാല, ദർക്കോൻ, ഗിദ്ദേൽ,

⁵⁹ ശെഫാത്യാവ്, ഹത്തീൽ, പോക്കേരെത്ത്-ഹസ്സെബയീം, ആമോൻ എന്നിവരുടെ പിൻഗാമികൾ,

⁶⁰ ആലയത്തിലെ ദാസന്മാരും ശലോമോന്റെ ദാസന്മാരുടെ പിൻഗാമികളെയുംകൂടി 392.

ആലയത്തിലെ ദാസന്മാരും ശലോമോന്റെ ദാസന്മാരുടെ പിൻഗാമികളെയുംകൂടി

⁶¹ തേൽ-മേലഹ്, തേൽ-ഹർശ, കെരൂബ്, അദ്ദോൻ, ഇമ്മേർ എന്നീ പട്ടണങ്ങളിൽനിന്നു വന്നവരാണ് താഴെപ്പറയുന്നവർ; എങ്കിലും, തങ്ങളും തങ്ങളുടെ പിതൃഭവനവും ഇസ്രായേല്യരിൽനിന്നുള്ളവർ എന്നു തെളിയിക്കാൻ അവർക്കു സാധിച്ചില്ല:

⁶² ദെലായാവ്, തോബിയാവ്, നെക്കോദ എന്നിവരുടെ പിൻഗാമികൾ 642.

⁶³ പുരോഹിതന്മാരുടെ പിൻഗാമികളിൽനിന്ന്: ഹബയ്യാവ്, ഹക്കോസ്സ്, (ഗിലെയാദ്യനായ ബർസില്ലായിയുടെ ഒരു പുത്രിയെ വിവാഹംചെയ്ത് ആ പേരിനാൽ വിളിക്കപ്പെട്ട ഒരാളായ) ബർസില്ലായി എന്നിവരുടെ പിൻഗാമികൾ.

⁶⁴ ഇവർ തങ്ങളുടെ ഭവനങ്ങളെക്കുറിച്ച് വംശാവലിരേഖകളിൽ അന്വേഷിച്ചു. എന്നാൽ അവർക്ക് അതു കണ്ടുകിട്ടാത്തതിനാൽ അവരെ അശുദ്ധരായി കണക്കാക്കി പൗരോഹിത്യത്തിൽനിന്നു നീക്കിക്കളഞ്ഞു.

⁶⁵ ഊറീമും തുമ്മീമും ഉപയോഗിക്കുന്ന ഒരു പുരോഹിതൻ ഉണ്ടാകുന്നതുവരെ ഇവർ അതിപരിശുദ്ധമായ ഒന്നും കഴിക്കരുതെന്നു ദേശാധിപതി ഇവരോടു കൽപ്പിച്ചു.

⁶⁶ ആ സമൂഹത്തിന്റെ എണ്ണപ്പെട്ടവർ ആകെ 42,360.

⁶⁷ അതിനുപുറമേ 7,337 ദാസീദാസന്മാരും സംഗീതജ്ഞരായ 245 പുരുഷന്മാരും സ്ത്രീകളും ഉണ്ടായിരുന്നു.

⁶⁸ 736 കുതിര, 245 കോവർകഴുത,

⁶⁹ 435 ഒട്ടകം, 6,720 കഴുത എന്നിവയും അവർക്കുണ്ടായിരുന്നു.

⁷⁰ കുടുംബത്തലവന്മാരിൽ ചിലർ വേലയ്ക്കായി സംഭാവന നൽകി. ദേശാധിപതി ഖജനാവിൽനിന്ന് 1,000 തങ്കക്കാശും, 50 കിണ്ണങ്ങളും 530 പുരോഹിതവസ്ത്രവും കൊടുത്തു.

⁷¹ പിതൃഭവനത്തലവന്മാരിൽ ചിലർ വേലയ്ക്കുവേണ്ടി 20,000 തങ്കക്കാശും, 2,200 മിന്നാ വെള്ളിയും ഖജനാവിലേക്കു നൽകി.

⁷² ശേഷംജനം കൊടുത്തത് ആകെ 20,000 തങ്കക്കാശ്, 2,000 മിന്നാ വെള്ളി, 67 പുരോഹിതവസ്ത്രങ്ങൾ എന്നിവയായിരുന്നു.

⁷³ പുരോഹിതന്മാരും ലേവ്യരും ദ്വാരപാലകരും സംഗീതജ്ഞരും ദൈവാലയദാസന്മാരും ജനത്തിൽ ചിലരും ശേഷംഇസ്രായേലും താന്താങ്ങളുടെ പട്ടണങ്ങളിൽ താമസമാക്കി. ശേഷിച്ച ഇസ്രായേല്യരെല്ലാം അവരവരുടെ പട്ടണങ്ങളിൽ താമസിച്ചു. ഏഴാംമാസം വന്നപ്പോൾ,