Tingtoeng 8 - Matu Bible

Pathen kah Thangpomnah neh Hlang kah Muelhtuetnah

[Gittith rhotoeng dongah aka mawt ham David kah tingtoenglung]

¹ Kaimih kah boeipa YAHWEH tah, diklai pum ah na ming metlam a khuet tih, na mueithennah te vaan dongla na khueh mai.

² Nang aka daengdaeh kongah, thunkha neh phuloh te kangkuen sak ham camoe neh cahni ka lamkah sarhi na cuen sak.

³ Vaan kah na kutngo hla neh aisi boeih na khueh te ka hmuh vaengah,

⁴ Balae tih hlanghing te na ngaidam tih, hlang capa te na hip?

⁵ Tedae anih te Pathen lakah vel na toem sak phoeiah ni, anih te thangpomnah neh, rhuepomnah na khuem sak.

⁶ Na kutngo te anih na taemrhai sak tih, a kho hmuiah,

⁷ tu neh saelhung boeih khaw, kohong kah rhamsa khaw,

⁸ vaan kah vaa neh tuitunli kongtlang kah aka kat tuitunli nga khaw boeih na khueh pah.

⁹ Aw BOEIPA, kaimih kah boeipa tah na ming khaw diklai pum ah khuet tangkik.